¹ Kagbenu din paak nan Moïs nan Aron a: ² kaninnk lukt kehath waas Levi waas ninŋ, b yaja ŋaak nan b baa nba ŋaii. ³ La piin binna piinta K saa nan bin na piimuu binba dakt nan b tuun tuun, motaɔk lambɔɔ ni. ⁴ Kehath waas tuon tie b tuun ŋaant lambuonŋ ninŋe. ⁵ B kanŋ sin-siet yo Aron nan u buojaii n balk jont cen-cen nba duak nek pin molol lakl. ⁶ B saa jii gbanfal kaal K paal paak naa jii pinŋ nan cencen-bor gbatl ŋaa jii guan daa solka. ⁷ B saa lat cincen-ban-gbakl yet-ŋaamtal pak ŋaa b jii tuan kutsani, galet, kutsin-bit nan kusanbita. yet ŋaam pak, yakul kpanu sibee. ⁸ B saa jii cencien-gbakt-bon K paan l bona pak ŋaa jii pobin nan gbanfabl kal K juab guta K kuokinŋ tablmanŋ. ⁹ B saa jii cen-cen pupol-bonn K pin fitl nan mui nan libona, nan tanpin seni, nan kpam seni limba kuul saa tuon utuan. ¹⁰ B saa jiiu K pobnua gbofabl-kal ninŋ K paanua lianŋ pak. ¹¹ B saa jii cen-cen-bon-wuwul K taant lik-kut benbintl pak K pɔbinŋ nan gbofal-kal ŋaa jii tuu da suolka. ¹² B saa jii bona nba kuul kb diaa K tuun nan tuon ne K baal nann siamba kajakbdk pɔbinŋ cen-cen-bon-wulwu ninŋ, K bie pɔbin gbɔfut-kaow ninŋ, K jii K paan lianŋ paa K. ¹³ B saa wot tan peet binbintl pak ŋaa, laat cen-cen-gbaktl na ŋaan lipak. ¹⁴ B saa jii u tuon tuun tiat kul K paa l paak, muani, diti, juki, boba, benbitl bol tuon tuun tiat kul. B saa paa l pak buokobt-gbɔnŋ, ŋaa b jii gaan bonguta. ¹⁵ yobak Aaron nan u waas tanpin motaɔk lanbɔnŋ nan l tuon tuun tiat kuul, kehath nanu waas kuul saa bal kanŋ ninŋ kjii l buona. Ŋaa b kan sii ŋant bona. K duukn nan btiin jaŋm ami nan b saa K po. Tuon nba K bowan kehath waas motaɔk lambɔn niee ne. ¹⁶ Eléazal mantua Aaron bija, ŋuuee tie fitl kpan gutua, nan talali nbaa nubl K maṅ kpanm b K tie yiedu paab ne, u bie sitié yiendu salk gultua, nan limba tie tuon tuun tiat motaɔk lambɔŋ ninŋ. ¹⁷ Kangbenu pak nan Moïs nan Aaron a: ¹⁸ I daa ban K juabi kehathites bolu man b ŋaï K want l evit enba sinsikini. ¹⁹ Tiet man na K tulb K bi be K daa K penn litie kbnankinŋ kasi buol. Aaron nan u waas i bal b saa waan sua kuulu buolee. ²⁰ b kan ban kua K laa ŋant bonna nee, bi laa b saa kpoee. ²¹ Kangbenu pak nan Moïs a: ²² Kaninŋ Guerschon waas b ŋaii, b ba nba nan b yadam. ²³ A saa kan, K piin bimba mɔɔk bina pita kaka nan bina pïmuu. Bimba kuul danŋ nan b tuu tuan motaɔk lambɔni. ²⁴ Guerschonite yaja ŋaa tuona e na, tuon nba K b saa tuun, nan tuon nba kbkan tuun. ²⁵ b saa jii motɔk langouŋ bondɔkinkal nan u gbanfal kal nba paa l paak ne, nan motaɔk langouŋ tamolota. ²⁶ cen-cen nba K blat tiniŋ, nan cen-cen tanolote man gmiit nan laanpol taan molota, nan tuon tuun tiat nba kuul be, K bi dia ki tuu tuon nba kuul K b buii. ²⁷ Tuun ninŋ, Guerschonites waas si tie tali yee Aaron waas bol tuun nba kuul k b saa tuun ni, b tuu saa juab buona nba kuul K bal nan ne K teebee. B si mok yiko b paak. ²⁸ Tuon nba K Guerschonites yajam b waas si tuu ne na, ki buak Ithamar manteeb Aaron biya. ²⁹ A saa kan Melali yaja ŋaak nan b ŋaii nan b ba nba. ³⁰ A saa kan K pii bina pita ki saa nan bi na pimuu binba saa fiit K tuun tuon motaɔk lanbɔŋ ni. ³¹ I gnuan man ba tuuli l ba e na. Ki si dia K tuui motɔk lanbuonŋ ni: jat-dong teba, kuta, koki nan yankl. ³² Dasenta nba kokint lanbuonŋ nan l bonk polka nan lanbuonŋ utlota nan ŋmiit, nan linba kuul kibbi jiit cant lanbuonŋ. ³³ Kalali yajam nan u waas tuon ne na motaɔk lanbɔnŋ ni K b si waa K buak Ithamar mantee b Aaron bija. ³⁴ Moiis, Aaron motɔ-kpanbal gbinŋl waas K din kan Kehathites waas: B yajam, b ŋaii nan b ba nba. ³⁵ Bin ba kual bina din danŋ pita K saa nan bina pimuu K dakt nan b tuun tuon motɔk lanbɔŋ ni. ³⁶ Baa din kan binba nan biyaj ŋaak dintie tuuta ŋanlee nan kobi ŋanlolee nan ŋan muu. ³⁷ Baa din kan Kahathite yajam nan u ŋaii nba din tuu tuon motɔk lanbɔnŋ ni. Moiis nan Aaron din kan nan Kangbenu nba din pak waan Moiis ne. ³⁸ Baa din kan Guerschon waas b yajam nan b ba nba ŋaii, ³⁹ la jii bina piita K ŋal bina piimuu, binb kuul ŋaan nan b tuun motɔ lanbɔnŋ ni. ⁴⁰ Ba din kan binba, b yaja ŋaak, nan b ŋaaii, nan b baa din tie, tuu ŋanlee nan kobi ŋanlob nan piita. ⁴¹ Ba din kan Guerschon yajam nan u waas tuun-e-na. Moïs nan Aaron-e-din kanm nan Kangbenu nba din waan Moïs ne. ⁴² Ba din kan malali yaja ŋaak nan b banbaa ŋaaii, ⁴³ din pii, bina pita K saa bina piimuu binba din dakt nan bin tuuŋ tuon motaɔk lanbɔnŋ ni. ⁴⁴ Ba din kan binba b yaja ŋaak din tie, tuta ŋanta nan kobi ŋanle. ⁴⁵ Ba din kan Malali yajanm ŋaaï e-na, nan Kagbenu nba din wan Moïs K ŋua nan Aaron kan ne. ⁴⁶ Levite nba nba K moïs nan Aaron nan Islael beet waas din kanm, bi yaja ŋaak nan b ba nba ŋaaï-e-na. ⁴⁷ La pii bina pita K saa bina piimuu binba dakt nan bin tuu tuon motaɔk lan buonŋ ni-naa. ⁴⁸ Ba kan binba b tie tuta ŋannï nan kobi ŋamuu nan piinii. ⁴⁹ B kan nikant nan Moïs nba wann b nee, K waan sua kuul nan u tuon nba kuu saa tuun nan waa saa jii linba, K b kan nan Kagbenu nba din wann Moïs ne.