¹ Gotl Aarɔn nan Muoyiis maalu, yuo nba k kaagbennu din pak nan Muoyiis sinai jual paak na. ² Gotl Aarɔn waas sana : Nadab, tie u bikpelik, nan Abihu, nan Eleasar nan Itamar. ³ L tie Aarɔn waas nae k b din kaanm k muan kpan nba ŋami, b paak. A bii tie manntieb. ⁴ Nadab nan Abihu, Kaagbennu din kpii'b. k maan b din mann malunŋ nba k tuok tul'ɔ, you nba k b din be sinai paanpienuŋ ni na; bsua din k mɔk bik. Eleasar nan Ita mar din tie mann tieb, k sua b baa Aarɔn daa be u manfuol ni. ⁵ K kaagbvennu pak nan Muoiyiis k yet a : ⁶ Baat nan Liefi buolu, k tan senn'b manntua Aalɔn nunm ni k bii tie u sonmtua tuonn ⁷ k b sii tuun ganu k ŋami n lanbonŋ na ni, nan niib tuona ni lanbonŋ na buol, b tuona sii tie n lan bonŋ na tuonae ⁸ B sii goli k ŋami linba kul be lanbonŋ manŋ ni, k bia ŋami niib na paak ŋanma. B tuona sii tie n lanbonŋ na ni tuonae ⁹ Jiin Liefi tieb na k tul Aarɔn nan u bonjai; k b saa jii b mɔnŋ k cab kii tuun kii tien Israel tieb. ¹⁰ A te k Aarɔn nan u bonjai k bii tuun manntieb tuona; ŋaan saam, nba baal u tubdatu tie kuune ¹¹ K kaagbenn pak nan Muoiyiis k yet a : ¹² Gotl n jii Liefi nba Iislael waas sunsuuk ni, k b saa set waakpeli taal ni, Iislael waas waakpeli na Liefi nba, n ji sii tie n niib ¹³ k maan bi kpeli kul tie yabe; laa nyii, dual nba k n din faa Ijipt duo bikpeli kul k kpiib na, l yuoe k n din te k Israel bikpeli kul tie n yab; l niib nan l bonkobt kul: tie n yabe. Mine tie kaaybennu ¹⁴ Kaagbennu pak nan Muoiyiis sinai paanpienŋ na ni k yet a : ¹⁵ wun tien Iislael waas nikant, Noakuuk Naakuuk ŋaak ŋaak. A tien bonjai nba mɔk ŋmaalk k gal n na kul nikant ¹⁶ K Muoiyiis tien nikant nan kaagbennu nba waan'ɔ bianŋnba na ¹⁷ Na tie liefi waas b sanae na: Gerson nan kehat nan Melaali ¹⁸ Gotl Gerson waas sana Libni nan simei. ¹⁹ Gotl kehat waas Sanaena: Amram nan Jitsehal nan Hebron nan usiel; ²⁰ nan Melaali naakuuk bonjai sana Machli nan Muschi. ŋanme tie Liefi k ŋaatieb nan b naankuut. ²¹ Gelson naakuuk ninŋe k Libni nan Simei nyii. ŋanme din tie Gelsonit nba buolu. ²² Binba k b din kanm nikant, k piin nba mɔk ŋmaalk, k gal nna b kul kann din tie tutaa ŋanlole nan kobii ŋanŋmue. ²³ Gerson buolu ji din saan caan b kaanŋ Yennu lanbonŋ na lanpuol yonbaa poe. ²⁴ B din jii Eliasaf, wunba tie Lael bija nae k u tie Naakuuk na sakua. ²⁵ Gerson buolue din goli lanbonŋ na nan l nuak ni bondɔknkala, ²⁶ cincienn nba sii duak lanbonŋ na luolu k lint Lanbonŋ na nan malun binbitl na kul po. Nan cicinjɔnn kala nba juan tanmɔb na ku po. nan l ŋmiit, nan l tuona kul. ²⁷ Kehat maalu nan u yaabuona, Amlamit nba buolu nan Jitsehalit nba buolu nan Heblonit nba buolu nan usielitnba buolu ŋanme taan tie kehatit buolu ²⁸ Bonjai nba kul din dii ŋmaalk kuo k gal nna kul kann din taan ktie tusaa ŋanniin nan kobii ŋanluobe. ŋanme tie binba sii ŋanmi yennu lanbonŋ na. ²⁹ Kehat naa kuuk din caan b kaanŋ yennu lanbonŋ na niidu poe. ³⁰ B din jii Elitsafa, k u tie b naakuuk sakua, usiel bija. ³¹ ŋanmie din goli mɔlol lakl, nan taabl nan fidsentl, nan malunŋ binbinta, nan bona nba k manntieb tuu sii dia k tuun tuonn ŋant buol, nan cincenn jba juan ŋant buol, nan cincenn nba juan ŋant yaa ŋant tan mɔb ni. ŋanmie din goli tuona nba naan nna kul paak. ³² Manntua Aarɔn bija Eleasar e din tie Liefi buolu sakua, ŋuae din goli donm nba tuun ŋant buol na kul. ³³ Merari naakuuk ni e k Machli nan Muschi, ŋei nyii. ŋanme Melaaliit nba ³⁴ Bonjai nba din dii ŋmaalk kuo k gal nna kul kann din taan k tie tusaa ŋanluob nan kobii ŋanle ³⁵ Merari naakuuk din caan b kaanŋ yennu labonŋ na niiganŋ poe. B din jii Tsuriel, k u tie Abihail bija, k tien'ɔ b saa kua. ³⁶ ŋanmie din goli yennu lanbonŋ na dacaata nan da fuot nan daat nba mɔk. buota, nan lanbonŋ manŋ bona kul. ³⁷ ŋanmie bia din goli k ŋamii gansenta kpai, nan ŋmiit nba tie gungonŋ nan l lanpuol bansuor kara. ³⁸ Moïs nan Aarɔn bonjai ŋann din caan b kaanŋ Yennu lanbonŋ na yendo poe. ŋanmie din go lik ŋamii ŋant lanbonŋ na Israel tieb paak. ŋaan saamɔ nba nakn u kub datuu sii tie kuume. ³⁹ Liefi nba nba k Muois nan Aalɔn din kanm nikant nan kaagbennu nba wannib bianŋnba na, b maalu ni, bonjak kul nba mɔk ŋmaalk k gal tie tutoa piinle nan banle ⁴⁰ k kaagbennu yet Muois a : tient ni kant Iislael waakpeli nba tie bonjai k be Iislael buolu ni Laa jii ŋmaalŋ k gal i kanm k dian b sana. ⁴¹ A jii Liefitnba k bii tie n yab, Min kaagbennu A jiib sennib Iislael waakpeli yial ni, k jii Liefi tieb bonkobkpeli k sennib Iislael tieb bonkabkpeli yial ni ⁴² k Muois tien nikant Iislael waakpeli kul nan kaagbennu nba wannɔ bianŋnba na: ⁴³ waakpeli nba la ŋmaalk ŋmaalk kuo k gal nna k b din kan b sana tie tutaa piinle nan ŋanle nan kobii ŋanle nan piinlole nan bantaa ⁴⁴ k kaagbeenu pak Muois a: ⁴⁵ Jii Liefit nba k bii sie Iislael waakpeli yial ni, k bia jii Liefit nba nba bonkob kepeli k sennib b bonbonkobkpeli yial ni. N tie kaagbennue. ⁴⁶ Israel tieb bijakpeli na nba yab k gal liefi jab kobii ŋanle nan piinlole nan bantaa na, l paak i daa waakpeli manŋ k yent'b ⁴⁷ A pa sua kul yul paak likbina ŋanŋmu, nan baa kikii likli bianŋnba na ⁴⁸ A jii likli manŋ k tui Aalɔn nan u bonjai. k lii tie likli nba saa jii daa binba gaal Liefitnba na ⁴⁹ K Muois gaal likli manŋ niib na buol, k l tie likli nba k b saa daab k ennib Liefit nba yial ni ⁵⁰ k u gaal Iislael waakpeli manŋ liklim k ltie: tusil nan kobii ŋantaa nan piinluob nan ŋanŋmu, nan laa boi ŋant buol buanŋnba na. ⁵¹ K Muois jii likli nba b saa jii daab na k tul nan u bonjai, nan kaagbennu nba wann bianŋ nba na, k Muois tun nan kaagbennu nba Wannna