¹ Esekias din dii naan k mɔk bina piinle nan ŋanmu e, k kal kok paak selusaalenm k saa janŋ bina piinle nan ŋanyia. B din yi u naa Abiija, k u naa tie Sakaali. ² U din tun lin nba tuok Yennu buol nan u baa Daafiit din tun bannu nba na. ³ U naan dinu bincincinn, ŋmacincinn ni, u din luot Kaagbennu ŋaak tanmɔi k ŋanm. ⁴ U din yiin manntieb nan liefiitnba k taan'm yendo po yial ni, ⁵ k yet'b a: yinm liefiitnba, i gbiint n maan, Mɔtaana i ŋanmi mɔnŋ, k ŋanm Kaagbennu, i baanba Yennu ŋaak, k nyinn lin nba tie jakt Yennu ŋaak ni. ⁶ Kmaan i baa nba biil k tun lin nba kŋan Kaagbennu t Yennu nunm ni, b nyik'ɔ e, k ji k goli Kaagbennu lanbounŋ, k tul'ɔ puol. ⁷ B taan luon Yennu ŋaak tanmoi, k kpienn fita, k ji k jokt tulaali kuo k mann nyikcabu malunŋ k tien Yennu. ⁸ K Kaagbennu, wutuol duo Suuda nan selusaalenm paak, k u te k kɔna baal'b, k pala biil bonciann k niib laa'b, nan yaa laat bannu nba nan i ninbina na. ⁹ k l paak k b din kpii t baanba nan jukbanjai, k suol t bonjai nan t bonpoi nan puob k saan'm dingbanfann ni, k tien'm daaba. ¹⁰ ŋann n luon k n ŋmat lol nan Kaagbennu Islaael Yennu, k u wutociaɔnŋ n nyik tinm. ¹¹ Mɔtaana, n waas i ji daa nyikt i mɔnŋ, k maan kaagbennu din gann'i a ii sie u tuann, kii tie u tuontunna kii jokt tulaali kii tien'ɔ. ¹² K Lefiit nba din be tuann na ni, Maasaat amaasai bija , nan joel Asaania bija , nan keatiit nba waas, nan Merariit nba waas, nan kiis Abdii bija, nan Asaaria jehaal liel bija., nan Edenn Joas bija. ¹³ Nan Eliit saafann waas, simri nan Jeiiel , nan Asaaf waas saakaali nan Maataania, nan ¹⁴ nan Jeduutun waas semaaeja nan uuseil. ¹⁵ B din taan b ninjanm k b ŋanm b mɔnŋ k l puol po k saan ŋanm yennu ŋaak nan kpanbal nba wann'b bannunba k ltie yomdaanɔ yennu maan na. ¹⁶ ŋann e k mann tieb na kua yennu ŋaak ni k saa ŋanm k yiin biit kul nba k b la yenjiantu ŋaak ni k kua muat diok ni yonmdaanɔ ŋaak ni, k lefiitinba saa jii k nyi nann nayelpo k lu Gedlon mɔkl ni. ¹⁷ B din piin l ŋanmu sinsinn ŋmalik dasinsinn daal e, k ŋmaalik daannin daal k b kua yennu ŋaak baltil ni k bia tien daaŋanniin k ŋanm yonm daanɔ yennu ŋaak , k ŋmaalik dqapiik nan ŋanniin daal k b gbenn . ¹⁸ L puol po k b saan kpanbal Esekia buol k wann'ɔ a: t ŋanm yonmdaanɔ yennu ŋasaakak na kul k gbenn a, binbintl nba k b sii jokin malunŋ piini, nan tabl nba k nbi sii pa mɔsona paanu nan taabl nan l bona kul l paak . ¹⁹ t kuan bona kul l yial ni, k ŋanm nan tuontun t nba kul k kpanbal Asaas nba din dii u naan k mɔk mɔyetu k biil linba. ²⁰ ŋanne k kpanbal Esekias fiil sannyapob ni k tikl duo na ni bat nba kul k b saan yonmdanua yennu ŋasaakak na ni. ²¹ B din saan nan Najaii banlole, nan Pejaii banlole, nan pebit banlole, nan wajaii banlole a bin mann malunŋ naan yent po, malunŋ binbintl po, nan suuda digbann po. k kpanbal yet Aalon waas nba tie mantieb a bin man yonmdanua malunŋ binbintl paak ²² k maan tieb kpii najii na k tekin sɔn k mann malunŋ binbintl paak k bia kpii pebit na k muan sɔn malunŋ binbintl paak. ²³ k tan juont baal nan wajaii na kpanbal nan niib tuann, k b paan b nii b paak. ²⁴ k mann tieb na kɔk'b k muan b sɔn mannu binbintl nyakl, k l tie Islaael tieb kul biit paak ; k maan Islaael tieb kul biit paak e k kpanbal din senn a bin mann mujuonu malunŋ nan yenbɔm malunŋ ²⁵ U din te k Lefiit nba e be yennu ŋassakak nan nanwokla, nan yeli, nan biat nan Daffit senni na. Gaad nba din tie kpanbal nunnyuantua nan Naatan yennu sɔcni. k maan ldin tie yennu sonu e k u wann u sɔkni nba. ²⁶ Lefiit nba din be linŋ nan Dafiit bonmumuat na e, k mantieb mun be lenŋ nan naatuna. ²⁷ Esekias i tul mɔb a bin mann mujuonu malunŋ manu binbintl paak, yuo nba k mujuonu malunŋ manŋ piint na, l yuo mun na e piint yonmdaanɔ yennu yani nan naatuna nan Islaael kpanbal Daafiit bonmumuat na . ²⁸ Niib na kul nba din be lenŋ din tuu gbaan e k yii yani naatuna na pieb taa nan mujuonu malunŋ na nba tan saa di buont. ²⁹ Mujuonu malunŋ na i gbenn yuo nba, kpanbak nan bin nba kul be lenŋ din tuu pɔl b duna e k gbaan fabin, ³⁰ k kpanbal Esekia nan saak a b din tuu yet lefiit nba na a biijiantl yonmdaanɔ yennu nan daafiit nan sɔkni Asaaf maan. k b din tuu jiantl nan kpinkpanmuk o k gbaa k tiib. ³¹ K Esekias pak maan k yet a: mɔtana i jii i mɔnŋ k tul yonmdanua waa, baat man nan i piini na yonmdaanɔ ŋaak ni k mann malunŋ k tul'ɔ niipuok. k niib na baal nan piini k mann malunŋ k l tie niipotulu. k binba pal ni din yien na din mann mujuonu malunŋ. ³² Niib na nba din jii linba k mann mujuonu malunŋ din tie nei kobik nan piinlole, nan pejaii kobik nan pebis kobi ŋanle. piini na kul din mann mujuonu malunŋo. ³³ Niib na bia din baal nan najaii kobi ŋanluob nan petit tussa ŋantaa. ³⁴ ŋaan mantieb na din ki yab, b kua din fit kɔt bonkobit na kul, b ninjanm lefiit nba din somitib nan tuona kaka nan tuna nba tan gbenn ; k sua k mantieb na mun ŋam b mɔnŋ k pukinm. K lefiit nba na din yet b monŋ ŋammu paak k gal mantieb na. ³⁵ k mann mujuonu nipotulu malunŋ din tu yab bopnciann , k niipotulu kpapana nba din tuu nyi nat ni mun ya, k manntieb na n muan.N nae k yennu ŋaak ni tuona di tie. ³⁶ Esekias nan u niib na din mɔk kpinkpanmuk nan yennu nba din kaan u niib fannu bannu nba na , k l bont din kpil e k tien.