DCS-Mirror-parfait-ayanou_dic_1ti_text

1 Timothée 2

¹ Esoihê ésa dine, fionh sè kâ bhô anô boubié, bloubié lèka déné, wraléliné, yalé bhô wagnéliné, ² Gnébhéléa éyaclékô kôwan bhô sê aka popoua ôyôkou wontorli nikô kognou gloliné aya klékpané. ³ Enané ni ékôla klékpané. LAGÔ agnagbô sognon déli. ⁴ Or wagba agnébhô ani vali sè aka yibéléli énoiwrè né ko. ⁵ Massa LAGÔ léblô or lèlô LAGÔ ya yalèni le ̀wlouwlalègnon ghôwa JESUS CHRISTHI gnonkpô liô, ⁶ Titi ô sala oyi yalèbhô za éléla tagnéni lè danofè lili. ⁷ Lilina égnéniliza léléla plitignô aya galègnon élèpé noiwrè ni éwlé lolo .Djoli gniôwô gbêtchâ wa néla kôgnongôléa potêtêni éya noiwlè ni ⁸ Ewagbê yalè bhoublié dabhô, ⁹ wa bhô kplôkplô wrékô énégbhôgbhénè aya êh nè plèmlèlinè êh mlôni éwa gba wrien plananô mion kplôlini awa tchétchê ni awa kapakapa gnéwli assèkô dré ha awa gnokoué éh pèlo têla. ¹⁰ Ma wa zobha yôkou lôgba sè wonnon wa nèla potêtê lôbhô. ¹¹ Efata gbê wlonnon ôtéliko sôr tchiâ ôh yi doko lali. ¹² Egnien wlonnon djôligbô tchâ ani sor ka woudouhô têtêkô fâ, ma ni ôtéli kôkôkô. ¹³ Massa Adamô ôr wa nôtè ni Evô djéda. ¹⁴ Eni Adamô ôr vané gbèyralinéfa ma wlonnon ôr gbêyralignê ni, ni ôh lélé gnégninô wlonnon. ¹⁵ Ezani ôr léla anon, sè gbonissiôrlia gnénilôr.Ôr ka potêtê ka ,walô êh ya kplôli.