¹ K kaagbenu yet Moyis a: ² yetl Islael tieb a bin wai k nyiin daanua nba k gbanat paak yiaru sorua kanŋ ninŋ, ko wunba k u gbanant paak nyi nyum ko wunba sii kuun k kuaɔn u mɔk jakint. ³ Nyint jua ko poob nba mɔk jakint k b daa biil kanŋ nba k n be nan niib nan ninŋ. ⁴ K Islael tieb nan sak, k nyin be kul kanŋ nan ninŋ ⁵ K kagbenu pak Moyis. k yetua, ⁶ Pakin Islael tieb li i tie k jua k poo tun siar k biil u lua yenu buol ninŋ l tie biit e. ⁷ Danua manŋ n mɔ kuaŋan u biit paak k pa u biit paatii nba tie linba, ŋaan bia pukin libɔktu munŋmu ninŋ yenn kua k jii k tul wunba k u bilua nan. ⁸ Ŋan li tie daanua k bilua nan tan kpo, k k mɔk nikpimua k u sa pa k l paatii k tulua, yin ji li paatie k tul yennu k l sii tie manntuaa nan yaal e. Paatii na pukint pejak nba k u tuu saa ji k ŋamm bit daanua ŋammil. ⁹ Isalel tieb nba saa baal nan pukin nba k mɔk jakint nan k tul yennu, l sii tie manntua nba saa gaar k tul yennu yale. ¹⁰ Manntua nba gaal yennupiinii nba k tul yennu, l tie u yale. ¹¹ K yennu yet Moyis a wun pak k tul Islael tieb k yetib a: ¹² li tie jua nba k ŋaapoo lin yana yana l tie biit e k tul u sɔlua ¹³ K duana nan jaganua, ŋan k u sɔrua k mi, u jakint tuona manŋ k sua k mi, siara bia ka ki saa pak k birua, k sua bia lau li tuonburu ni. ¹⁴ Li i tie k birisuk nan funfunn tan saa kua poo manŋ sɔlua k jiin poo manŋ binbenŋ po, nan poo na tie u mɔnŋ jakint, k birisuk nan funfunn kua u sɔlua, ŋaan k u k tuun jakint toonn k biir u mɔnŋi. ¹⁵ Jua nan n jii u poo manŋ k saan nanɔ manntua bool, ki dia yom bɔlik gbinn, k daa ŋmat olif tiinii kpan, ko k tie bonnunubit li ni, kimaan laa tie jiet yenpiinii k gaan funfunn pa na, b saa mann li maluŋ k nyinn balmoɔni yienin ninŋ. ¹⁶ Manntua sa te k poo nan baal k set yennu maluŋ binbintl na bool. ¹⁷ Manntua saa kpaal nyun nba k mɔk jakint yɔkbolbl ninŋ,k wot tant waan yennu lanbouŋ ninŋ, k tie nyun ninŋ, k nyun na toŋ. ¹⁸ Poo na i see maluŋ binbintl bool huo nba, manntua nan n lot poo maŋ yut k ŋaa, k jii yenupiinii yon na k tebinua, k manntua nan mun sii dia nyun nba ton k tie mɔtont nyun na. ¹⁹ Manntua nan saa te k poo sak mɔpol nba k manntua na saa yet a," Li i tie k a k tun boncinom tunna k biil a mɔŋ a kan la daamii nba k mɔtont nyun saa baal nann na. ²⁰ Ŋaan li i ttie k a tun boncincom tonn, k dua nan jaganua k u k tie a sɔlua, ²¹ Yennu n sat mɔtont a sann paak, a niib sinsuuk ni.Wun te k a yaaka niŋ n pab, k a pool n bia mɔl. ²² Nyun tie mɔtont na lin sik a nuak ninŋ, k te a pool n mɔl, k yaaka n bia pa. ²³ K manntua sa dian nan gbouŋ niŋ,k wuul gbouŋ nan dianii k sikin nyun nba ton na ni. ²⁴ K wun fit te poo na n nyu nyunt nba teen mɔtont, k saa fit tulua daamii nba sii ton bonciann na, ²⁵ manntua na saa gaal yon yenpiinii nba tie funfunn paak na poo nan nii ni, ki dia k ŋaantil maluŋ binbintl na paa, k li tie k u teen yennu e, k jii tan paan maluŋ binbintl na paak. ²⁶ Manntua sa finn jeet yenpiinii na u niipauŋ k juab muu maluŋ binbintl na paak, k li sii tie tialin yenpiinii, k jintie poo na n nyu nyun na. ²⁷ Li i bonni tie k u tun boncincon tuon i, ŋaan k b te k u nyu nyuntoŋ nba tie mɔtont na, k lin sik u nuak ninŋ , li saa tulua daami bonciann, u pool saa mɔl e, k u yaaka niŋ n bia pab, k u sann si be nan mɔtont u niib sinsuk ni. ²⁸ Li mun i tie k poo na k tun biil u mɔŋ, k ki mɔk siala jakint, u kan la daamii, k bia saa fit mal waat. ²⁹ Ne tie funfunn sennu k ji poo nba be u sɔlua ŋaak ŋaan ŋmiatl k tun jakint toonna. K li tie jua nba k funfunn diduukint balua k u tama tama u ŋaapoo paak, ³⁰ manntua n te k wun set maluŋ binbnintl tuan poo, ŋaan wun tun linba na kul. ³¹ Poo sɔlua nan ki be biit niŋ ŋaan k li tie k poo ne biil i e u saa la tubdatu bonciann