¹ Asaas din mɔk bina piinl nan ŋanmu e k dii naan, k tien bina piik nan ŋanluob Selusaalenm. U din tun lin nba ŋan Kaagbennu Yennu nunm ni, nan u baa Daafiit nba din tun bannu nba na. ² U din tɔkn Islaael kpanbala sonu e, k taan nann kut k tien Baal ninnanaɔnŋ. ³ U din jiit tulaali k jokt muu Himnon waat baaɔk ni. U bia din jikt u waas k jokt muu nan niib nba k Kaagbennu din weri'b islaael waas tuann na, nba din tuun lin nba k l k ŋan na. ⁴ B din tuu mann malunŋ juot tulaali muu juat paak, nan jɔgbai paak,nan tijakpela kul buol. ⁵ ŋann k Kaagbennu te k Siil kpanbal kɔn nyann'b. B din nyann'b k ji suol b bonciann k tien'm dansali, k saan nan'm Daamaas.Kaagbennu bia din te k Islaaetieb kɔn nyann'b, k din biil b tuona bonciann. ⁶ Lemalia bija, Paka din kpii niib tuta kobk, nan tuta piinle dayenn kua ni, b kul bia din tie japaala e, k maan baa nyik Kaagbennu b baanba Yennu na paak. ⁷ Sikli Eflainm tabfaalɔ din kpii kpanbal bija Maasesa, nan Aslikanm wun nba din tie kpanbal ŋaak guutieb saakua nan wun nba kpanbal paak na. ⁸ K Islaaeltieb suol b ninjanm ni dansali tusa kobi ŋanle, puob nan bonjai nan bonpoi, k bia jii b faal bonciann, k saan nan'n Saamaali. ⁹ Yennu sɔkniisua din be l buol k b yi'u Oded, k u saan Saamaali sejenm tuann po k yet''b a: Kaagbennu i baanba Yennu wutuol e duo Suudatieb paak k u te ki nyann'b k kpii'b nan wutuol nba duo sanpaapo. ¹⁰ k i ji duki nan yin jii Suuda nan Selusalenm bonjai nan bonpoi k bin tien i tuontunna, ŋaan yinm ŋanin k biil Kaagbennu i Yennu uu? ¹¹ ŋann i gbiint k jiin dansali nba k i suol'b i ninjanm buol ni na k maan Kaagbennu wutuol be i paak. ¹² IEflainm duo ni batnba yenm, Suosana bija Asaalia, nan Melsemat bija Bolikia, nan Salunm bija Esekias, nan Adulai bija Amaasa, yet bin nba din nyii kɔnn na paak. ¹³ yet'b a: i kan kuan damsali t ni na, k maan tin tien biitdanm Yennu buol, k ŋanm k pukn t biit. T mɔk biit k Kaagbennu wutociaɔnŋ be Islaaeltieb paaak. ¹⁴ K sejenm na nyik dansali nan tab faal nba k b gaqal na, batnba nan niib na tuann. ¹⁵ niib nba k b taa b sana na fiil gaal dansali' k jii faal manŋ k tien tiat k lann bin nba yana na. B din tul'b tat nan taasaat, k bia tul'b jiet k b dii, k bia nyuu. B din sual'b kpann k bia jakn bin nba din bak na bonipaak, k kpenn'b b kaati duo ni, Sseliiko, b ninjanm buol, ŋaan ŋmat saan Saamaali. ¹⁶ L yuo Asaab dein tun Assiili kpanbal buol k boi'ɔ sonml po. ¹⁷ kK Edmiitnba bia baal k kɔn nyann suuda, k bia suol danali k kun nan'm. ¹⁸ L taakpaak ni, k Fiiliistinba lek Suuda baaɔk nan ganŋ po, k fat Semes nan Ajalon nan Gedelot, nan Sko nan digbana nba lint doi manŋ. Timna nan digbana nba lint'ɔ, Giiso nan digbana nba lint'ɔ, k kua doi manŋ ni. ¹⁹ K maan kaagbennu din skn Suuda, Islaael kpanbal Asaas paak. ²⁰ U din baal nanŋmatl Suuda duo ni, k tun biil Kaagbennu. ²¹ K maan Asaas din jii Kaagbennu ŋaak ni mɔktuk, nan kpanbal nan batnba mɔktuk k tul Asiili kpanbal paab, ŋaan din k sonm'ɔ sial. ²² Yuo nba k ŋua kpanbal Asaas din be palbiil ni, u bial lek din biil Kaagbennu e. ²³ U din tuu yit sali k tien Daamaas Yeni nba din te k b nyann'ɔ, k yet a: Asiilitieb Yenni sonmt'b, n saa yit k tul'b bin sonm'n. ŋaan b din te k ŋua nan Islaaetieb kul baa. ²⁴ Asaas din tikl Yennu jaanti ŋasaakak ni tuontuntiat kul e, kul e k yiel l kul, ŋaan luon Kaagbennu ŋaak, k ji maa binbinta Selusaalenm lokl kul po, ²⁵ k tien yenlei binbinta kunkona nan juat paak, k jokt tulaali muu k tien'm, Nna e k u din tuun, k dont Kaagbennu u baanba Yennu wutuol. ²⁶ U sinsinn soni nan lin nba kul juont, l dian Suuda nan Islaael kpanbala tuon kadaat ni e. ²⁷ Asaas din kpen u baanba buol, k b pii'u Selusaalenm k maan b di k pii'u kpanbala kaat ni kaa. k u bija Esekias gaal u naan.