6 ¹ Bya ngwa kolo mapeko mambe o boho bwa bato , iyenetse bihi n'imwate djanga , na bosina mene bia djidja na huta o boho bwa hangw'abihi a dja biko. ² Is i yo we moto emba, ndeka peka mwendje,nda bato ba mela meba o kato ba synagogue.Mombo matanda bihi bekume mahuta m'Ango. ³ Nde bihi ndeka peka nda bango, usa bwa we n'tende emba weke uswe ,bane ndeka yene. ⁴ Use bya we moyo ahe ndeka yeba ete Hongwe adji uko ni yene , ehutak'obe. ⁵ Usa bya bondo ndeka dja nda bato bA hele magno, bosina te bango ba nono ibondoko metete o b'elongwe bya mabondo, na o mehoko mya me ndjo, te bato ba yenetse bango nde mombo matanda bihi bekwa yango ngabo. ⁶ Nd'obe uso bondongo , kweyaka o doko obe djibaka itulu,bondoko Hangw'obe a dja uswe , ete hongwe angwa yene bemba yo himwa uswe ,ewetse obe iyobe ngabo. ⁷ Iso bondo ndeka budje iyoko nda bato ba hendje , ba temanga te, uso ba soho butse Zambe abi yakak'obe. ⁸ Bosina mene ndeka dja na ndjanga mwango, bosina te ⁹ Hangwa bihi angwa yeba emba ya bia himwa nedji,boho na bihi himwaka . Nde bihi bondoko nate : Hangwa ho obe b"iko djino djobe ba sometse django. ¹⁰ kum'obe ya pwatse masi ma hadje . Bemba bio nono ba pekake biango o hehe te nda ba peka biango b'iko ¹¹ Wetse dehe madja maho miya mahadje. ¹² Djetse behe mesembe nda djetse bato ba peka behe bobe ¹³ . Ndeka nono te ba hizetse behe o mesembe ni kambetse behe o bobe . ¹⁴ Yenetse bato babeka bihi bobe tseyi ete Hangwe bihi adji b'iko e djeleke bihi mesembe . ¹⁵ Wene bihi ndeka yene bane tseyi ; Hangwe mwadji yene na bihi tseyi. ¹⁶ Usa bia peka za ya mabondo , ndeka dja na bohilo nda bato ba melema meba, bakota boho iheleke bato te bangwe o za ya mabondo ,mombo matanda bihi be pumbwa mahuta m'ango. ¹⁷ Usa bia peka za ya mabondo, lundaka madji omolo, pubetse te na boho. ¹⁸ Bosina bato bedjaka ndeka yeba t' odje o za,hanwe obe uswe ango mene a yeba, abi hutak'obe. ¹⁹ Ndeka haka bokumani bwa hehe, bwa ba baha na mbombo ba hema na ba hiba ba hiba. ²⁰ Itse bihi ndeka beka ne,bihi hakaka bokumani bw'iko bwa mbombo ,ba baha taka gneni hema, na ba hiba ndeka kusi hiba. ²¹ Usya bokani bwobe bwa lema mwobe mwang'okate. ²² Djyo djangwe mwinda mwa gno.Wene djyo djangwe bohu, gno ya hadje ye djaka fuwa n'iyehehe. ²³ Wene djyo djadje bobe gno ya hadje ya dje opundu. ²⁴ Ndeka moto e gnedi djaza ba kukuma baba ukus'eko, bosina te ; e nonoko moko, ete endjigneke uwate, edjazaka na moko na lema mwedji mwa hadje, ete na uwate edjazaka na melema meba, bihi ndeka gneni djaza Zambe, na bokumani. ²⁵ Bosina bwa ba ngo te; ndeka yene ebebe ya ndonga ya bihi, ya madja m'idjaka , mekanda m'ihalaka? ²⁶ Taka bognodji b'iko, bakone n'isodjeke madja ma bangwa kona o mola, Hangw'abihi wu ko a bongwa bango.Bya tsa yeka bango? ²⁷ Egneni gnabie bana miya na ma temange medji za? ²⁸ Nde ya bya temanga nde? mekanda ? Taka bulu bwa ma kuba nda bwango bwa nene, bwa djaze, bwa late mekanda. ²⁹ Nde ma tanda bihi te na salomon okume ya hadje , adjasa teka me halo nda moto o panga bango. ³⁰ Wene Zambe a hadje bulu bwadjo makuba ma mwehe ete yana bahudje o djyo, bosina bwa nde bwa ngwe djaka ndeka huyidje bihi, bato ba mabukwe toka ³¹ Ndeka temanga ni soho te,yabe djaka nde we?Yabe mwaka nde we?Yabe halaka nde we? ³² Bemba bie a haka biango bato ba teka yeba Zambe. ³³ Hakaka boho mboka ya Zambe na hongololo, ete bine bemba abi wetse bihi biango. ³⁴ Taka dja n'ebebe ya yana, yana y'ehunaka ibedji bemba ,buya n iyedji mbepu.