¹ Sólú ka kpòɖò kudán síìn ni Jezu sinahwanvú lɛ́ ɔ yě we. E yí mɔ̀ fɔnsanú xwlémawutɔ́ ɖaxó ɔ, ² bó ɖɔ̀ é ní bló wema ní emí na hɛ̀n yi kplɔngbasá e ɖò Damasi ɔ ye bónú émí mɔ̀ mɛ e byɔ́ sinsɛ́n yɔyɔ ɔ mɛ ɔ ye ɖe ɔ, sunnu abi nyɔnu ɔ émí na blá yě bó sɔ́wá Jeluzalɛmu. ³ Yiyi we e ɖe bo ko sɛkpɔn Damasi to ɔ bɔ troló ɔ wezizá ɖe gó́sín aga wá hɔ̀n lɛlɛ dó e, ⁴ bɔ e j'ayǐ. E ka segbe ɖé bɔ gbe ɔ nɔ kanbyɔ ɛ ɖɔ: "Solu, Solu ani wutú o ka ɖo ya dó mǐ wè? ⁵ Solù ka kanbyɔ́ ɛ ɖɔ̀ hwi mɛ ka wɛ Aklunɔ? Gbe ɔ ka ɖɔ ní: Jezú e dóya ná we oɖe ɔ wɛ̀. ⁶ Din ɔ site bo yi toxo ɔ mɛ e na ɖɔ nǔ e o na bló ɔ nú wè" ⁷ Ahwangbɛ tɔ́n e kpán xwe to ɔ ye ɖi xɛsi bo sɔ sixu kɛnu ǎ ye ɖo xo ɔ sé we, ye ka mɔ̀ mɛ e ɖo xó ɔ ɖɔ wé ɔ ǎ. ⁸ Solù ka wa site sin kɔ mɛ bó hùn nukún e ka sɔ sixú mɔ nǔ ɖebǔ ǎ bɔ ye hɛ́n alɔ tɔ̀n bó kplá ɛ byɔ́ Damasi. ⁹ E nɔ nukunnú má mɔ́ nú azǎn atɔ̀n. E ɖu nǔ ǎ. é nù esìn ǎ. ¹⁰ Ahwanví Jezu tɔ́n unkpó ká ɖò Damasi finɛ́ bɔ̀ e nɔ ylɔ ɛ ɖɔ: Ananiyasi.Bɔ̀ é yigbe ní ɖɔ̀: nyɛ ɖie Aklunɔ. ¹¹ Aklunɔ ka ɖɔ ní ì ɖɔ̀: site bo mlɛ ali e é nɔ ylɔ́ ɖɔ̀ jlɔjlɔ́ ɔ bó yi Judá xwe gbè bó kan nyá taasinu e è nɔ ylɔ́ɖɔ̀ Solu ɔ byɔ́: e ɖo ɖɛ xò we dín. ¹² Solu ɖo ɖɛ xó we bó mɔ nǔ bó mɔ nya ɖe bɔ e nɔ ylɔ nya ɔ ɖɔ Ananiyasi bɔ e byɔ́ xwegbe bo ɖo alɔ ji tɔn bonú e na lɛ mɔ nu ¹³ Ananiyasi ka yigbe ɖɔ " Aklúnɔ! unn ko se nya elɔ sin xó ɖo mɛ sukpɔ sín nù. Nu nyanya e e wa xa mɛ e nyi towe ɖo Jeluzalɛwu ɔ ye ɔ un se có. ¹⁴ Fi e è ka wa din ɔ fɔnsanu xwlemawutɔ ɔ wɛ e byɔ gbe bo na wlí mɛ e nɔ xomla nyikɔ́ towe ɔ có. ¹⁵ Aklúnɔ ka ɖɔ ní ì ɖɔ: " vɛ yi ɖo nya e nɛ ɔ alinnyánú ɖé wɛ̀ e nyí bɔ̀ un sɔ bo na do wa asɔ na nu e na jla nyikɔ̀ ce mɛ e ma nyi Jwifu ǎ ɔ ye bo na jla axɔsú yetɔn ye kpan Izlayɛli togun ɔ kpán. ¹⁶ Nn kla na ɖe ya e è na ji do nyikɔ ce wutu ɔ ye co xlɛ ɛ. ¹⁷ Ananiyasi ka yi nugbo bo byɔ xwe ɔ gbe lobo ɖo alɔ Solu jí bo ɖɔ̀ "Solu nɔvi cè Aklunɔ Jezu e tɔn do e ji towe ɖo ali e ji o gbɔ̀n bo wa ɔ wɛ sɛ mi do bonu o na lɛ mɔ nukún bonu yɛsinsɛn na gɔ́ ayixa mɛ nu wè. ¹⁸ azɔn unkpo ɔ, nǔ weziza ɖɔhun ɖe j'ayi sin nukún Solu tɔn jí bɔ e lɛ jɛ nǔ mɔ ji bo site bo lɛ yɛhwesin. ¹⁹ Enɛ ɔ gudo ɔ, é ɖù nǔ bɔ̀ xlɔnhlɔn wa wutu tɔ̀n. E nɔ ahwanvi Jezu tɔn e ɖo Damasi ɔ ye gɔn xɔ azan ɖé. ²⁰ Solu ka jɛ kplɔngbasa ɔ ye gbɔn ji azɔn unkpo bo nɔ ɖɔ Jezu xo ɖɔ ni mɛ ɔ ye we ɖɔ̀ Mawuvi wɛ e nyí. ²¹ Nu énɛ́ kpaca mɛ e nɔ sè xó e ɖɔ́ we ɖe ɔ ye co bɔ ye nɔ ɖɔ" Nya e ɖo mɛ e nɔ xomla Jezu ɖo Jeluzalɛmu ɔ ye sin kun sudo wɛ ɔ nɛ a ce? Mɛ e nɔ xomlá Jezu ɔ ye na ko wlí yi jo ni fɔsanu xwlemawutɔ ɔ ye gbe wɛ e tɔn bo wa fi ǎ cè. ²² xlɔnhlɔ́n e Solu do ɖo wɛnɖagbe ɔ jla na we ɔ nɔ ɖo jijɛ we bɔ̀ Jwifu e ɖo Damasi ɔ ye sɔ mɔ̀ nuɖe na kɛ́ do xo tɔn wú ǎ ɖo e ɖe xlɛ titeungbe ɖɔ Jezu wɛ nyí Klisù ²³ Azan wa ɖo azanji jɛ we bɔ Jwifu ɔ ye yikpa do Solu wu bo na hwí ì ²⁴ Solu segbe e e bla do wutu tɔn ɔ, zan kpó keze kpo ɔ, ye nɔ ɖo to ɔ sin hɔntogbo ɔ ye ji bo nɔ ɖo fi e nɔ tɔn gbɔn cɔ we bo na mɔ etɛ do hwí. ²⁵ Enɛ wutu ɔ, ahwanvi ɔ ye wa sɔ́ ɛ do xasu mɛ zanmɛ bo sɔ ɛ gbɔ̀n ahoho ji bo sɔ ɛ jɛ ete odo ɔ gudo dɔn. ²⁶ Ee Solu wa Jeluzalɛmu ɔ, e jlo na xwe éɖéé do ahwanvi lɛ́ mɛ̀ do ɔ ye có nɔ ɖixɛsi do wutu tɔ̀n ɖo ye ɖeji ɖɔ elɔ ko huzu ahwanvi Klísu tɔn ǎ. ²⁷ Baanabasi ka kpla Solu hɛn yi mɛsɛdo ɔ ye gɔ́n bo ɖɔ lee Solu mɔ Aklunɔ gbɔ́n ɖo alixo ɔ lee Aklunɔ́ ɖɔxó ní gbɔ́n ní ye e ɖɔ lee Solu ɖesu gbadɔ bo jla Mawuxo ɔ ɖo Jezu sin nyikɔ́ mɛ gbɔ̀n ɖo togun mɛ agbawungba ɖo Damasi ɔ co ni yě. ²⁸ Bɛ sin hwenɛnú ɔ, ye yi Solu bɔ ye kpán ɛ kpán nɔ ɖo yiyi we o nɔ ɖo wiwa we bɔ e nɔ gbadɔ ɖɔ Mawuxo ɖo Aklunɔ nyikɔ mɛ ɖo Jeluzalɛ́mu. ²⁹ Enɛ ɖɔ xo ni Jwifu e nɔ xwedó walɔ Glɛki nu ɔ ye tɔn ɔ lɔmɔ bo nɔ ɖo nu dɔn xá ye we, amɔ̌ ye ɖo biba na hwí wɛ̀. ³⁰ Ee nɔvi ɔ ye se mɔ ɔ ye kpla ɛ yi Sezalee bo nyi ì sɛdo taasi. ³¹ Ye mɛ e ɖi nu ni Jezu ɔ ye sin agun e ɖo Jedee ɔ kpa ee ɖo Galilee ɔ kpan eɖe Samaliì ɔ kpan co sin ayi wɛ j'ayi bɔ̀ ye ɖo do li we bo nɔ ɖo sisi ɖo nu Aklunɔ ɔ we ɖo nuwiwa yetɔ̀n ɔ ye mɛ yɛsinsɛn gɔ alɔ ni ye bɔ ye ɖo kpɔsu déjí we. ³² Piyɛ́ɛ̀ ɖo to ɔ co mɛ gbɔn we lobo yi nuɖitɔ́ e ɖo Lida ɔ ye gɔ́n gbe unkpó. ³³ E mɔ nya ɖe ɖo finɛ bɔ e nɔ ylɔ ɛ ɖɔ: Enɛɛ nya enɛ́ xwe ayiso ɖo zan ji din ɔ, xwe tɔn ko yi tantɔn bɔ e ɖo ayimlɔmlɔ. ³⁴ Piyɛ́ɛ ka ɖɔ ní ɖɔ̀: Enɛɛ Jezu klisu gbɔ azɔn nu we, site bo mla zan towe. Bɔ̀ e site. Tlolo etɛ tɔn mɛ. ³⁵ Lidanu ɔ ye có kpa Galɔmi gbeji nu ɔ ye kpán mɔ̌ nya énɛ́ bo huzujɛ Aklunɔ sín ali jí. ³⁶ Nyɔ̌nu ɖé ka ɖo ahwanvi Jezu tɔn ɔ yě mɛ ɖo Jopée, bɔ é nɔ̀ ylɔ ɛ ɖɔ Tabita, tìnmɛ tɔn wɛ nyi "Dɔkasi" nyɔ̌nu ɖagbewatɔ ɖé wɛ bí nɔ do alɔ wamamɔnɔ ɔ yě tawun. ³⁷ Hwenɛnu ɔ é bɛ azɔn, lobo ku, bɔ yě lɛ wu nú kyɔ tɔn. Bó sɔ yi tɛ ɖo xɔ ɖé mɛ, ɖo singbo ji. ³⁸ É è ahwanvi Jezu tɔn é ɖò Jopéé ɔ yě sé ɖɔ Piyɛɛ ɖo Lida, bɔ Lida ma ka lin do Jopéé a ɔ, yě ɖé mɛ owe sɛ doé ni yě ni yi ɖɔ ni ɖɔ ni kɛnklɛn bo wa kpɔn bó wa kpɔn nǔ élɔ ni émi dìn tlóló. ³⁹ É è Piyɛɛ sé wɛn énɛ tlóló ɔ é site bo xwedo yě azɔn unkpo. É è yě wa Jopéé ɔ, yě kpla ɛ yi xɔ ɔ mɛ, ɖo singbo ɔ ji. É è Piyɛɛ yɛ xɔ ɔ mɛ ɔ, asukusi ɔ yě có sɛ kpɔn ɛ kpan afi kpan, bo nɔ xlɛ ɛ awu kpan avɔ kpan è Dɔkasi nɔ na yě, hwenu é ɖo gbɛ ɔ. ⁴⁰ Piyɛɛ ka ɖe mɛ co zɛnwunkɛn sìn xɔ ɔ mɛ, bo jɛkpo, lobo xoɖɛ, bo lilɛ kpan nukɔn kyɔ ɔ bo ɖɔ: Tabita site, Tabita ka hùn núkùn, é è mɔ Piyɛɛ ɔ é fɔn jinjɔn ayi. ⁴¹ Piyɛɛ ka hɛn alɔ tɔn bo sɔ ɛ sité bo ylɔ nùɖitɔ ɔ ye kpan asukusi ɔ yě kpan bó sɔ ɛ xlɛ yě gbɛɖé. ⁴² Jopéénu ɔ yě co se nu é jɛ ɔ, bɔ yě mɛ sukpɔ sukpɔ ɖi nù ni Aklunɔ. ⁴³ Piyɛɛ ka nɔ Jopéé finɛ̀ ɖo anyɔzɔwatɔ é e nɔ ylɔ ɖɔ Sinmɔɔ ɔ xwe ni asǎn ɖé.