¹ L daal maŋ, k Debola yin yanŋ na, nan Balak, nan Abinoam waas: ² K bat nba gal Islael tieb liik po, k niib na tien siil nan binkɔn: I dont Kagbennu man! ³ Kpanbala, I gbint man, yikuot danm, I luot I tuba! N si yiin yaanie, ṅ, n si yiin dont Kagbennu e, n si yiin dont Kagbennu e, Islael yennu. ⁴ O Kagbennu! yuo nba k a nyi Seil na, yuo nba k a bo a Edom kpaab po na, tinŋ bo jekle, k san paak luot k sanpagbonŋ luot nyuun. ⁵ Juat danm Kagbennu tuann, sinai jual monŋ Kagbennu tuann, Islael yennu. ⁶ Samgaal yuo, Anat bija, Jael yuo, b din nyyaal sanjote, k binba din yatl din tɔki sanjot bite. ⁷ Islael kpanbala din k mɔk panŋ, panŋ din ka, ŋaan ma fiil yuo nba, min Debola, ŋaan ma fiil k naan an puo matua nba be Islael na. ⁸ U din gann yenn ganne: l yuo taab naakin tanmɔb; t din k laa naagbenkɔnŋa nan kpaana kul Islael niib tuusa piinna. ⁹ N paal paal Islael kpanbal paak, nan duo niib nba wann b mɔnŋ nan b bobn k saa kɔn. Ti dont Kagbennu man! ¹⁰ Yinm nba jaakt bonbi pieni, yiinm nba jii bonkobd gbent k tien kaani, yiinm nba tɔk sɔnu k sonm, I yiin man! ¹¹ B kunkɔla I o nan sejeṅm na, I bonkobt nyun nyun buol sinsiuk ni, I dont Kagbennu ŋant paak, U ŋmaktɔ nba be Islael ne ŋant! L yuo na k Kagbennu niib baal tanmoi ni. ¹² Nyuantli, nyuantli, Debola! Fiiti, fiiti, yan yenŋ yiene na. Fiiti, Balak, k jenna a daba, Abinoan bija! ¹³ L yuo na k niib nba tenn na kpanm nan panŋ, k Kagbennu tuln nyannu panŋ dan paak. ¹⁴ Amalek niib baal Eflayimm. K Bensamin wa a puolpo a niib na ninŋ. K kpanbala nyi Makil k baal, k saajenm saakab nyi Sabulon k baal. ¹⁵ Isakal yikuo danm din be nan Debola, k Isakal wa Balak, k b tunm k b tɔkn b taa k siik baok ni. Ba nakin Ruben kpenu buol, k niib bonciann pala maak. ¹⁶ Bia pakae k a sie bonkobt sincuk ni k gbin b mɔni-i? Ruben kpenu buol, k t yaan din dual bonciann! ¹⁷ Galaad tieb k siet b binbebuol. Suldan puol po. Bia pake k Dan daa be nyun ŋaak ni? Asel kal mɔkl kpianu k foi u yamani? ¹⁸ Sabulon tieb tie binba ce kun k Neftali yaab mun b kpaant paapo. ¹⁹ Kpanbala baal k kɔn kɔnn, nyann Cana kpanbala, Taanac buol, Megido nyun buol; b din k fit la sial k fat, k boi likli. ²⁰ Sanpaapo kn, b saanuuni k ŋmaabila kɔn nan Sisela. ²¹ Kison kpenu yaat nanm, sian yuo bunbunn, Kison kpenu. N siek taabin panŋ danm na! ²² L yuo k taami ji cibt nan nantal, k tiin , k tiin yian k sa kɔnna. ²³ Kagbennu malaka yeta motont be Melo, polin niib nba kua l duo ninŋ na, k man b k baal k soṅm Kagbennu niib nba mɔk panŋna sinsuuk ni. ²⁴ Yennu yete ŋanm be Yael puob ninŋ heber ŋaapuo, kenien nilua! Yeteŋanm be puob nba be lanbont nie! ²⁵ U boi nyun po, k puo na tulua naabiin, ŋmanŋ nba mɔk cɔlint k u jii k wannɔ nan naabikpan. ²⁶ U jii niyenŋ k suol niŋanua, k u nidiitu k u dia tuotunna jaal; k ji fa Sisale, k luot u ningbauk, k yakt yakt u yul manŋ. ²⁷ B kɔnn Jael taa k u baa, k dual, u taa nba din kɔnn, k u ba; Sianba k u taa din kɔnn k u ba na lenŋe k u manfuol gbenn. ²⁸ Sisela naa din dɔkt cabl k goli taakobom ni, k daa a: be-e tien k taab loa wei nan balu? Be tien k taab loa na sonm suon suon na? ²⁹ K puob nba mɔk yanfuon puo lieb manŋ ninŋ jiinua jiinu, k u jiin u mɔnŋ jiinu a: ³⁰ B k la sial k sa jii? b k bɔklt manŋi-i? bonpobik, bon pobiit banle jayenua, b la tiat nba mɔk fant k l tie Sisale yal, tiat nba k b nan bonna l paak, tia yenŋ nba mɔk naunŋ, tiat ŋanle k b nan bonninant l paak, k l tie wunba kɔn paak na paati? ³¹ O Kagbennu! a datai nba kpenn bianŋnba ne, binba luona tie nan yenn yieanŋ na, U dɔkit nan u panŋ. Duo bial fuon ni bina piina.