¹ Suuda niib kul jii Osias,k u tie kpanbal, u baa Amaatsia yil ni, k u mɔk binapiik nan ŋanluob. ² Osias din ŋanm maa Eluot duo k jii'u k pukn'ɔ Suuda panŋ po, yuo nba k kpanbal na dual nan u baanba na. ³ Osias din bina piik nan ŋanluob e, ktien kpanbal, k dia Selusaalenm duo bina piinŋmu nan ŋanle. U naa sann din yi Sekolia, k u nyii Selusaalenm. ⁴ U din tun lin nba ŋan Kaagbennu nunm ni cib cib nan u baa Amaatsia nba din tuu bianŋ nba na. ⁵ U din yiab k kpaan Yennu lonm bonciann,yuo nba k Saakaali di mɔk subni nan Yennu yelntu ni. L yuo,u din kpaan a wun bann Kaagbennu, l paak, Yennu din tun u lonm k tul'ɔ. ⁶ U kɔn nan faaliisianba k bet bet Gaat juonjala, Jaabne juonjala, Asdod juojala, ŋaan ji ŋanm maa Asdod yent doi na kul nan lin nba be faaliisianba doi ni. ⁷ Yennu sonm'ɔ ku paak faaliisianba,k paak Alaabna nba kua Guul Baal, k bia maaoniitnba. ⁸ K amoniitnba ji baat nan paab k tien Osias k u sann ŋanmt yat k tuu Ejipt kpaal, k ji ŋanm mɔk panŋ. ⁹ Osias maa Selusaalenm juonjal, laa jiiɔgbaak tanmɔb nba tie lɔtk bɔkl, laa jii tanmɔb na bɔkl, nan bianŋ nba k juonjal na bo saa maa na, k u maa l kul. ¹⁰ k maa juonjal paanpieuonŋ po,k gbiil gbiet bonciann, k maan u din mɔk bonkobt bonciann, k b be jual nan paanpieuoŋ ni. u din kpakuola nan tiwuutieb juat nan paanpieuonŋ na ni, k maan u din tie wun nba luon kpaab tuona bonciann. ¹¹ Osias din mɔk sejenm nba saa kɔnn paabu paabunan kadadiantua Seiil nan sejenm saakua nba bɔkt'b bianŋnba na,nan kpanbal ŋaabatnba ni yenɔ Anaaniannba wann'b bianŋnba na. ¹² Yaajaŋaak batnba nan bin nba kɔn kɔnn kann din fiil tusa ŋanle nan kobiinluob e. ¹³ Bdin dia sejenm tusa kobiinta nan banlole, nan kobiinŋmu e tie bin nba saa fit guu kpanbbal u dataak buol. Osias kpaan kunkɔn jatiat, nba tie naa gbnkoɔnŋa nan kpana, nan kutfokli, nan gbanbota nan tal bana nan naaluoba. 5 K te k Selusaalenm angenianba, nan maasina nba k tuu saa jii k senn lɔti ni, k l fit sonm nan kpana yeku, nan tangbenŋa luulu. u sann ŋami yat saa banfɔkl, k maan panŋ e din be nan'ɔ k u fit tuun linba na kul. ¹⁶ Yuo nba k u ji la panŋ nba gbenŋ, k u ji mɔk japaat, k u pal ji buon'ɔ, k u ji tuun k biil Kaagbennu, u Yennu. k ji k kua Kaagbennu ŋaak ni, k ji saa jokt bonnubt malunŋ binbintl paak. ¹⁷ Manntua Asaalia kua u buol ni, nan kaagbennu manntieb piinniin, ¹⁸ jab nba gbie nan gbankul, k k tuo kpanbal Daafiit paak, k yet'ɔ a: A k m ɔk yikuo, Osias nan fan mann bonnunubt malunŋ k tul Kaagbennu! L malunŋ tie t yal e, tinm manntieb nba tie Alɔn waas, nba k b din luk'b k tul'b u yiikuo, a bii mann na. Nyimin Kaagbennu ŋaak ni na, k maan atun biit a. L kan fit k a tuonn manŋ n don't Kaagbennu Yennu. ¹⁹ Osias nba din daa dia tulaali na u nuu ni na, k u wutuol ji duo bonciann. Waa pakn yul manntieb paak, l taakpaak ni, k ŋaauk piin u nunm po, manntieb nintual ni, Kaagbennu ŋaak ni, malunŋ binbintl nba k b k b juokt mann bonnunubt malunŋ na buol. ²⁰ Mannt ɔyudaanɔ Asaalia nan manntieb kul ji kpaa ninbina paak, gotlŋaaɔk ji be u nunm po. B ji kakt nyinn' ɔ na-yel po yian yian, u mɔnŋ ji tuo k nyii yian, k mann Kaagbenu te k ŋaaɔk suol'ɔ. ²¹ Kpanbal Osias din tie gbaatl kaa kaa nan u kuun, u din saan k saa be kpinŋ po k maan u din tie gbaatl e, k maan u ji din ni Kaagbennu ŋaak ni waa. K u bija Suatanm ji gaal kpanbal ŋaak sakatuk k bu duo niib buut. ²² Osias tuona nba tenn k u tun, l piinu nan juontu, Ammuut bibja Sɔkni Esaayi din dian. ²³ Osias kpo k wei u baanba k pii'u kpanbala kaat ni, ŋaan k k taan'ɔ nan u baanba k maan b yien a: u tie gbaatl e. U bija suatanm din gaal u yial.