¹ Israel tieb tien l ma k manŋ Kaagbennu, K kaagbennu nuikb mann(madian) tieb nuni ka-ka bina ŋanluole. ² Monntieb din mɔk paanŋ k cie Israel tieb. K fit k nyii mann tieb nuni, Israel tieb din tuu tiin bɔri tan Fiat ninŋ nan sianiba tie bunbɔnbuol, nan kunkona pak. ³ you ba k Israel tieb din tuu bul b bult, mann tieb nan Amalek tieb nan din tuu baan k tan lekib. ⁴ Bii din tuu kaah l buole k jii biin bonkunkuot l duoni k san tuu gaza, bi bo kii hyikt sial a jiet koo piok, koo naab, koo bɔnŋ. ⁵ bii din tuu baan k dia bi bonkobt nan bi lonbont, bi din tuu baal k tan mirib nan naasuut na, ŋaam nan biyoyokt, bi din kaa kann, bi din tuu baal k koki tiŋ na. ⁶ Midiann din butin Israel tieb Israel tieb bo yiknk tien kaagbennu. ⁷ you nba k Israel tieb din yinkn k tie kaagbennu a u nyinnib midiann tieb nuu ni. ⁸ Kaggbennu tuul maaskini Israel tieb k u motibi nna kangbenuk, Israel yennu pak nnyinni Isipt, k bia nyinni daabis ŋaak ⁹ n nyinni Isipt tieb nan b nba bo maabii; na nuuni nbelb i buol k tuuli b duo. ¹⁰ N matiwaa: min ne tie kangbenu, ii yennu; ii daa ŋmaan Amon tieb yenduiy na, duo nba ninŋ kii be na. ŋaan ii ki gbat n maa. ¹¹ K yennu meleke baal k aal ofna tigbeŋl nyakl l maa tie joas yaal na, abieser buolun. u bija Gedeonn din bɔri k buo dii a midianntieb daa laatɔ. ¹² Yennu meleke dɔktɔ, k matɔ, kaagbennu benan na, Fin nba tie nijaann na! ¹³ Gedeonn Matɔa: ah n yamdaanɔ, lii tie kaagbennu b nannti l tien nle bana n kul baanti? Kl ciila bona nba k tin baanba dan dukit tim na belia, b daah yaa kaagbennu maŋ kaa nyin tim Ijipt? mɔtanna kaagbennu nyik tim madiann tieb nuuni. ¹⁴ Kaagbennu tunn u buol, k mat a : saannon panŋ nbo kaa mɔk nna k nyinn Israel tieb midiann tieb nuuni; nna ka k n tunmaa ni? ¹⁵ Gedeon yetɔ a: ah n yomdaanɔ, n saa jiibe k nyin Israel tiebi? gotl n buoru k mɔk panŋ k ni ne tieb nba ŋaakn. boblk ¹⁶ Kaagbennu matɔa: n sii be naana, kaa saa buo midian tieb nan niyenɔ nee. ¹⁷ Gedeon matɔ: lii tie kaa mɔk palpieh n paak, tien tin hyinn k waan na finne piak naani. ¹⁸ a daa fuɔktl n buol na k sua n tunn k jenŋ a buol, k n baal nan n paani k bil a buol. k kaagbennu matɔ: n sii be ka-ka a jenu. ¹⁹ Gedeon Kua: k ŋaa waabik naant ki bia jii yon kunn, k jii kpaanu nba daan tiŋ kaaleŋ. k tien gbony kpacub kun k tien kpinnyu bobli, ki jii baal nann k tulɔ liigbeŋl nyakili. ²⁰ yennu meleke matɔ: jii gbonŋ nan kpaani nba daan tiŋ kanleŋna, k paan tanpiuk paak, ŋaan kpaal kpiiny l paak. K u tien nna. ²¹ k yennu meleke naak lanbaann nba kuu dia na juok-po, k sii gbuonŋ nan kpanni nba kaa daanti, na. k tanpiuk nna paak gal muu k dil gbounŋ nan kpannu nba kaa daatiŋ na. k yennu meleke bot u nunnj. ²² Gedeon golksua yennu meleke, kumat : yubɔnnani, yomdan kaagbenuk! Kl maa n laa kaagbennu meleke nuphur. ²³ K kaagbennu matɔ: i be yanduam ninŋ, daa jie baa sial, a kan kpo. ²⁴ K Gedeon maa manuŋ binbintl k tul kangbenuk, K pulɔ yanduam kaagbennu : l daa b dina ofra abiesen buolu yal. ²⁵ L daal nyiɔk , kaagbennu mat Gedeon: jii a baa najaak panŋ, nan najaak liek nba mɔk bina Janluole: K bit baal binbintlnba kaa baa maa na. k bia cua k bet cicelk nba be libol na. ²⁶ a saa maa malunŋ binbintl l yaa tan piuk paak k tul kaagbennu a uennu. a saa jii najaa lie k na nan cicelk daɔk nba kaa bo cua-na k mannl marunŋ. ²⁷ Gedeon jii jaab Piik u tuosuna ninŋ, k tien na kaagbennuk ma bo ŋet na. nan waa dii ŋmaa u ŋaak niib nan u duo niib na u din k mann yennu ni udin mann nyiɔko. ²⁸ You nba duo yaab Fiil saannyiɔk ninŋ k sua malunŋ binbintl nan cice kl nba bo be l baak na bo bitɔ, najaak liek na b bo jiuk mannɔ malunŋ binbintl mao paak bbo maa na. ²⁹ K be boi lieb : ŋmee tien na? K be boi-boi K jii kpaan. K b matib: a Gedeon, joas bijaa Jua i tien. ³⁰ K duo manŋ niib yet joasi nyiit a bija tin kpiuy k l moa u bit Baal malunŋ binbintl nan cicelk nba ba be i paak na. ³¹ joas jii b maa kul bo baat u buol na I taanl baal poe-e? ii kɔn a ŋii nŋinɔ ae? wunba kɔn Baal paak lii baat wonn sanyiɔk ninŋ na kuu kpoa. lii tie baal tie yennu wun kɔn u mɔŋ paak. Kl maa b bit u malunŋ binbintle. ³² Laa nyii l daal k b pul Gedeon saan a Jerubaal, kii Yaal Baal n kɔn nannɔ kl maa u bit u malunŋ binbintl. ³³ Madiann tieb, amalek tieb, nan kun kuok tieb taaan k puot junda mɔkl, k caan be kaanŋ jeneel. ³⁴ Gedeon gbie nan yennu siek, ku faa naatunn k yii Abiezer a wun wei-yɔ ³⁵ k tun tonti manasse buonu ni a bi baal k lan wei yɔ, k bia tun tunti Aser buoru, nan Zabulon buonu, nan Nehpthali bounu a b kul n baal k Pukin. ³⁶ K Gedeon yet yennu a nan a saa jii mine k nyiin Israel tieb ³⁷ n saa biil kpocat pien linŋ ninŋ lii sua maal baa kpaacat ne paak ŋan k k baa tinŋ ninŋ n saa bann na a sante min nyiin Israel tieb na Faa bo mal na. ³⁸ K l tien nna. daal nba waa, ku u fiil sanyiɔk k la kpaacat nna gbie na nyuu saa gbei ŋmaabaŋ. ³⁹ Gedeon mat yennu a : a daa dont wuntul n pook n jii yaa paak ne kuu kuae: n bo yaan tien binbuk nan kpact ne: n luon kpacat kuae i kuo ŋaan tinŋne maa. ⁴⁰ K yennu tien nna nyiɔkna. Kpaacat kuae b kuo ŋaan tinŋ na bo maa.