Luki 1
1
Mɛ gěgé tɛ́nkpɔ́n bó kpín nǔ e yě sín tan ɖo wéma jí.
Yě ɖɔ nǔ ɔ́ yě unté e mawuxójlátɔ́ e mɔ nǔ e jɔ́ yě sín
2
bǐbɛ́mɛ ɔ́ ɖɔ nú mǐ gbɛn é.
3
Énɛ́ wú ní ɖesúnɔ́ ɔ́ un yí ba do nú nǔ énɛ́ ɔ́ yě có xwíi sín bǐbɛ́mɛ yětɔn, bó nyɛ́ ɖɔ má wlán nǔ e jɛ nɛ́ e yě ɖě jɛ ɖě gúdo sɛ́ dó we, mɛ mimɛ Tewofílu,
4
bónú o ná tunwun nǔgbó e ɖo nǔ e è kplɔ́n we e yě mɛ e.
5
Hwenu Elódu nyí Judée xɔ́xú ɔ́, yɛhwenɔ́ unkpó tíin b'ɛ nɔ́ ylɔ́ ɛ́ ɖɔ Zakalíi bó ɖo Abiya sín gbɛ̌ta ɔ́ mɛ. Asi tɔn nɔ nyí Elizabɛ́ti bó jɔ ɖo yɛhwenɔ́gán Aalɔ́ɔn sín kúnkan mɛ.
6
Yě mɛ we ɔ́ yě có wɛ nyí mɛ jlɔ́jlɔ ɖo Mawu nukɔn, bó nɔ́ nyí Aklúnɔ sín sɛ́n ɔ́ yě bɔ nǔ có xwíi nɔ vɔ ɖ'éwú.
7
Yě ká ɖo fǐ à, ɖó wɛnsinɔ ní Elizabɛ́ti ɔ́, bɔ yě mɛ we ɔ́ yě có xwíi sín ka ko sɛ yi.
8
È wa su gbe unkpó bɔ Zakalíi ɖo yɛhwenɔ́ sín asɔ̌ tɔn ɔ́ yě wa we ɖo Mawu nukɔn, ɖó gbɛ̌ta e mɛ é ɖe ɔ́ jí wɛ sinsɛnxɔmɛzɔ́ jɛ hwe nɛ́ nu.
9
Ɖi unté e walɔ fɔ̌sánúxlxwléxwlé tɔn zɔn gbɛn ɔ́,è ká nyi akɔ , bó zé Zakalíi n'ɛ́ ná byɔ́ tɛn mímɛ́ Aklúnɔ tɔn mɛ boná dó zǎnlínkpɔ́n zo boná xwlé Aklúnɔ.
10
Togun ɔ́ có xwíi ká ɖo ɖɛ xo we ɖo hɛnwúnkɛn hwenu e Zakalíi jɛ zǎnlínkpɔ́n ɔ́ xwlé Aklúnɔ ji é.
11
Wɛnsagun Mawu tɔn unkpó ká tɔn dó Zakalíi jí, bó kí te ɖó ɖisíxwé nú fɔ̌sákpe ɔ́.
12
Ée Zakalíi mɔ ɛ́ ɔ́, ayi tɔn có xwíi gbadó, bɔ xɛsi jɛ ji wún tɔn.
13
Lo ɔ́ wɛnsagun ɔ́ ka ɖɔ n'i ɖɔ: "má ɖi xɛsi ó, Zakalíi; ɖó Mawu se ɖɛ tuwe. Asi tuwe Elizabɛ́ti ná ji fǐ súnnu unkpó nú we, bɔ ó ná sun nyíi ɖɔ Jǎan.
.
14
É ná nyí xomɛhunhun kpán awǎjijɛ kpán sín nǔ nú we, bɔ mɛ gěgé ná j'awǎ ɖo jiji tɔn wú.
15
Ɖó é ná nyí gbɛtɔ́ nukúnɖéjí unkpó ɖo Aklúnɔ ɔ́ nukún mɛ. É ná nyí mɛ ɖé boná nɔ́ nu ahan vɛ̌ɛn kpán syɛ́nsyɛ́n kpán ɖéján à.
16
É ná bló bɔ Izlayɛ́li fǐ gěgé ná lɛ́kɔ wa Aklúnɔ, Mawu yětɔn ɔ́ gɔn.
17
É ná ɖi zɔnlin ɖo Mawu nukɔn ɖo Yɛ kpán xǔhlɔ́n Elíi tɔn kpán mɛ, boná dɔn ayi dáa yě tɔn wa fǐ ɛ yětɔn ji, boná kplá gǔfɔntɔ́ yě sɛnunyɛ́ hwɛjijɔnɔ́ ɔ́ yětɔn kɔn, boná dó sixú bló togun Aklúnɔ tɔn ɖo ɖ'ayǐ n'í.
18
Zakalíi ́ka kanbyɔ́axa wɛnsagun ɔ́ ɖɔ: "Ani ka ná xlɛ́ mì ɖɔ nǔ mɔ̌hun ná jɛ? Ɖó ni ɔ́ kpo e, , bɔ asi ce lɔ sín xwe ka ko sɛ yi.
19
Wɛsagun ɔ́ yi gbe n'i ɖɔ: "Ni ɔ́ wɛ nyi Gabliyɛ́li, mɛ e nɔ́ nɔ te ɖo Mawu nukɔn e. É yɔ́ wɛ sɛ́ mì dó, nú má ɖɔ xó nú we, lob'á dó Wɛn Ɖagbe éyɔ́ we.
20
Ɖěe ó́́ ma ɖi nǔ nú à, ɖɛ̌ tuwe tɛ́, bɔ xó ɖiɖɔ ná gló we, káká jɛ hwenu e nǔ ɔ́ yě có ná jɛdó e."
21
Hwenu nǔ ɔ́ yě ɖo jijɛ we ɔ́, togun có ka ɖo te kpɔ́n Zakalíi, bɔ unté e lin gbɔn ɖo tɛn mímɛ́ Akúnɔ tɔn ɔ́ nyí nǔ bo hu ado nú yě.
22
Ée zɛ́n unkɛn ɔ́, é sɔ́ sixú ɖɔ xó nú yě à, bɔ yě mɔ nukunnu jɛ wú ɖɔ nǔ wɛ è hunxlɛ́ ɛ ɖo tɛn mímɛ́ Aklúnɔ tɔn ɔ́ mɛ, b'ɛ́ gbɔ bó nɔ́ sɔ́ alɔ dó ɖɔ xó nú yě lobɔ ɖɛ̌ tɔn nɔ títɛ́ mɔ̌.
23
Hwenu sinsɛn tintɔn sín ganmɛ xo ɔ́, Zakalíi wa yi xwé tɔn gbe.
24
Azǎn ɖé má jɛ ɔ́, asi tɔn Elizabɛ́ti mɔ xo. É sɔ́ nɔ́ tɔ́n sín xwé tɔn gbe à káká bó xɔ sun atɔ́ɔ́n, bonɔ ɖɔ nǔ ɖé ɖié ma.
25
"Aklúnɔ ɔ́ nǔwiwa ɖié ma, é nyí kɔ kpɔ́n mì, lobo ɖe winnyá nú mì ɖo gbɛtɔ́ yě nukɔn."
26
Ée dɔgo tɔn xɔ sun ayizɛ́n ɔ́, Mawu sɛ́ wɛnsagun Gabliyɛ́li dó Galilée sín toxo e è nɔ ylɔ́ ɖɔ Nazalɛ́ti ɔ́ mɛ, nú é ná yi dó wɛn ɖyɔ̌fǐ ɖé.
27
Ɖyɔ̌fǐ nɛ́ ɔ́, Mali wɛ nɔ ylɛ́ ɖɔ, b'ɛ́ nyí asixɔntɔn nú Jozɛ́fu e jɔ ɖo axɔ́sú Davídi hɛ́nnu mɛ e.
28
Wɛnsagun ɔ́ yi Mali gɔn ɖo xwé tɔn gbe, lobo ɖɔ n'í ɖɔ̀: "hí mɛ e Mawu na fɛnú ɔ́, j'awǎ ɖó Aklunɔ ɔ́ ɖo kpɔ́ xá we."
29
Xógbe nɛ́ ɔ́ yě kpaca Mali b'ɛ́ kanbyɔ́ eɖée ɖɔ: "Gbedomɛ alɔkpa tɛ́ ká ɖíe?"
30
Wɛnsagun ɔ́ ká dɔ n'í ɖɔ̀: "Mali, má ɖi xɛsi ó; ɖó ó ná mɔ fɛnu ɖo Mawu nukɔn.
31
Tunwun ɖɔ ó ná mɔ xo, boná ji fǐ súnnu unkpó, boná sun nyǐ i ɖɔ Jezu.
32
É wa sú é na ylɔ́ ɛ ɖɔ Mawu Ajalɔ̌n nɔ fǐ. Aklúnɔ Mawu ná sɔ́ ɛ ɖó dáa tɔn Davídi sín axɔ́súzinvi jí.
33
É ná ɖu axɔ́sú ɖo xwédo Jakɔ́bu tɔn ɔ́ káká sɔ́yi, bɔ axɔ́súɖuɖu tɔn ná vɔ gbeɖé à."
34
Mali ká kanbyɔ́ wɛnsagun ɔ́ ɖɔ: "Nɛ̌ nǔ ká suxú nyí mɔ̌ gbɛn? Ni ɔ́ ɖíe tunwun súnnu kpɔ́n à é."
35
Wɛnsagun ɔ́ ká yí gbe n'i ɖɔ: "Yɛsinsɛn ná wá jíwún tuwe, boná ɖe hlɔ̌nhlɔ́n Mawu Ajalɔ̌n nɔ tɔn xlɛ́ . Énɛ́ wú wɛ fǐ ɔ́ ó ná ji ɔ́, è ná sun nyǐ i ɖɔ mɛɖeɖóvo Mawu tɔn, boná ylɔ́ ɛ ɖɔ Mawu fǐ.
36
Elizabɛ́ti hɛ̌nnumɔ tuwe e nyí wɛnsinɔ ɔ́ lɔmɔ̌ mɔ xo ɖo kpikpo tɔn mɛ. Bɔ dɔgo tɔn ko ɖo sun ayizɛ́n.
37
Ɖó nǔ ɖěbú gló Mawu à.
38
Mali ká yí gbe ɖɔ: "Aklúnɔ sín mɛsɛntɔ́ wɛ un nyí, unte é ó ɖɔ gbɛn ɔ́ ní nyí mɔ̌ nú mì." Wɛnsagun ɔ́ ká gosín gɔ̌n tɔn.
39
Hwenu Mali dlɔ́n zɔnlin bó yi Judáa sín toxo ɖée mɛ sókan ɖe é.
40
É byɔ́ Zakalíi xwé gbe bó dó kú ní Elizabɛ́ti.
41
Ée Elizabɛ́ti sé kúdo ní mɛ Mali tɔn ɔ́, Fǐ e ɖo dɔgo tɔn mɛ ɔ́ dán wǔ, bɔ Elizabɛ́ti gɔ́ kpán Yɛsinsɛn kpán
42
B'ɛ́ zé gbe yi jǐ, bó ɖɔ: "Mawu xo ɖɛ dó jǐ we hú nyɔ̌nu ó có xwíi , bó vɔ́ xo ɖɛ dó fǐ e ɖo dɔgo tuwe mɛ ɔ́ lɔmɔ̌ jí.
43
Ani ká ɖíe nyɔ́n nú mì lě e, Aklúnɔ ce sín yé wá ba jǒnɔ mì?
44
Ée un sé gbedómɛ tuwe unté ɔ́, é víví nú fǐ e ɖo xo ce mɛ é b'ɛ́ dán wǔ.
45
Nǔ nyɔ́ ní we ɖó ó ɖi nǔ ɖɔ akpá e Aklúnɔ dó nú émí ɔ́ ná jɛ.
46
Mali ká kɛ nu o ɖɔ: "Un ɖo susu kpa ni Aklúnɔ ce we,
47
bɔ lǐndɔ́n ce ɖo awǎ jɛ we ɖó Mawu Mɛhwlɛ́ngántɔ́ ce wú.
48
Ɖó é nyi kɔ kpɔ́n mɛsɛntɔ́ tɔn masatɛn ɔ́ gɔn. Ɛ́ɛn bɔ bɛ́sin din ɔ́ gbɛtɔ́ yě có ná nɔ ylɔ́ mì ɖɔ nǔnyɔ́nanɔ́.
49
Ɖó nǔbǐwúkpétɔ́ ɔ́ wa nǔ ɖaxó ɖé wun mì.
50
Nǔblánɔwǔkúnímɛ tɔn nɔ gbɔn mɛ e nɔ síi ɔ́ có jí.
51
É jlɛ́ nǔ ɖaxó ɔ́ yě; é gba goyítɔ́ yě dó.
52
É ɖe axɔ́xú ɔ́ yě sín axɔ́xúzinvi yětɔn jí, ó ká sɔ́ mɛ e nɔ́ sɔ́ yěɖée hwe ɔ́ có su.
53
É ná nǔ mɛ e ɖo xovɛ yě, ó ká nyá dɔkunnɔ ɔ́ yě asigba alɔgba.
54
É wá d’álɔ togun tɔn Izlayɛ́li mɛsɛntɔ́ tɔn ɔ́, bo ká lɛ́ flín nǔblánɔwǔ e é kú ní tɔ́gbó mǐtɔn yě é.
55
ɖo gbejíninɔmɛ ní akpá e é dó ní Ablaxámu kpán fǐ tɔn yě kpán káká sɔ́yi ɔ́.
56
Mali xɔ sun otɔn ɖo Elizabɛ́ti gɔn, énɛ́ ɔ́ gudó ɔ́, é wá yi xwé.
57
Hwenu Elizabɛ́ti ɖoná ji fǐ dó ɔ́ sun, bɔ é ji fǐ súnnu unkpó.
58
Mɛ e ɖo xwé tɔn kpá yě kpán hɛ̌nnu tɔn yě kpán se ɖɔ Aklúnɔ ɔ́ ɖe nǔblánɔwǔkúnúmɛ tɔn xlɛ́ ɛ ; bɔ yě j’awǎ x’ɛ́.
59
Azǎn tántɔngɔ́ gbe tɔn ɔ́, yě wá gbo ada nú fǐ ɔ́. Yě ká jló ná sun nyí fǐ ɔ́ ɖɔ Zakalíi dáa tɔn nɔhun.
60
Amǎ yé tɔn ká kɛn nu ó ɖɔ : « Gbeɖe, Jǎan wɛ nyíkɔ tɔn ná nɔ́ nyí.»
61
Yě ká ɖɔ n'i ɖɔ : « Mɛ ɖé ján ká nɔ́ nyí mɔ̌ ɖo hɛ̌nnu tuwé mɛ à. »
62
Yě sɔ́ alɔ dó ɖɔ xó nú dáa tɔn, bó kanbyɔ́ ax'ɛ dɔ nɛ́ é ka jló ɖɔ è ní sún nyǐ fǐ ɔ́ ɖɔ?
63
B'ɛ́ byɔ́ nǔ e jí è nɔ wlán nǔ dó é unkpó, bó wlán ɖɔ: "Jǎan wɛ nyǐkɔ tɔn nyí."
64
Hwe unkpó nú ɔ́, ɖɛ̌ tɔn hun, b'ɛ hun nu. É ɖɔ xó bó kpá susu ní Mawu jí.
65
Bɔ xɛsi jɛ mɛ e ɖo xǎ yětɔn mɛ ɔ́ có xwíi jí. Bɔ mɛ có xwíi nɔ́ ɖo nǔ é nɛ yě xó ɖɔ we ɖo Jugée toxo e ɖo sókan ɔ́ mɛ có mɛ.
66
Mɛ e sé ɔ́ yě ká nɔ hɛn dó ayi mɛ, bonɔ́ ɖo ɖiɖɔ we ɖɔ: "Ani nyí gbé fǐ éyɔ́ ja?" Nǔgbo nǔgbo ɔ́, Aklúnɔ sín hlɔ̌nhlɔ́n ɖo kpɔ́ x'ɛ́.
67
Yɛsinsɛn gɔ́ ayi mɛ nú dáa tɔn Zakalíi, b'ɛ́ jɛ ɖɔɖ'ayǐ xó ɖɔ jí ɖɔ:
68
"È nǐ kpa susu ní Aklúnɔ Mawu Izlayɛ́li tɔn ɔ́, ɖó é wá ba jonɔ togun tɔn, lobó hwlɛ́ngán.
69
É dɔn hlɔ̌nhlɔ́n hwlɛngán tɔn wá ní mǐ sín mɛsɛntɔ́ Davídi sín hwɛ̀ndo mɛ.
70
xó e é ɖɔ gbɔ̀n nuɖɔɖ’ayǐtɔ́ mímɛ́ yě sín nu mɛ̀ ɖ’ayǐ xóxó e nɛ́.
71
É d'akpá ɖɔ mí ná hwlɛ́n mǐ gán ɖo kɛntɔ́ mǐtɔn yě sí, boná ɖe mǐ sín mɛ gbɛ wǎn nú mǐ e yě sín acɛ mɛ.
72
É ná ɖe nǔblánɔwǔkúnímɛ tɔn xlɛ́ tɔ́gbo mǐtɔn ɛ yě b'ɛ́ flín akɔjijɛ tɔn ma ɖo blɔ̌ ɖo wǔ ɔ́.
73
Ɖi akpá e é dó ní tɔ́gbo mǐtɔn Ablaxámu,
74
ɖɔ é ná hwlɛ́n mǐ sín kɛntɔ́ mǐtɔn yě lɔmɛ, bó ní mǐ na sɛ́n é xɛsì mɛvo,
75
ɖo ayi mímɛ́ kpán ayijlɔ́jlɔ́ kpán mɛ ɖo nukɔn émitɛn é gbɛ mǐtɔn bǐ hwenu.
76
fǐ ce, hí ɔ́, ó ná nyi nuɖɔ́ɖ’ayǐtɔ́ Mawu Ajalɔ̌nnɔ́ tɔn, ɖó ó ná zun zɔ́nlin ɖo Aklúnɔ núkɔ̀n dó jlá ayǐ ɖó ní wiwa tɔn.
77
É ná sɔ́ togun sín hwɛ ɛ yě sɔ́ kɛ ɛ, boná ɖe xlɛ́ ɛ ɖɔ mì hwlɛ́n gán.
78
Ɖó Mawu mǐtɔn ɔ́, nǔbláwǔkúnúmɛtɔ́ wɛ, bó ká lɛ́ fá xomɛ, ná bló bɔ hwlɛngán sín wěziza ná hɔ́n dó có jí sín jǐxwé hwesivɔ́ ɖɔhun;
79
Wěziza nɛ́ ɔ́ ná hɔn dó mɛ e jínjɔ́n zǐnflú mɛ, bó ɖo kúyɛmɛ e yě jí, boná kplá mǐ gbɔn fífá li jí.
80
Fǐ ɔ́ jɛ susu jí, bɔ nǔ é nyí ɔ́ jɛ wěxo jɛ jí. É yi cí axékojí káká hwenu é ná ɖe éɖée xlɛ́ Izlayɛ́li togun ɔ́ e.