¹ Din mɔk bina piinle nan ŋanmu e k dii naan k kal paak Selusalenm bina piik nan ŋanluob. U naa sann din tie Selusa, Saadok bipuo. ² U din tun lin nba ŋan Kaagbennu tuann cib cib nan u baa Osias na. ŋaan u din kua Yennu jaanti ŋasaakak ni, k yuo kul niib tuu baa biit. ³ Suosias din maa tanmɔb nba Yennu jiaanti ŋasaakak ni paapo, k bia din maa bona bopna bonciann, jual paak. ⁴ U din maa bona bonciann Suuda tinŋ ni, jual paak k bia maa ŋei nan dituata ful ni. ⁵ U din kɔn nan Amɔn waat kpanbal k nyann'b. L binn Amɔn din tul'ɔ likli talenba kobik, Dii yon liita tuta piik,diimɔni yon liita tuta piik. B din pa nna k saa janŋ bina ŋanta. ⁶ Suatanm din mɔk panŋ k maan u din waa Kaagbennu u Yennu bonŋann. ⁷ Suatanm tuona kul nan u tabi fanu nan waa tun lin nba kul, b dian dia Islaael nan Suuda kpabal kadaat ni e. ⁸ U di mɔk bina piik nan ŋanmu e, k dii naan k kal kok paak bina piik nan ŋanluob Selusaalenm. ⁹ Suatanm daa din gbenn k b pii'u Daafiit duo ni ku bija Asaas gaal u naan.