¹ Nya ɖé ka ɖo Sezalee, bɔ é nɔ ylɔ ɛ ɖɔ Kɔnɛyi; sɔjakanwekogan wɛ é nyi, ɖo ahwangbɛ è é nɔ ylɔ ɖɔ Itali ɔ mɛ. ² Nya énɛ ɔ nɔ xwedo Mawu sɛn bɔ é kpan mɛ é ɖo hɛn tɔn nu ɔ yě co kpan nɔ xoɖɛ hwecǒnu. ³ Gbe unkpo wa su ɖo hwelɛkɔ̀ xwe gan atɔn mɛ mɔ̌, bɔ mɔ nǔ, bo mɔ wɛnsagun Mawu tɔn unkpo céɖé céɖé, bɔ wɛnsagun ɔ byɔ xwé tɔn gbe, bó ɖɔ ni ɖɔ "Kɔnɛyi". ⁴ Ɖée Kɔnɛyi mɔ wɛnsagun ɔ xɛsi jɛ ji tɔn; é ka kpɔn ɛ tritri, bó kanbyɔ ɛ ɖɔ: "nɛ ka gbɛn Aklunɔ"? Bɔ wɛnsagun ɔ yi gbé n'i ɖɔ: Ɖɛ ̀ è o nɔ xo ɔ yě kpan nǔ e o nɔ na wamamɔnɔ ɔ yě kpan có wɛ Mawu yi bo flìn we. ⁵ Ɖìn ɔ, bo sɛ mɛ do Jopéé, ni é yi ylɔ Sinmɔɔ è é nɔ ylɔ ɖɔ Piyɛɛ ɔ wa. ⁶ E ɖó nya anyunzɔwatɔ́ ɖé xwé, é nɔ ylɔ nya ɔ ɖɔ Sinmɔɔ, bɔ xwé tɔn ɖó xùn to". ⁷ É è wɛnsagun é ɖɔ xo n'i ɔ yi tlólo ɔ, Kɔnɛyi ylɔ mɛsɛntɔ owe, bó ylɔ sɔjà e nɔ wa azɔ̌ n'i ɔ unkpo. Sɔja é nɛ ɔ nɔ xwedo Mawu sɛn ɔ. ⁸ É tín nǔ é jɛ ɔ co mɛ ni yě lobo sɛ yě do Jopéé. ⁹ Ayihɔngbe tɔn ɔ̀ yé ɖò ali ji xweyigbe bó ka sɛya Jopéé. Ɖò Jopéé dɔn ɔ Piyɛɛ xa xɔ unta hwenɛnu ɖó gan wewe mɛ ɖɔhùn mɔ̌, bo jlo ná xoɖɛ. ¹⁰ Xovɛ sǐn bɔ é jlo ná ɖùnù hwénu è é ɖó núɖuɖu ɔ blo we ɔ blo we ɔ é ba éɖée kpo, ¹¹ bo mɔ jinukunsin kɛ awɔlimɛ, bɔ nǔ avɔ ɖaxó ɖɔhùn ɖé gosin ji ja dòdò mɛ bɔ to tɔn ɛnɛ ɔ yě ɖo sinsin ¹² bɔ kanlin alɔkpa alɔkpa ɖémɛ: yě nɔ zɔn afɔ ɛnɛ ji ɔ yě; éé nɔ̀ sa gbɔn kɔmɛ ɔ yě kpan xɛ alɔkpa alɔkpa ɔ yě kpan. ¹³ É ka sé gbe ɖé bɔ gbé ɔ ɖɔ n'í ɖɔ: ¹⁴ Piyɛɛ site, hùn bó ɖù. Piyɛɛ ka yi gbe ɖɔ ɖé: Ě Aklunɔ, un ɖó nǔ é nyi nǔvɛmɛ é unkpo, nǔ é nɔ hɛn mɛ bli ɔ kpan ɔ ɖu ɖě kpɔn gbeɖé ǎ". ¹⁵ Gbe ɔ ka lɛ ɖɔ n'ǐ azɔn owe gɔ ɔ bó ɖɔ: nǔ é Mawu ɖɔ é siku ɖú ɔ, éhi ɔ mǎ ɖɔ é vɛ mɛ o. ¹⁶ Azɔn otɔn wɛ nù énɛ ɔ jɛ. Énɛ gudo tlóló ɔ nǔ avɔ ɖaxó nɔhun kpan nǔ é ɖémɛ ɔ co kpan lɛkɔ yi jixwe. ¹⁷ Piyɛɛ ɖo nǔ è é mɔ nɛ ɔ yě sin tìnmɛ kanbyɔ éɖéé we, Énɛ ɔ linkpɔn we é ka ɖé kɛɖɛɛ, bɔ mɛ é Kɔnɛyi sɛdo ɔ yě kan Simɔɔ xwe byɔ bo wa jɛ hɔngo xwé ɔ tɔn ɔ ji. ¹⁸ Yé zě gbe yi ji, bo kanbyɔ ɖɔ finɛ wɛ Simɔɔ é e nɔ ylɔ ɖɔ Piyɛɛ ɔ jɛ na ɖi? ¹⁹ Piyɛɛ ka kpo ɖo tamɛ lín do nǔ e é mɔ ɔ wu wɛ, bɔ yɛsínsɛn ɖɔ n'i ɖɔ: " Ɖoto mɛ otɔn ɖee nɛ ɖo gbétuwe mɛ nɛ. ²⁰ Site, jɛte, bo xwedo yě mǎa xokpɔn ó, ɖó ni wɛ sɛ yě dǒ." ²¹ Piyɛɛ ka jɛte wa mɔ mɛ ɔ yě bo ɖɔ ni yě ɖɔ: Ni mɛ é to mɛ mi ɖe ɔ ɖie; etɛ wɛ hɛn mi wǎ ? ²² Yě kayí gbe ni bo ɖɔ : " Sɔja kanwe ko gan Kɔnɛyi wɛ sɛ mi do; nya nɛ ɔ gbɛtɔ ɖagbe wɛ; é nɔ si Mawu, bɔ Jwifu ɔ yě có nɔ ɖékunnu ɖagbe ni." Wɛnsagun Mawu tɔn ɖé tɔ́n dǒ jiwuntɔn bo ɖɔ ni ɖɔ mi ylɔ ɛ wa xwé tɔn gbe; ɖotó xó é na ɖɔ ni ɔ." ²³ Piyɛɛ ka kpla yě byɔ xwé gbe, lobo ɖǒ tɛnmɛ ni yě. Ayihɔngbe ɔ, é kpan yě kpan wá jɛ ali; nɔvi e ɖò Jopée ɔ ɖě ka xwedo é. ²⁴ Yě wa Sezalée ayihɔngbe tɔn. Kɔnɛyi ka ɖo te kpɔn wǐwa yě tɔn , bo ylɔ hɛnnumɔ tɔn ɔ yě kpan xɔ tɔn vivɛna tɔn ɔ yě kpan. ²⁵ Hwenu e Piyɛɛ ɖo xwé ɔ gbe byɔ we ɔ, Kɔnɛyi wa kpe e bo huzu jɛkpo ɖo nukɔn tɔn, bo ɖekɔ. ²⁶ Enɛ , Piyɛɛ ka sɔ ɛ site, bo ɖɔ: "Site gbɛtɔ wɛ nyi lɔmɔ̌ nyí." ²⁷ Bɔ é kpan Piyɛɛ kpan jɛ xó ɖɔ ji bo byɔ xwé ɔ gbe, bɔ Piyɛɛ mɔ ɖɔ mɛ sukpɔ ko kple ɖo finɛ, ²⁸ bo ɖɔ ni yě ɖɔ: " Mi tunwun ganji ɖɔmɛ Jwifu ɔ yě sin ɔ Jwifu ɖé kun na ɖo gbɛ xa mɛ e ma nyí Jwifu a gbe ɖe o é kun ko ɖo na byɔ ɖě xwe o loɔ Mawu ɖé nɛ mi din un kun ɖo na ylɔ mɛɖebu ɖɔ mɛbubu abǐ mɛ e e un ma sixu ɖo gbɛ xa ɔ a. ²⁹ Nǔ e wutu hwenu e o ylɔ mì ɔ un ma xokpɔn cobo wá ǎ nɛ. Din ɔ, nu e wutu o ylɔ mì ɔ, bo ɖɔ un mì. ³⁰ Kɔnɛyi ka yi xó lobo ɖɔ: " Asǎn enɛ ɖíe wɛ un ɖo xwé cé gbe; ɖò gan otɔn mɛ hwelɛ́kɔ lěhwenu, bó ɖo ɖɛ xo we; tlóló kpowun ɔ, nya ɖé jɛ́n wɛ wa xwetɔ́n ɖo nukɔn cé, bo dǒ awu ɖé, bɔ awu ɔ́ nɔ́ kɔ́n. ³¹ Bo ɖɔ nú mì ɖɔ: Kɔnɛ́yi, Mawu yí ɖɛ tuwe, bó flín nǔ e o nɔ na wamamɔnɔ ɔ yě ɔ. ³² Sɛ mɛ dó Jopée, ní è yi ylɔ́ Simɔ́ɔ e è nɔ lɛ́ ylɔ́ ɖɔ Piyɛ̀ɛ ɔ wá. Anyǔzɔ́watɔ Simɔ́ɔ e xwé tɔn ɖo xutó ɔ sín xwé gbe wɛ é jɛ. ³³ Un ka sɛ mɛ dǒ azɔn unkpo ɖɔ e ni yì ylɔ we wa, bo ka yi gbe bo wa bo wa nugbo. Din ɔ mǐ có ɖie ɖo Mawu nukɔn e, bo na se nǔ e Mawu zɔn we ɖɔ hi ni ɖɔ ni mi ɔ. ³⁴ Piyɛɛ yi xó lobo ɖɔ: Un mɔ din nugbo ɖo Mawu kún nɔ ɖe mɛɖe ɖo vo ɖo mɛɖe mɛ ó. ³⁵ Amɔ ɖo akɔta ɖebǔ mɛ ɔ e nɔ ɖo sisi ni bo ka nɔ xwedó hwɛjujɔ ɔ, mɛ enɛ ɔ sin nǔ nɔ nyɔ́ nukún tɔn mɛ. ³⁶ Mi tunwun xó e Mawu ɖɔ sɛdo Izlayɛlivi ɔ yě, bo ɖǒ wɛnɖagbe e nɔ na fifa mɛ ɔ yě gbɔn Jezu klisu e nyí mɛ co sin Aklunɔ ɔ ji ɔ. ³⁷ Hwenu e Jǎan jla Mawuxó ɔ, bo lɛ yɛhwesin ni mɛ ɔ yě wayi ɔ mi tunwun nu e jɛ ɖo Galilée hwɛ̌ cobo lɛ wa jɛ gbɔn Judée gbe ɔ có ji. ³⁸ Mi tɔnwun ɖee Mawu gbà yɛsinsɛn sín hlɔnhlɔn dǒ Jezu Nazalɛtinu ɔ ji gbɔn ɔ, mi lɛ tɔnwun ɖee Jezu gbɔn to ɔ mɛ, bo wa ɖagbe ni mɛ ɔ yě bo gbɔ azɔn ni mɛ e ɖo awovi sin acɛ glɔ ɔ yě có gbɔn ɔ, ɖó Mawu ɖo kpɔ xa ɛ. ³⁹ Nǔ e é wa ɖo Jwifu ɔ yě sín ayikungbanji , kpan Jeluzalɛmu kpan ɔ cǒ wɛ mi mɔ, ye hui, hwenu e yě ka ɛ nyi akluzu ji ɔ. ⁴⁰ Mawu ka fɔn ɛ sín kú asǎn otɔngɔ ɔ gbe, bo ɖe é ɖexlɛ. ⁴¹ Togun ɔ́ bǐ wɛ é ka ɖe e xlɛ́ ǎ; lo ɔ́, mǐ mɛ e Mawu kó cyán ɖ'ayǐ, bɔ mǐ ná nyì kúnnuɖetɔ́ tɔn ɔ yě wɛ é ɖe e xlɛ́; mǐ ɖu nǔ, bo nu ahan xá ɛ hwenu e Mawu fɔ́n ɛ sín kú wá gbɛ é gúdo. ⁴² É ka zɔn ɖɔ mǐ ní jlá togun ɔ́ có, bó ɖe kúnnu ná ɖɔ émí wɛ nyí mɛ e Mawu sɔ́ bɔ é ná ɖɔ hwɛ xá mɛ e ɖo gbɛ kpan mɛ e kú ɔ yě kpan é. ⁴³ É wɛ gbeyíɖɔ Mawu tɔn ɔ yě có ɖe kúnnu ná ɖɔ ɖé: ' Mɛ e ná ɖi nǔ n'i ɔ yě ɔ, Mawu ná sɔ́ hwɛ yětɔn ɔ yě kɛ yě, gbɔn hlɔ̌hlɔ́n e Jezu sín nyǐkɔ ɖó ɔ gbla mɛ. ⁴⁴ Piyɛɛ kpo ɖo xo nɛ ɔ yě ɖɔ we bɔ yɛsinsɛn jɛté wa mɛ é ɖo to ɖo é we ɔ yě co ji. ⁴⁵ Ɖé è Jwifu é ɖi nù ni Jezu, bo xwedo Piyɛɛ wa ɔ yě mɔ ɖɔ yɛsinsɛn è Mawu nɔ na mɛ ɔ gba kɔn nyi mɛ é ma nyi Jwifu ǎ ɔ yě lɔ mɔ̌ ji ɔ é kpaca yě ɖésu. ⁴⁶ Ɖo ye se bɔ ye ɖɔ xo ɖɔ we do gbe è yě ma se ǎ ɔ yé mɛ, bo ɖo susu kpa ni Mawu we. Piyɛɛ ka yi xó lobo ɖɔ: ⁴⁷ Mɛ élɔ ɔ ye e Mawu na yɛsinsɛn léé è na mi lɔ̀ mɔ gbɔn ɔ, é siku gbɛ ɖɔ è ma lɛ yɛhwesin ni mɛ élɔ e ye kpan sin kpan ǎ? ⁴⁸ Bɔ e na gbe ɖɔ e lɛ yɛhwesin ni yě, ɖò Jezu-Klisu nyikɔ mɛ. Enɛ ɔ gudo ɔ yě do kɛnklɛn n'i ɖɔ̀ é ni nɔ̀ émi gɔn xɔ asǎn yɔywɛ ɖé.