DCS-Mirror-parfait-ayanou_dic_1ti_text

1 Timothée 3

¹ Dalè wêlia li tchri, gnôkpô ca nougbê ôca évèquililè, ômlatê loumlinané. ² Ifatagbè évèquia guiglalicou, ouhlon mlou ôgnitou, ôgbalacô, nanila, cala wègoygoué nanè, ôyala, ni ôyilamini ni ôyila tcha. ³ Ôza noun mla, zôgblignon lilu, ma ôvals, cala pôwôtê,ôlala wèli wèli. ⁴ Ôyina ôsréacla,sè ôwoua lawayidouco sè wa zou. ⁵ Massè gnôkpô ni ôyilèsré classè yini, issè ôyina LAGÔ paloucla? ⁶ Ini fata gbè ôlili côtchô gnon léliou, massè îca néhini coulèli couyé, îtica dévlè ôtitiplaliani mlili. ⁷ Ifata gba, ôni glogou lè̀houan wa danounfawèli nani, sèwa tica ziéni mlili aya dévḱ ôgbéssia ni. ⁸ Plitiouhan ma socodou, wa guiglalècoy, sè wa troumalia mli wayi lè zoumolèli, kpagnilè noun ya gnêkpêlè lilili. ⁹ Wayi nouwlè wloulèla pôtêtêni cali ya digali tchri. ¹⁰ Wayi fion gbini yriô, sè wacana LAGÔ lomlolia nou, waca wèli yocou falèlia mloa cluicou cou. ¹¹ Ouhlia ma socodouni, wayi couguiglali inica gn̂mlêlini, wayralèla kpagni, wananilèla bamloani. ¹² Plilihouwan yi ouhlou mlou ôguitou lèli, ni yi ôyiga ôwouo clui wlé, aya wayiga wasri. ¹³ Massè wagougloualanani, coulè dônon nanouni, aya pôtêtêani plècoumènô cadou cali JESUS CHRISTHI ni. ¹⁴ Iziémon lini, couliani, massè iyicamô yili quéyi, ¹⁵ Ma îcassa yimlèlè gba, ica mlô glèlèni, sè cala néhi LAGÔ ôsréani cla, ilila LAGÔ coula ôpalou,coucoli,ya nouawlè coukpafialèli. ¹⁶ Ya gbôssa aca ayi gnê gbê: LAGÔ lomloli ali couzilili, ônouliôla yêquêni, siôlê wougônizô, imladri ouhan nila yocou, loupi LAGÔ wêli poupoua nédi icou ziôla poupouani cô, mliou cloua gbanicou.