DCS-Mirror-parfait-ayanou_dic_1ti_text

1 Timothée 1

¹ Pôlou;Jésus Chrissi ôh apotroua,agna gboussagnon Lagôh ôdjoliani,aya Jésus Chrissi agna plècoutèlègnon, ² Timothée, na pôtêtê nouawlê you. Anzi, vali aya poupoué comôcou Ato Lagôh ya Jésus Chrissi agna gbossagnôani. ³ Idjilada issoloulamon fion sè icalana Macédoini mli,tiou Ephêsi ma sè inougbè ayali ômôa ti yigada wèli tcha. ⁴ mlamlouwèlia, ni yalini wloulèli nila gbincouca ilila gbagnô gbalia iwloulèladani ifalèla pôtêani Lagôh loumlia cluicou. ⁵ Ma ilila calilia, walou wloulèla mlômlô pôlènimô,wêgougoué nanè,aya pôtêtê nanêni. ⁶ Mloumlouhouan tali dalèliagni,ni watioula sècoulè gbagnon gbalini. ⁷ Wawagba waca djréma tcha,ni wanou èwagbala,ni sè wa nèlazô. ⁸ Ma ayissagbè djréma nanni,ica ah bêcounou nâni noulizamô. ⁹ Ni ayimlélé gba djréma ni cougnrougouli houan zaniô,ma wagnoulaniaya gnèkpamlahouan, wala cougnrougoulè,aya gnègni nouhan,wamlèla palouzô,waloupila wênani,wanèla gnèkpa mlali,gnêkpa mlahouan. ¹⁰ inilanani,wa sélila wagni,gnêkpayrihouan,inila tchalinani li, ¹¹ wèlinanini,îh Lagôh gnêlaôcô. ¹² Ni igougougbè agna Clouégnon Jésus Chrissi ômliala ouhn massè ôgnénioun na,ni ôtitilahoun dalènounougbia, ¹³ Ahoun gôgômla toutou gnégni nougnon ay zôgbli gn̂okpo. Ma ini anzini nili massè iniyinlèlè liani. ¹⁴ Ma agnan Clégnon ôhanzinili iziôlèla pôtêtêani, aya JESUS CHRISSI ôwalouani. ¹⁶ Dalè loupiwêlia litchini, ni ivouziô tchricô gba JESUS CHRISI yi poupouani sè ôca gnêgninouhan gbounissa, ôtchri ilila. ¹⁵ Iza, ini vali, sè JESUS CHRISSI cahoun têcagnon counou. Couliamloa sè ica yrigbagalè gnon lili, wayi lô plècou telê loucou ya louco lè poupouaza. ¹⁷ Loucô loucô gnêmlèla môgnon coula, ni inioûla yocou, LAGÔ mlougbi, lili nanouli, ya cloagba, louco ya loucini.Icoussè! ¹⁸ Clouéli ignêlamôn,Timothée, nayou, iwloulèla naza massi paliani, sè ica tounanoua goui; ¹⁹ Pôtêtê caliliani aya digali nani. Mlou mlou yali lio doucou, aya watilô pôtêtêa za douco. ²⁰ Wani, Hyménée ya Alexandri couwani, wa izoulèla dévlécôli pèlou, sè waca teha sa wali gnégninou.