¹ Mɛsɛdo ɔ yě kpan nɔvi é ɖo Jopéé ɔ yě kpan sé ɖɔ kosinɔ (numaɖitɔ) ɔ yě ɖésu yi Mawu xo ɔ sè. ² Hwenu è Piyɛɛ lɛkɔ wa Jeluzalɛmu ɔ gbɛ̀kplékplé adagbotɔ ɔ yě tɔn do hwɛ ɛ ɖɔ: ³ Ǒ yi jɛ kpɔ xa mɛ é ma gbo ada ǎ yě bo ɖu nu xa yě. ⁴ Lo ɔ Piyɛɛ ka jɛ nǔ tín mɛ nu yě ji hélé hélé bo ɖɔ: ⁵ Ɖɛ xo we un ɖé ɖo tixo Jopéé tɔn mɛ, bo byɔ nú drɔ nɔhùn ɖémɛ, nǔ mimɔ ce mɛ ɔ un mɔ nǔ avɔ nɔhùn ɖaxo ɖé gosin jinukusi aga bó jɛté wa kaka gɔn ce bɔ otonú tɔn enɛ ɔ yě ɖo sinsin. ⁶ Bɔ un jɛ kpunkpɔn ji tritri bo mɔ kanlin é nɔ gbɔn afɔ ènɛ ji ɔ yě, gbékanlin ɔ yě kanlin e nɔ sa gbɔn kɔmɛ, dan tɛnmɛ tɛnmɛ ɔ yě kpan xɛ alɔkpa alɔkpa ɔ yě kpan ⁷ un ka sé gbe ɖé bɔ é ɖɔ nú mí ɖɔ: site, Piyɛɛ, hu bo ɖu. ⁸ Un ka yi gbe bó ɖɔ: é o, Aklunɔ ɖo nǔ enyi sú e kpan nǔ e nɔ̀ hɛn mɛ bli ɔ kpan ɖe jɛ nu ce kpɔn gbeɖe ǎ. ⁹ Gbe ɔ ka lɛ ɖɔ nù mi ɖevo sin jixwe ɖɔ: Nǔ e Mawu ɖɔ nǔ mimɛ ɔ ma mɔ ɖɔ ényi nu blibli ó. ¹⁰ Azɔn otɔn ji wɛ nu é nɛ ɔ jɛ do, énɛ ɔ gudo ɔ nǔ avɔ nɔhùn kpan nǔ é ɖemɛ ɔ yě co kpan yi jixwe. ¹¹ Hwenɛnu tlolo ɔ, sunnu otɔn ɖéé ka ɖo té ɖo xɔ e mɛ mi ɖɔ sin hɔn ji, é sɛ yě do sin Sézalée. ¹² Yɛsinsɛn na gbe mi ɖɔ ma xwe do yě ma xo nù kpɔn. Nɔvi mitɔn ayizɛn é mɔ we mi ɖé e ɔ yě kpan ni kpan wɛ yi Kɔnɛyi xwe. ¹³ É ɖɔ e mɔ wɛnsagun ɔ ɖo té ɖo oxwe tɔn gbe bɔ é ɖɔ ni ɖɔ: sɛ e mɛ é ɖo Jopéé bo ni yě ni ylɔ Simɔɔ é nɔ yɔ ɖɔ Piyɛɛ ɔ wa. ¹⁴ É na do wɛn ɖé we bɔ é na zɔn bɔ hi kpan oxwe towe kpan na mɔ hwlɛngan. ¹⁵ Hwe énu un jɛ xo ɖɔ ni yě ji ɔ, yɛsinsɛn jɛté do é mi ji ɖo bibɛmɛ gbɔn ɔ nɔhùn. ¹⁶ Un flín xogbe Aklunɔ tɔn b'ɛ ɖɔ: Jaan lɛ̀ yɛhwesin ésìn tɔn nú mɛ amɔ émiɖɛ̌ ɔ émi na lɛ yɛsinsɛn sín yɛhwesin. ¹⁷ Lo ɔ ényi Mawu na nǔ niná unkpo ɔ yě, émi mɛ é ɖinu ni Aklunɔ Jezu-Klisu ɔ yě nɔhun ɔ èmɛ un ka nyi bo na gbɛ gbe ni Mawu? ¹⁸ É è yě sé xo nɛ ɔ, yě co ki xwii bó jɛ Mawu kpa ji bó nɔ ɖɔ: Mawu na kɔ lɛ sin hwɛ mɛtɔn ɔ yě gudo kosiin ɔ yě bo ni yě na sixu mɔ gbɛ mavɔ mavɔ. ¹⁹ Énɛ wu ɔ, núɖitɔ e gbado ɖo Jeluzalɛmu ɖo hwe énu yadonimɛ bɛ bɔ Etiyɛni ku ɔ, mɛɖéé ɖo yě mɛ bo yi kaka Fenisii; mɛɖéé yi Cipu ɔ mɛ (tɔtɛntìnto) mɛɖéé ka yi to é nɔ yɔ ɖɔ Antyɔci ɔ mɛ, yě nɔ ɖɔ Mawu xo ɔ nù Jwifu ɔ yě kɛɖɛ. ²⁰ Amɔ mɛɖéé gosin Cipu kpan Sirɛnu kpan bó wa Antyɔci bo nɔ ɖɔ xo ni Glɛkinu ɔ yě, yě nɔ jla wɛnɖagbe Aklunɔ Jezu tɔn ɔ yě. ²¹ Amɔ Aklunɔ sín alɔ ɖo yě ji, bɔ gbɛtɔ sukpɔ ɖi nù bó huzu jɛ Aklunɔ li ji. ²² Xo énɛ lɛ wa jɛ tomɛ agun Jezu tɔn é ɖo Jeluzalɛmu ɔ, bɔ yě sɛ Banabasi do Antyɔci. ²³ Hwenu é é wa bo mɔ ɖagbe é Mawu wa ɔ, xomɛ hun i, bɔ é na akɔnkpinkpan yě ɖɔ yě ni nɔ̀ gbeji ni Aklunɔ kpan ayixa yětɔn co kpan. ²⁴ Ɖo Banabasi ɔ ɖagbewatɔ wɛ n'i bɔ yɛsinsɛn mimɛ kpan nùɖiɖi kpan gɔ̌ ayixa tɔn mɛ. Bɔ gbɛtɔ sukpɔ lilɛ jɛ Aklunɔ liji. ²⁵ Énɛ ɔ gudo Banabasi yi Taasi bo na yi kpla Sólu. ²⁶ É è Banabasi mɔ Sólu ɔ, é kpla ɛ wa Antyɔci. Xwe unkpo kpikpé mɛ ɔ yě nɔ blo kple kpan agun ɔ kpan bo nɔ kplɔn nǔ mɛ sukpɔ. Antyɔci finɛ wɛ é yɔ ahwanvi ɔ yě jɛ nukɔ́n ɖɔ Klisusɛntɔ ɖé. ²⁷ Ɖo hwénɛnu ɔ, gbéyiɖɔ Mawu tɔn ɖéé gosin Jeluzalɛmu bo wa Antyɔci. ²⁸ Mɛ é é nɔ yɔ ɖo yě mɛ ɖɔ Agabusi ɔ, sité bɔ yɛsinsɛn sɔ do ayimɛ n'i bɔ é ɖɔ: Odɔ ɖaxo unkpo na tɔn ɖo égbɛ ɔ co mɛ. Nu énɛ ɔ jɛ ɖo axɔsu Klodu hwenu. ²⁹ Ahwanvi ɔ yě ɖé gbeta tɔn, ɖɔ émɛ unkpo unkpo ná ná nǔ e go ékpe ɔ, bɔ é na sɛ do nɔvi yě tɔn é ɖo Judéé ɔ yě. ³⁰ Yě blǒ mɔ, yě sɛ akwɛ do agunmɛxo ɔ yě gbɔn Banabasi kpan Solu kpan ji.