² Wó kpɔ be Yesu wó nukplanviwó le enuɖuwɔ kudo eɖi, tsi fia be alɔ xoɖi yi wo sɔ ɖunu. ³ Vɔa Frizitɔwó kudo Yudatɔwó keŋkeŋ ŋdé ɖunɔnu, newó ŋde klɔ alɔ blebluó; le ameganxó wó dekɔnuwó ta. ⁴ Ne Farizitɔwó trogbɔ so abɔmea, wó ŋde ɖunɔnu eshimaleo, yi le kɔnu buwó tsan tsio wolenɔbenɔ, shigbe kɔpo, eze, kudo zikpui nuɖuxɔme tɔwó. ⁷ E ɖoŋtsi be: Yezayi nunyɔdaɖɛ so mia yemenuwawa ŋtsi, le enyɔyɛme be:"Ametsɛwó le yɔyɔŋwɔ le numɛ, vɔ wó dji le djidjixue nuŋ. ⁶ Subɔsubɔ tsi wósɔ le nanaŋwɔ lɔ le tótó, yi wole amegbetɔ wó ɖoɖo wa ne woɖekiwó. ⁸ Migbe Mawu wó sewódji wawa yi djo vɛ le agbetɔwó tɔ dji wa kudo vevedodo. ⁹ Yi enu nɔwó be,"migbe Mawu wó se le madjɔmadjɔme yi mi lebene miaŋtɔwó ɖoɖowó! ¹⁰ Moyizi nu be,"bu etɔwo kudo enɔwo" yi,"Ame tsi xo nuxó so tɔlɔ kudo nɔlɔ ŋtsilɔ eku yi dje ni." ¹¹ Vɔ mile nunuwɔ be,"ne ameɖe tonɔ tɔlɔ kudo nɔlɔ be:"Enu tsi me na kpeɖoŋtsio le lɔ yinyi enudjɔdjɔ nɔ Mawu lɔ, ¹² mi nanyigbe zedeka be ŋdagbe kpeɖo etɔlɔ kudo nɔlɔ ŋtsio. ¹³ Mi tutunɔ Mawu wó ɖoɖo kudo tsi miaŋtɔ miɖoanyiwó. Yi mi nɔnɔ nuyɛwó tɔngbe wawɔ. ¹⁴ E gbe yɔ ameɛwó yi nu nɔ wó be:"Miɔwó keŋkeŋ, mise axin nyɔ, nɔ mise yio gɔmɛ". ¹⁵ ŋɖe kpokpui ŋde sonɔ xixenu tsi ɖónɔ amɛmɛ yi xonɔɖio, vɔ tsi só amɛmɛ yi xonɔȡi. ¹⁶ Enu tsi tó só amɛmɛ yi xonɔȡi. ¹⁷ Etsi Yesu djo le ameɛwó gbɔ yi evɛ ȡó axomɛ lɔ; yio nukplavió biɛ lododoɔlɔ wó gɔmeȡeȡe. Yesu tó nɔwó be:"Miŋde kpo sé yio gɔme haȡé lo? ¹⁸ Mi ŋde le kpɔpɔwɔ be enu tsi só xixénu ȡó amɛmɛ ŋde xonɔȡi lo, ¹⁹ enutsiŋtsia ŋde yinɔ amea wó djimeo vɔ eyinɔ yio xodomɛ yí tonɔ le kpagódó. Tó enyɔ hunhun xɔn me lɔ Yesu ȡefia be enuȡuȡu ȡekpokpui ŋtsi kɔ. ²⁰ É tó nɔwó be:"Enu tsi tónɔ le amemɛ lɔ yi xonɔȡi. ²¹ Enuyiŋtsia amɛ yió djime yí susu baȡawó tónɔ só shigbe gbɔdɔndɔn makɔmakɔ, efin finfin, amewuwu, ²² hashi wawa, nunɔamɛshi djidji, súsú baȡa, ajavi ȡóȡó, ŋbia, egoyíyí, enyɔdɔɛ kúdó hadjedje. ²³ Enuyɛwó keŋkeŋ sónɔ amɛ yió djimɛ, wowóé nyi enutsiwóé xonɔȡi amɛ. ²⁴ Le xɔn lɔ é djó yi Syro kudo Sidon nutowóme vɛ axué ȡéká me tsi ŋde dji be amewó nenya fitsi eleo, vɔ ŋde kpeŋtsi abéo. ²⁵ Zedeka ke lɔ, nyɔnu ȡéká tsi me gbɔngbɔnvɔnwó le eviɛ nyɔnuvi me lɔ, sé Yesu yio texoɛ nɔnɔ, yi eva djeklo yi dotagun ȡo Yesu yio afɔ gbɔ. ²⁶ Nyɔnu lɔ nyi Grɛkitɔ tsi wódji le Syropheniki. É ȡekuku nyí be ne nya gbɔngbɔnvɔnlɔ tó le nyɔnuviɛlɔ mɛ. ²⁷ É tó ni be:"tashi ȡeviwó ne ȡunu keŋ gbɔxué, enuyiŋtsi ŋde nyɔ be wóasɔ ȡeviwó wwó nuȡuȡu asɔ na avunwó". ²⁸ Vɔ etrɔ ȡóŋtsí ní be:"Axuétɔ, ganké avun tsiwó le ekplɔngɔmelɔ wó ȡunɔ enukui hlɛnhlɛnwó. ²⁹ É tó nɔ nyɔnulɔ be, tsi wo nú nenelɔ, djo yi le ŋtsifafamɛ, eviwo kpɔ ȡeȡe. ³⁰ Nyɔnu lɔ djoyi vɛ kpɔ eviɛ, yi mlɔanyí ȡó eba dji, yi gbɔngbɔnvɔn lɔwó djó lemɛ. ³¹ É djo yi Tyro nyigban dji yi eva gbɔ tó Galilea xusoso me vadje Dékapolisi nutowó me. ³² Wó kplɔ tókúkúnɔ nuxómaxotɔ ȡéká va ni yi wó ȡekuku ni be, ne ȡó alɔ djí. ³³ É sɔɛ ȡó vo le wlawlaxué, yí edo alɔviwó etómɛ ni yí sɔ yio tan sɔ tɔ aȡe ni. É kpɔ ayamɛ, ³⁴ egbɔnfuŋ yí be:"Effatha" tsi gɔmɛ nyi be"hun"! ³⁵ Yesu hun yio tówó yí ȡega yio ȡé be ne ya tɛn xo nuxó nyuiȡé. ³⁶ É dji só wóshí be wó ŋgbe nui ne ameȡeo, vɔlɔ wó gbe kpɔtɔ le nunuiwɔ ȡódjí. É daŋ do wó yi wó tó be:"É wa ŋdandónuwó. E ³⁷ wɛ be etokukunɔ senú yi aȡetɛntɛntɔ xo nuxó.