¹ Le ŋkeke xɔn wo mea,ameha gbogbo ɖewo va,nuɖe ŋdeli wola ɖuo.Yesu yɔ nukplanviwo tonɔ wo be: ² Axun dɔmɛ trɔ ɖɔ ameha ŋtí;ɖo ŋkeke tɔn ke wo lé gbɔn nyé ,vɔ o ŋdé ɖu ŋɖekpikpi ó. ³ Né ó djó enu maɖu maɖua,ŋsɛn la vɔ dowó le mɔdji,ɖo amesugbɔ so djidji xoe le wó domé. ⁴ Nukplanviwó ɖo ŋtí ní bé:fiɖé mila kpɔ ŋdudu lé le zogbé yɛ dji nɔn wó? ⁵ wo bé,bolo nɛn ní yi le miashí?ó bé amadrɛ. Eto né ameha wó bé ó né nɔn anyí ɖó anyigban. ⁶ E sɔ bolo amadrɛ lɔ yí i do gbéɖa ɖó ta,esɔɛ na yó nukplanviwó yí wo mi na amehawó. ⁷ Lánví víɖé tsan le wo shi,e do gbeɖá ɖó ta yi í sɔɛ na nukplanviwó bé wóa mí nɔn amehawó. ⁸ Ameha lɔ ɖu nu yí xodo ɖɔ wó.Ŋdudu kíshí wuíve kpáta kpɔ tɔ. ⁹ Me tsí wó nɔn xɔn gá xɔn me lɔ,wo hɛnhlɛn me nyí kave takpó texoé ameka(5OOO).Yesu to nɔ wo bé wo né yí axome. ¹⁰ Yesu ɖó tɔdji hun me kudo yo nukplanvíwo yí wo yí texoé tsí wo yɔ nɔn be Dalmanutha. ¹¹ Falisitɔwo va gbɔ yí o biɔɛ bé ne wá djeshi ɖé ne yewo ku susu be ye woa duí kpɔ. ¹² Yesu nya wó susu yí í to nɔwó be:ŋde ŋtí djidji meyɛ le djeshi biɔ wɔ?le nyáwó toto mea,nye ŋda wá djeshi ɖekpikpi nɔn míɔ. ¹³ Yí ída shi wo.Eɖo tɔdji hun me ke yí i yi tɔ lɔ go xɔn ɖá me. ¹⁴ Nukplanviwó ŋlɔn be o dé sɔ bolo ɖó ŋtío.Bolo ɖeka kpoé nɔn hun lɔ me. ¹⁵ E klan wó be wó ne kpɔ wó ɖokú djí nyui ɖe le falisitɔwo kudo Herodi yo isi(kpɔnnɔn tsike)ŋtí. ¹⁶ Nukplanviwo to nɔn wó nono wó be,eto nenɛn ŋtí ŋti lɔ mi ŋdé sɔ bolo. ¹⁷ Yesu nya yí i to nowó be:ŋde ŋtí mi le totoɔ be tsi yewo ŋde sɔ bolo yi wá ŋtó nene ɖó?Mi ŋkpɔ nya ló?Mi ŋkpɔ se gɔn me ló?miá dji tri yá? ¹⁸ Ŋkuví le mia shí,mi ŋlé nu kpɔ ɔ ló?Eto le mia shí,míŋ senɔ nu ló?Miŋ se nɔ nu gɔn me ló? ¹⁹ Etsi me ŋsɔ bolo amatɔn yí ame kave takpo texɔé ameka(5OOO)wo ɖu lɔ,bolo nɛní yi kpɔtɔ?Wo ɖó ŋti ní bé,wuívé. ²⁰ Tsi ŋuŋɛ bolo amandrɛ ɖó amé kavetakpo texoé gban nu lɔ,kishi néni yí kpɔ tɔ?Wo ɖo ŋtí be amadrɛ. ²¹ Eto nɔnwó bé mi ŋkpɔ se gɔn me ló? ²² Wó yí betɛzda.Wo kplɔ ŋkuví gbangban tɔ deka va gbɔ bé ne dó gbeɖa ɖɔ ta. ²³ Yesu kplɔ ŋkuvi gbangban tɔ lɔ yí eduɔ lɔ godo.Etu tan sɔ lili ŋkuví dji ni yí í dɔ alɔ ɖó djí,ebúɛ be o lé ŋɖe kpɔ ɔa? ²⁴ E kɔ ŋme yídi yí í be:Ŋ le amewo kpɔ ɔ vɔ wó ɖí ati tiwo le zɔnzɔn kɔ. ²⁵ E gbe sɔ alɔ sɔ daɖó yo ŋkuvi dji,yi í na be ekpɔ nu,yi í kpɔ nu nyú ɖé. ²⁶ Yesu dúí mɔ yí í to ni be:Ŋgbe yí edjuɔ meo. ²⁷ Yesu kudo yo nukplanviwo djo le xɔn be yewa yí edju tsi me oyɔ be sezaré.Le mɔ lɔ djía,ebiɔ wo se be:meɖe amo wo tonɔn be ŋnyí? ²⁸ Wó ɖó ŋti ni be:Ejan ame nyrɔnɖoshime tɔ.Ame buwo tonɔn be Eliya,yí mebuwo tonɔn be Nyɔnnudaɖɛtɔwo dome tɔ ɖeka. ²⁹ E biɔ wo be:Me ɖe miɔwó mi be ŋnyí?Piyɛ ɖo ŋti ní be:Ewoé nyi Klisto. ³⁰ Yesu do se nɔnwó be wo ŋgbe túí nɔn me ɖe kpíkpío ³¹ E fia nuwo yi í to nɔn wo be éhian be ame gbetɔ vilɔ ɖó lá ɖu ayá sougbo.yí ameshinshin wo,vɔsalawo kudo omaŋlɔntɔwó la gbenu le gbɔ,yí ola wúí,vɔ le ŋkeke ametɔn yó ŋgbo domé lɔ,é lá fɔn tóle ame kuku wo domé. ³² E núí nɔn wó bé yé djá ku.Piyɛ kplɔɛ yí azɔgé yí í kan ŋmé ní. ³³ Vɔ Yesu trɔ kan ŋmé né Piyɛ yi í to ní bé,Abosanŋu djo lé gbɔn nyé!Mi ŋdé lé vévé séwo né Mawu yo nuwo,vɔ né amé gbetɔwo tɔ. ³⁴ E yɔ amehá wo kudó yo nukplanviwo yí í to nɔn wó bé:né améɖé bé ya djé yé yomea,né gbénu lé yé ŋtɔ ɖókúí gbɔ,yí ya dro yó atisoga. ³⁵ Mé tsi la djí bé yá ɖé yo gbéa é lá búí,vɔ mé tsi la bu yo gbé ɖo tanyéa kudo ényɔn nyúí lɔ tá lɔ,é la kpɔɛ. ³⁶ Víȡé ŋdé yi lá nyí né amegbetɔ né xíxé yɛ mé nuwo sun shí,vɔ yí bu yo klan? ³⁷ Ŋdé amegbetɔ lá sɔ ȡɔli yo klan? ³⁸ Métsí nu lá kpin ȡó ŋti nyé kudo axun nyɔn ŋtí lé ahashitɔ kudo nuvɔnwalawó djídjí mé yɛ gbɔ lɔ,ame gbetɔ vilɔ tsan lá kpin nu ȡó ŋti,né evá lé etɔlɔ yó ŋti kɔkoé mé kudo Mawu dɔla kɔkoɛ wo.