5 ¹ Ousi ya Zezi a yenè tche loupou dja bato djè yango a beta okwa mboko ni houlaka. Ba yélélé béni ba kobié ango. ² A soho ni londjètchè bango a tanda té: ³ Nichembou moa dji na batoa ba dji ndewa ekoukyi ya pô, bosina té mongo moa zambe, moadjé moango ⁴ nitchembou moa ngwè na bato badjio malèbou, bosina té babi naoga ya mbê mbê. ⁵ Nitchembou moa ngwè na bato badji camou, bango be djaka na ntotou moa hédjè etè. ⁶ Natchembou moa ngwè na bato ba dji na zah. Né engo ngoyi ya mpambou mwi iyoko dja zambé, bosina té bango be hoûlaka. ⁷ Ntchembou moa ngwè na ba yénè bato théyi, bango be kwaka manza ma mbê. ⁸ Ntchembou nwa nbwè na bato badji na melema mia mbê, bosina té bango be yénè tchè zambé. ⁹ Ntchembou moa ngwè na bato ba haka itabou dja mbè, bosina té be bangaka bango bana ba zambé. ¹⁰ Ntchembou moa ngwè na bato ba mama na bosina bwa pabou moa iyoo dja zambé, mongo moa zambé moa dji na bango. ¹¹ Ntchembou moa djé na bihi ousi ya bato ba lowa bihi ni nde ndjè tchè bihi, ni hàtchè tchè bighi mambo ma bébé na bosina bwa mè. ¹² Tchebakaye na ntchembou mda mbè boutché, bosina ma hoùta ma bi ma ngwè bonèné bi ikôh nde ya djé bato ba ndenguiè sè mintotchi mia dja sa boho boho na bango. ¹³ Nda matchemba madji na bouambê, yango nda bié djaka na mongoh ndé Isi ya matchemba ma la pê bonhou bouédji, minè be bekaka na houwanaa ivoudjé tchê mango bonhon? Yabé ndeka mini bonhou na hongo lolo ni faka idia ngou boutché na bato. ¹⁴ Emba ya modji mwa beka na bato o poundou, yango nda bie be bekaka o mongo. Eposi ya mou longou bwè okwa mbokou, ya kousi dja ndeka yénou bwè. ¹⁵ yango nda bato ba yodjebè lambi idji kaka o héhé ya loumbou badika yango ou kwa emba bosina mouedji itatchê tchê bato badji o ologwè ba hadjê. ¹⁶ étê mènè yi ikôh, nda modji moa yonga oboho bwa bato, bango iyene tchè bonhou bwa bia beka, etè bayeba beboka bi issomè tchê awgwè a bi adja bi ikôh. ¹⁷ Ndeka mboukwè té ma moa ya idélé tchè mapeko ma mintotchi, imè, mata ya idjélè tchè, ndé ma mou ya ibekaka. ¹⁸ Mombòh, ma tanga bigi ousi ya ikòh na héhé be himoaka boutché, ndeka na moin emba moakò ni yaté emba ye diaka ndeka magna o peko. ¹⁹ Ousi mènè, moto e djélèltchè mwa komadima ousi ki ni hélétchê ibate ibe kaka you mènè, ediaka moa moto ou siki o mongo mwa zamb see é b'ikôh. Ndé a beka ni héletchê ibaté ibekaka you mèné, abi diaka bonéné bia mongo mwa zambé b'ikôh. ²⁰ Ma tanda bitché biangwè hongololo ndeka ekana hongololo wa ba scribes na ba pharisiens, bia kousi kwéya o mongo mwa zambé b'ikòh. ²¹ Bia dja bie yoa nda ba soho na bato ba boho boho, modji bomaka sa moto, moto nde moto eromaka mws gna ngwè, adjé gnê ali loaka o mpabou oboho bwa zambé. ²² Ndé himè ma tanda bité : moto ndé moto ediaka ni iboukou na mwa gna ngwè édji, a toko lwa o mpaboli mwa zambé, na moto a tanda mwa gna ngwè: obè ezézé otoko lwa o mpa bou o boho bwa bato ba paba mambô. moto ndé moto ango a tandá" Obè ézézé, otoko lwa o wéya ya ibéka." ²³ You mènè, itché oya nabe wéwé o lwango azambé, oye bwa té mwa gnoao ngwè angwè na ngamou ya mateman gué ma bébé na nobè. ²⁴ Djikaka ousè be wèwè biobe oboho bwa isi ya ba tanda iyoko dja zambé, étè olwa iyokanaka bihi na moa gnon gwè, iyako wètchê be bêwê biobè. ²⁵ djaka o bwé dji o saté té na moto a mou ouna obè ousi ya bia ne tchê na péyi iloaka o pabou, ou sè moto a mou ouna obè e wêtchê obè ma motoa paba mambo, na moto a paba mambo e wêtchè obè bia baholè badji étè bafa obè o ndjokôh. ²⁶ Yeba katé i iché o ndjoko, mouwsi pounda sa bosina té mo nkousi voudjè mentoundou mia hadjê mio mou kwa na bato ya yenga na moto a paba mambo. Djaka lema ni Itabu, bihi na ba gna n gwè bobè. ²⁷ Bia dja be yoka té njeka beka ma mba mbaka. ²⁸ Ndé ma tanda bihi té moto ndé moto etaka mo hinto ni hioaka ango imbaka na moa hinto wè olema moedji. ²⁹ Intché djiho djobè dja loma obè ibekaka messembè, odièlè django, été ofa bopama na nobè bohong otè, obè, epahi gnou ekôh ya hé manatché, ndé té gnou ya hadjé be faka yango o wéya. ³⁰ Intché oboh bê dja loma obè ibe bekaka messembe, odièlè ango, yabé bohongté epahi ya gnou obè ekôu ya hemanatché, ndé té gnou yahàdjè be faka yango o wéya. ³¹ Ba tanda sa okaté té moto ndé moto a pepa moadji, a wè ango ikayi ya teni ya boba. ³² Ndé ma tanga bihi té moto ndé moto é hidiè tchè boba bango na moadji, ba dièlè sina ya ma mbaka ya beka ango ma mbambaka ndé moto ndé moto a kwa ango oboba o mbiya boba bwa boho na nédji é beka ma mbambaka. ³³ I yaké ekousi biadja bié yoka ma tanda té mé nkou nkol mia mini ous ya bia bessé oboh oukôh, mèmè ni soho ko o dinon dja zambé. Ba wè ango isi ya bokani. ³⁴ Okaté ma tanda bihi ndeka mèmè né emba né emba b'ikòh, bosina té yadjé mboka ya zambé. ³⁵ Ndé héhé ya djé isi ya zambé a landa o héhé ya djé Isi ya zambé a landa o héhé ya makô ma zambé. Habé bia Jerudalem, bosina té yabé eposi ya néni mou néné. ³⁶ Okaté na bihi ndeka mènè na miolôh mia bi méné, ni tanga katé be lenaka mia bèhè intché bihi ndeka wè ango boani bosina té ndeka wè ango bokani bosina té ndeka gnè ni kalouètchè ndjanga mwa vohé ya bi. ³⁷ Ousi ya bia soho iyoko dja bihi, dja djé dja mombôh. mombôh mombôh ndé mombòh. Ndé mama. Bia ba hâtché, bia djé bia diaboulou. ³⁹ Bia moudjé yoa té : dihò na dihò ndé dinon na dinon. ³⁸ Ndé mè, ma tanda bihi ndeka diela na moto adji bobé, iyaté ndé moto ndé moto a hàzè obè ibaba o i moukou dja o boh bwa hangwè. Wètchê ango ni djinè imoukou. ⁴⁰ Intché moto a haka obè mambo yi koaka kanda mobè, dikaka ango a koa tché ni moaté kanda. ⁴¹ Intché hônlé a tanda obè ni landa ka nédji, Landa ka boutché n negji. ⁴² Wètché moto a himoa obè, ndeka beni wètchê moto emba ya ango himoa obè. ⁴⁵ Bie sè yoka ba soho soté: nonon ko moa gnon gwè èto bena moto a dji nojingnè obè. Ndé mè tanda bité: Nonontchè moto a ndjingnè obè. ⁴⁴ Ndé mè ma tanda bité ; Nonontchè moto a ndingnè obè, bondoko o bato ba ndendjè bihi. ⁴³ Ousi mènè, bié kalouètchê bana ba hangwè a bihi adji ikòh. A yémoué yoyi oukuwa bato ba bonou na bi bébé a loma mbouwa oukwa bato ba hongololo na bato bi bébé. ⁴⁸ Intché bia nonon bato ba nonon bihi, emba ya mbè ya bie koumouè tchè okaté ndé? Nde na bakwiba boolila ba beka nè. Bia dji gnè ni yekaka bango. ⁴⁷ Intché bia sossa bana gna ngwè, ba bihi okaté, yango yabia djé gnè ni bekaka ndé? Na bato banoeka heba zambé ba beka na? ⁴⁶ Djaka yi bato ba mbè nda hangnè a bihi adji ikôh.