1
Efraimbuolu ni niib yet Gidon a,"bee tien k a luon fan kon nan Midian nba ŋaan k yet tii? Bee k a tun nna? k piak gniirɔa.
2
K u jiin a,linba k n fit tun, l kan fit yekin nan linba kii tun na. Waaminna nba k yimm Efraim tieb tun na yeb k ciie n naakuuk kul nba tun linba.
3
Li kul ŋaan yennu paŋ niŋe k i kpii Midiann betnba banlee nba tie Oleb nan Seeb na. N tun bee ki li saa yekin nan linba kii tun na?Waa yet nna maŋ , k bji k donn wutuol u paak.
4
Yuo nba k Gidon nan u kunkɔnkɔnna kobi ŋantaa na ji baal Juudan mɔkl ki bia kakt puuot mɔkl manŋa. bi din bak bonciann, ŋaan bia daa waa biel b dataii na.
5
Baa din tan baal Sukof, k Gidon yet doo na niib a, "canbaanba, tulin n jab na jieet b bak bonciann ; n waa biel Madiann tiebe kpanbala banlee nae, ŋanne tie Seba nan Salmuna.
6
sukof saakab na jiin a,"bee saa tiin k tin tul a kunkɔnkɔnna jieeti? I daa k fit nyann Seba nan Salmuna daann."
7
K Gidon yet a,li ŋan. Lii tie k Yennu te k n kɔn k nyann Seba nan Salmuna, n saa jii jagotuk kunkoni e k buoi."
8
k Gidon nia saan Penuel, k tan boi sommil manŋ po K penuel tieb na jiin nan Sukof nba yet biaŋinba na.
9
ki Gidon yetib a, Mii saan k kon k nyannib n saa jin k tan bet ii juonfuok na nna e.
10
L taakpak ni k seba nan Salmuna ji be kakol duo nie nan b kunkɔnkɔnna tusaa piik nan ŋanŋmu,ŋamme ji din bial k tie kunkuok paak kunkɔnkɔnna. ŋaan knbi kpii b jab kobik nan tussa piinlee.
11
K Gidon tɔkin bonkob kpaali sɔnu nba be Noba nan Jogbeha yendo ponna. ki saa lek u datai na . k l yaal ŋaan litib.
12
K Midianba kpanbala banle nba tie Seba nan Salmuna na ciaal k u wei berb k tan nyannib, ki b kunkɔnkɔnna na ji turin.
13
Gidon nba nyii kunkɔnn k tɔkin Heres lɔɔnu ki ŋmat kun yuo nba,
14
k u suol naasimɔ k u nyii Sukof k u boɔ a sakab nba be Sukof po , k naasimɔ na dian sakab piinlolole nan banlole nba Sukof na sana, k tul Gidon.
15
K Gidon saan Sukof saakab buol k yetib a, Tiatil man yuo nba kii daan yet yin sommin na. I yet nan ii kan sommin nan jiiet k ntul n kunkɔnkɔnna nba bak bonciann na, a n daa k kon nyann Seba nan Salmuna. Mɔtana ŋamme na jiki.
16
K Gidon ji jii jagotuk kunkoni k buo Sukof saakab na kul,
17
k bia bit bit Penuel juonfuok k sikin,k kpii duo na ni jab kul.
18
L puol po k u boi Seba nan samuna a, "Nibuolbe k i din kpiib Taabol ii? k bi jiin a,B din naan fina k sua kulbnan bet bija na"
19
K Gidon yet a , " b din tiee n ninjamme, k tie n naa waas. N pol kat nan ii bonni k kpiib, n bo kan kpiini,
20
ŋaan tunn k yet u bija kpel Jeter a, i saa k kpib " k bik na saat u jukbanjiak,k maan u daa din te k bik k tiin jaŋmaami.
21
k Seba nan Salmuna yet Gildon a,"baat k tan kpit a tuɔnŋ. Jua e tuun jua tuonn. K Gildon saan kpiib , ŋaan jii tuliat nba be bi laagumiinba tuli ni na.
22
L puol po k Isaël tieb yet Gildon a, ii tie t diatua. fin nan a bija nan a yaabuonn sii tun diat, kmaan a fatit k tinnit Midiann tieb nuu ni wa.
23
k Gildon jiin a, n kan tien i diatua koo n bik kan tien i diatua . Yennu e sii tie i diatua,
24
k bia yet a," N mɔk maan k luon ma yeti. Sua kul n tulin tutuuta nba ki gaal Madian tieb buol na . Tunta din tie Median nan teeb nan buolia nba kua kunkuok paak na kaare.
25
k Isaël tienb na jiin a, " ti sii mɔk palpienn nan tin gula" K b lat cincenn tinŋ ni, k sua kul jii tutuuta nba k u bo jii tɔb ni k lu paan cincenn na paak.
26
Salma tutuuta nba k Gildon gaal taan k lkpeu tie nan salinkuna piik nan ŋanlole nae. Midiann betnba salma nan b tuliat nan b cincenmɔn wuwula din k pukin salinkuna kpiatuni nan kann ni. koo salma bani nba din tuu be b langumi nba tulini na din k pukin kann ni.
27
Gidon din jii salma tutuuta na k nann k ŋamm tingbann ki k sinnil u duo ni Ofta.Isael tieb kul din nyik yennu e ŋann saan jiiantl tingnann maŋ. L din tie balko k tul Gidon nan u ŋaatietb.
28
Isael jab nba din kɔn k nyann Madianba jab na .B ji din k daamib. k tinŋ na ji be palmassli ni , k tan tuu bina piinan nan yuonba k Gildon tan kpo.
29
K Gildon wunba tie Joas bija na tunn kun ŋaak ni k tan be .
30
U din mal bonjaiik pinlole, k maan u din kuan puob bonciann.
31
k u puobik nba din nyii Sekem na,mun malɔ bonjak k u puluo Abimelek.
32
Gildon wunba tie Joas bija na din tan tie nikpeklmɔnnewa k fit kpo. k b piiu u baa joas kaauk ni , y l be Ofra nb̵a tie A biesel naakuuk ni duo na ni.
33
Gildon din kpo, k l k wei kawa k Isael tieb din k be fanu nan Yennu , k tunn jiantl tingbana nba tie baal na, k maa tingbann nba saan tie Mɔlol Baal na, k l tie b yennii,
34
k ji k jiiantl bi Yomdaanɔ Yennu nba din fatib b datail nba din lintib na nuu ni na.
35
B bia din k tun bulcint k tul Gildon ŋaatieb, k jiin ŋamm nba kul k Gildon tunn k tulib na po.