¹ Jelubaal, tie ŋmee tie jedeon nan niib nba be nanua, b fil sannyiɔk panpann k caan kaaŋ k l kpia Alod nyun tonn buol. Madian nba kaaŋ bo be jedeon yaanŋ, mole jual po, buotuk ninŋ. ² kagbenu yeet jedeon :niib nba ka be namm yabt nan min caab bin paak Madian tieb; be si dont b monŋ. ³ Yeetl b tubaa ninŋ k binba tiin jaŋmani ŋ tunn kfokt nangalat jual. K niib tutaa piinle nan banle tuun k tenn niib tutaa piik. ⁴ kagbenu yeet jedeon: niib na bia yabt'a, sikin nan niib nyun buol kin lukt k tea, mi yeet wunba wi waa, mi yeet wunba u la waa, u la waa. ⁵ K jedeon sik nan niib na nyun buol kagbenu yeet jedeon : bokt bin nba laaki nyun nan bɔk bikunkua. ⁶ K jaab kobiinta b kabl nyun nan nuu k nyuu k niib nba bial gbaan nyuu. ⁷ K kagbenu yeet jedeon;a niib kobinta nba lakl nyun na saa faati k kuub nuu ni.Madian tieb k niib nba bialbŋ kun b ŋei ni. ⁸ K b jii niib jiet nan b natuuna. jedeon te k b ŋmaat b kuul b laabont ninŋ; k jii tien jaab kobinta. Madian tieb kanŋ bo be u kanŋ tinŋ po buotuk ni. ⁹ k nyiɔk kagbenu yeet jedeon,fiit k sik kanŋ na ni k l maan n jiib k tienm a nuu ni. ¹⁰ li tie ka tinn jagbaami nan fin sik, a tɔk nan a tuotun Piila. ¹¹ a sagbaat baa piak linba l puolpo a nuu saa laa panŋ. ŋaan sikin kanŋ na ni. ŋua nan tuon tunn Piilasik k saa naakin kaanŋ na ni. ¹² Madian tieb nan Amelek tieb nan yendo po tieb , din yaat k gbie buotuuk nan nasuut (lankpaana) na k b yin yoktyaab nan Mokl ninŋtanbini. ¹³ jedeon baal k sua k nulua want u lua waa dami damit nba. u yeet u laa dii fuula kun lintl Madian kanŋ. k tan sik k saa lia lambonŋ, k lanbonŋba; k labt tabt lanbonŋ k jibinua. ¹⁴ U lua jiin k yet, l k tie bon sial kaa, Islael jua, jua bijaa jedeon juk ban jiak; yennu jii Madian tieb kuul k tien u nuu ninŋ a. ¹⁵ yuo nba k jedeon gbaat damit na nan l paak, ku gbaan k bok k ŋmaar Islael tieb Kanŋ ni yeet : fit man, kimaan yennu jii Madiantieb kanŋ k kuubini i nuui ni. ¹⁶ U bo bokt jaab kobinta taal munta, k tuul b kul natuna nan len kuona k mulanbabi tuu lena na. ¹⁷ U yet b; i gooli man ki tie maa tie bianun nba. Mi naken kanŋ buolyii tie maa tie bianun nba. ¹⁸ Mi piebl naatun yuonba, bin nba kaan ki linte lanbonŋ mun pieblk yet: L tie kaagbennu nan jedɔn yaal. ¹⁹ Jedeɔ nan jaab kobik nba nakin kaanŋ na buol k l ten waan nan tansun, yuonba k b leebt guul tieb. K b pebl natuuna k yiel be lenna nba k b dia nui ni. ²⁰ L caka ŋantaa pebl natuun k bia yiel lenna; b dia muulanbabi nuuganŋ k nuujentu dia natuun k pieb, ŋan yiikin. Kaagbennu nan jedeɔ juuk banjiak kai. ²¹ K suakuul sie u sienuni k lint kaanŋ k aanŋ na kuul tiin k yikin ki nyi ²² K niib kobiita ŋaam pebl naatuna, k kanŋ na ninŋ kuul kaagbennu ji te k b ŋmat nan juuki b lieb paak k kanŋ na kuul jial k saa baal bet sita nba be selela k saa tuu Abel Meola kpinŋ nba k fɔk nan taba na. ²³ Islael niib kuul taan tieb bin nba tie neftali, tieb Asee nan Manase tieb kuul k ji waa beel Madian tieb. ²⁴ Jedeɔ tuun mamuant tieb Eflaim jual kuul po a bin yetib bin sik man k cet Madian tieb kluo b sɔnu nba be Bef-Balak satuu suldin mɔkl. k Eflaim tieb kuul taan lieb k yent nyuun ganŋ k saa tuu Bf-Bala nan suldin kpenu. ²⁵ B din suol Madian tieb kpanbala banle, Oleb nan Zeeb. K kpii Oleb jakini k bia kpii Zeeb, u daan ŋminŋmakl buol. k b wei k biel Madian tieb k baal nan Oleb nan yuula k tuul sedeɔ suldin mɔkl puot liel po.