11 ¹ Usa Zezi a hidjese iweke maheya na ba yelele bedji djohu na baba ,ango a lwa n'ilomgoko ni tandaka iyoko dhja zambe o be posi. ² Zan batise o ndjoko ayokasa ma poko ma moto wa Zambe a lomasa , a loma itundu na ba yelele bedji. ³ Ba himwa ango te,odje moto wa boka , kate ba bokatse uwate? ⁴ Zezi a kalwe na bango te ;luakayi ete bya tanda na zan ya bia mo yene na ya bya muyoka. ⁵ Bato ba ndjimi ba yene bato makoho ba djonga , bedjima behakubwe ba malo tsi ba yoka me nkina mwa soho, bato ba wewe ba yemwa,lupu dja bato dja yokasa , dja ya iyokaka iyoko dja Zambe. ⁶ Embambe usa moto edjaka ndeka tuwa na bosina bwabe. ⁷ Usa bato ba mayasa usi mene,Zezi a soho na lupu dja bato bosina bwa Zan ;ya bia iyenetse o bongo nde ?edjitsi ya djonga na ngongo. ⁸ Okate bie yenga iyenetse ?Moto a mohola mekanda mia mbe ?Taka bia hala mekanda mia mbe badja o belongwe bia me neni. ⁹ Okate luako yebetse .Itotsi? Use matanda bihi adje eyeka ba longui. ¹⁰ Ango waba mukwelete meloma itotsi mwame o boho bwobe , iyebetse obe peyi. ¹² Matanda bihi mombo o panga ba djibwe na mwahito ndeka moto a yeka Zan,nde moto wi nene o mongo mwa Zambe a yeka ango. ¹¹ O sondi ya Zan ,no mwehe mute , o mongo mwa Zambe ¹³ Metotsi miahadje na ma makeko ma Zambe ba yenne te wa , bia ¹⁴ Zan dji. Wene bya haka sosa ango, taka eli, ango amu ya. ¹⁵ Adji na malo m'yokaka , a yokatse. ¹⁷ Wa mina gneni gneka mwanga mute na nedji za? Badje nda bana ba tse botsa o isya ikasa ,badji mehisi etse ba potanga biotse bahadje. ¹⁶ Ete ba soho te; behodje bihi sezeze, bihi ndeka bina.Beyemba bihi beboka ,bihi ndeka tatuba. ¹⁸ Zan yasa teka dja tobe, na teka mwa maku, ya bango soho te; angwe na djabulu . ¹⁹ Mwana Zambe aya ni djaka , ni wanka,bango te,takayi a dja madja ni wanka maku nde taba , mwagnangwe wa bakwe ba bokula na bato ba mesembe,a djasa na botsengu o bemba biangwa bekakasa. ²⁰ Zezi a beka ba sitse o beposi biangwa bekasa mayambala bosina biango adjasa ndeka saze melema . ²¹ Bobe bwobe , chorazin! Bobe bwobe bethsaida!Ndi bekasa mayambala mate oh! Tyr na sidon mbetse be hala ebombo etse ba sita ikuhu . ²² Nde obuya bw'ipabo, beposi biya tyr na sidon ebandaka biango obwedji ni tsetsetse biango habe nda bihi. ²³ Nde obe carpenaum otemanga tse bane be bondokobe ,te wa uso betaka uko?Himama ohulaka o hehe;mapeko mate ndi bekasa o sodome mbetse sodome a djase kalua ete a tsitsi kolo bemba mene te wa mwehe. ²⁴ Nde matanda bihi , yango djasobwedji na mongo mwa sodomeo buya bwi paba ndo be, nde biata hidje na mesembe . Zambe epabaka moto u bebe adji o sodome , obe bepabaka obe butse amene. ²⁵ Opanga mene Zezi a kwa iyoko ete a sotse: Mabond'obe Zambe hangwe iko na wa hehe bosinatse o hodje bemba bite na bato badji na botsengu bu nene etso he, biango na badji ndeka yeba bemba na bana. ²⁶ Mombo Zambe hangwe ,oyene bemba mene bie obwedji. ²⁷ Hangw'ame ewe me bemba bie bia hedje ,ndeka moto a mbitsi yeba Zambe a mwana , etse na moto wa Zambe a muana ehelets'obe gno. ²⁸ Yakayi bia mbok'ame ,bihi bie damba na bemba bia bodjilo me wetse bihi iyoke dja mbe. ²⁹ Kwakayi mbembu ame ya leholeho etse bia yoka ma ndoso mame bosinatse ilema mwame mwang'we mbe etse bie kumetse iyoko dja ekokoyi. ³⁰ Mbetse mbepu ame yang'we leholeho.