8 ¹ Ouissi Zezu a houla ou kwá mbokou, boutsé boua balé ba hiudjè augo. ² Moto wa bédjima aya ihounaka mabongo ô boho bouédjí n'isso hotée: " Kouamè, itsé ô nono ongouè sèni haka mè." ³ Zezu a gnabè obôh édji y? agwa pita moto a ponga. Ataudâh augo tée : "mahaka, idjaka pou : "Ossatétè, bédjima té bia magna augo ogno. ⁶ Oussi ya Zezy a louassa o poss ya ba banga té caperraú'm, moto a kolo matoulou a loa ikoumètsè augo. ⁵ A bondôh augo n'itandah té: "kouh ame ndjazi moamè moadjé hébia o kaho y'élongwè na lokata bwa yékana augo boutsé. ⁷ "M'éloaka MBOK' obèh mabi hakaka augo." ⁸ Ndé moto a kolo matoulou atandah n'édji tée; "kouh amè mambo tée obi kwéyaka o longwè amè tandaka okayi ékana y'écko ndjazi moamè moabi yongaka. ⁹ Bossina boua madji honlet mayo ka mapéko ma komandah awè mè, na namè m'adjé n'ymiamè méhonlet mia matandâh manéké oussi ya massoho na moko tée yaka aya. ¹⁰ Ognaté yi yokaka augo, Zezu ayétsè bango boutsé y'angwa tándâh na bato ba hiudjèssè augo, matandâh bihi mombôh, na bia isráél mata yènè bato badji n'iboukouè boutsé, mayonga yènè bato idjaka na matémaugué o ngolo amè, madja ndéka yènè moto amouwè gnolo édji na namè. ¹¹ Matandah bihi tée, boutsé béyakassa n'épèyi obèh wa mouadi na ya yaugauè ya baugoué djakassa hinssi o taboulou baugo na ba Abraham, isaac na Jacob ô mongo moadji bikôh. ¹² Ndé bana ba mongo moua zambe, bélaka bango ô hèndjè, ô poundou bia bango bé ngouéyaka na iiyaka minon." ¹³ Zezu a soho na moto a kolo mataulou tée; "Loaka! yobèh ô mou mèmè, ya djatsé na nobè nè." ya ndjazi moa koumè ndonga ollomo étè. ¹⁴ Oussi ya Zezu a poundâh ô longwè ya Pierre adjassa ô djakona embangagna. ¹⁵ Zezu abandâh augo n'obôh, embagagna tée ya hiya; y'agoua yémoa n;y komaka idjazaka n'édji. ¹⁶ Ikôh dja ya, baya, na embatsè ya loupou ya bata badjassa ngambala na békokoyi byi bébé omangno, n'iyoko djèko, a pépa békokoyi bia hadjè, n'ihaka mépoôh." ngo mia hadjè. ¹⁷ N'émbêtèh, iyoko djè dja ntotsi moa koumah tèe Esaie, dja soho tèe, "ékwa na n'édji mémpongo mia mini, yangwa bêpêh na makohôh." ¹⁸ Issi ya Zezu a yènè bato boutsé ba baha augo, awè éyindah na bayélélé bédji iyékanaka yènè ya Zoa ya Galilèe. ¹⁹ Ayènè auwaté scribe aya bia augo adji n'issohôh n'édji tée:: "Londji mouaho méhiudjètsè obèh massi mahadjè moloaka." ²⁰ Zezu a houdjè n'édji tée, ba ngagna bangoué na miéka, bognodji bouaugoué na malaunbou ndé moana nà moto ndéka n'issi y'angoué yokokôh. ²¹ Ouwaté wa bayélélé bédji a solio n'édji tée: Landji djikaka mè mabi loa ihodjètsè huagouè amè. ²² Eté ya Zezu a haudjè n'édji tée: hiudjetsè mè djikaka bato ba wéwé ba hodjètsé bato b'augo. ²⁴ issa Zezu a hakama oukoua éyazi. Bayélélé bédji tée bahiudjè augo. ²³ Ellomo dnèka ematsi ya ngongo té ya yémoa ô zoa y'inènè, ya mpopa moaya oukoua éyazi ndé Zézu adjassa ou yôh. ²⁵ Bayélélé bédji baya bia augo adji ni yémouè ango n'issohôh tè, yondjètsè bêhè, "Londi moahô bangouè iwaka!" ²⁶ Zezu a soho na bango tée, ya bia longo ndé, "bato ba ndéka iboukouè boutsé?" été ya ango a yémoa n'issoho na ngongo na pizo, na Zoa ya matsémba na biaugo idjaka wayoh. ²⁷ Bayélélé bahadiè badjassa houmôh n'iyènè ngambala na bango itaudah, abéh ndjanga moua moto maua wé, tée mengongo na ma zoa minènè ba yoka augo?" ²⁸ Issi ya Zezu aya bia yénè épèyi na ô mongo moua bá badji na békokoyi bia ménkoukou mibébé miaya itakanaka na Nédji; miaya opangabéhanda ya bango badjassa na boua boutsé, ndéka na moto a yékana oussi mènè yè. ²⁹ Ya bango bahotanga biotsé n'issoho tée, yobè ohaka na bèhè ndè, mwana wa zambe o mouya biyétè iwètsè bèhè bongo ellomo iyaho ndéka koka?" ³¹ Y'adjassa na éllomo o katé embatsi y'idjanoa dja ba ngoulou bahaka ssa madjah mango. ³⁰ Menkoukou mibébé mia bonolongo Zezu n'issoho tée : itsé ohaka ipépaka bèhè, lomaka bèhè mombôh oudjanga dja bangoulou." ³² Zezu a soho na bango tée: Louaka! Menkoukoumia poundâh n'ikwéya omagno ma bangaulou; ossatétè, idjanda dja hadjè dja soukaua méhoula ou ko dja soukoua méhoula ou ko dja ibété ô katto ya Zoa babapa o katto ya nso. ³³ Bato bakolosso bangoulou balango, baloa bia épass, ya bango batanda nda yango ya yékanassa na bato baménkoukou mia djassa ilongaka. ³⁴ Okaté, bate bahadjè badja o poss ba poundâh iyaka itakanaka na Zezu. Oussi ya baugo bayènè augo, bahumoa ango imagnaka Epèyi ya mongôh moango.