¹ Kaagbennu yet Muoiis a: ² Want Islael tieb seni nba na a: li tie k jua ko puo bɔkt mɔnŋ k senn mosenn k tul yennu nan u saa nyinn munŋ tien Nazila nilɔ , a u saa jii u munŋ k tul yennu. ³ Wun suol u munŋ nan daamunŋn nan damm nba yiib, k bia daa nyuu damiituk nba k mɔk daatinŋ, k bia daa nyuu tiluana nba k b dia l nyun tie daan k nyu, k bia daa mua lin luana. ⁴ waa daa tie Nazila yua na, u kan dii tik nba k b dia tie daam, u jina nan u luana. ⁵ waa daa tie Nazila yua , u kan donn blik u yuul paak, tie e nan daanna nba k u tul u munŋ yennu, u si be kasi ni, u saa nyik u yuut li kpaatil daa lonn bianŋ nba. ⁶ waa daa tie Nazila yua ,yuo nba ku daan senn mosenn k tul yennu, u kan ban sii kunn. ⁷ U kan ban jakin u munŋ k sii kuun li tie u baa kpo, nan u naa, nan u nyinjaa kuo u niipo, k maan u jii u munŋ k tulyennu k l be yuul paak. ⁸ waa daa tie Nazila yua ,, u saa jii u munŋ k caab k tul yennu. ⁹ Li tie k nilɔ kpil k kpo u buol, u yuul nba ku daan jii k caab yennu na jakinne na, k daal nba b saa wuulɔ na u saa kuol u yuut, k li si tie daa ŋanlole daal ku saa kuol u yuut manŋ. ¹⁰ K daa ŋanniin daal, u saa saan nan muk ni ŋann kuo ŋaak ni ŋmann malunŋ yuudammbuol mannu diuk tan mob ni. ¹¹ Mannu yuudaam saa jii yenua k mann malunŋ nan ŋuɔe daan kpi kuun manŋ na ŋaan mun jii lua k mann malunŋ k lin wuul bit k tulua k jin kun na po. Li daal manŋ Nazila yua saa ŋanm senn mosenn k jii u yuul k tul yennu.ŋŋ ¹² K u saa ŋanm enn mosenn paan k tul yennu k jii piok nba mɔk binn yenn k mann malunŋ nan u biit po, k l want nan daana nba bial k tie mosenn kpel daana na piinne na kimaan mosenn nba want nan u Nazilayua na juakin naa. ¹³ Nazila tieb senni yenn: daal nba ku daan senn mosenn nan u si tie Nazila na i baal, b saa jii u k saan nanua mannu tan mob ni. ¹⁴ U saa pi yennu piini: yenua si tie pejakik nba mɔk bin yenn ku tie muu juonu yenpiini ki lua mun tie pesal ku mɔk bin yenn ku tie biit wuulu yenpiini, k lua mun bia tie pejak ku mun tie baalik tiennu yenpiini. ¹⁵ K bia baal nan paanu nba k daatinŋ kaanni k l be nan kpancibuk nan cinca nba k b bunn nan kpan n tie puuk ne nan liilat n k daatinŋkaanni k b tien kpan, k pukin yenpani nba nan nan daan. ¹⁶ Mannu yudaanua saa jii bona manŋ k wann yennu nan ,u saa mann yenpiini nba tie biit wuulu nan yennpiini nba tie muujuunu malunŋ. ¹⁷ U saa mann bpjak nba tie weinalieb yenpiini k yul yennu , k liel mun tie paanu nan nan kpancibuk k daatinŋ kaa lenŋ, na, nan yenpiini nba tie dii nan daan. ¹⁸ Nazila yua na saa kuol u yuut nba ku daan senn mosenn k jii tul yennu na mannu na diuk tan mob ni; u saa jii mosenn yuut na tien muu nba tie balk yenpiinina ni. ¹⁹ Mannu yudaanua saa gaal pejak na buapiɔk nba biel 'e , nan cinca nan kpancibuk nba datinŋ kaa leŋ, nan liilat nba datinŋ kaa leŋ, k wun ji paanu k pann Nazila na nii paak, yuo nba ku saa kuol u yuut k gbenn na. ²⁰ K mantua na saa jii k ŋak ŋak, ŋan tul yennu , k l tie bulcinpiini k tul yennu, k l tie kasi jiet k tie mantua yal, k bia jii pejak na kal nan nanŋ k tul yennu, ŋann k l tie mantua yal. li puolpo Nazila nilua na saa fit nyu tiluana na daan. ²¹ Linba tie seni k tul wunba seen mosenn a wuu tie Nazila yua ,linba si tie yenpiini k tul yennu Nazila na po, k senn waa bo tie saa tul bianŋ nba k u senn na. ²² yennu yeet Muoiis a: ²³ wun paak tul Aaloɔn nan u waat a, yaa tuu saa yeet piisin bianŋnba k tul Islael tieb, i tuu yeetib a: ²⁴ Yennu tien piisin i paak k bia ki golii! ²⁵ Yennu i mɔk bulcint naani kbia ki luonii! ²⁶ yennu i golii nan ninkpabanŋ, k bia tul i palmaasil! ²⁷ K yennu ŋamm yeet a, Li tie k b b tien piisin n sann ni k tul Islael tiebi, n saa tien piini b paakaa!