¹ Yesu djole kapɛnaum yi yio dumé Nazarɛt. Yio nusrɔnviwo yi kui. ² Le sabat yio ŋkéké dji, eyi Mawuwo xome yi fia nu amewo. Ame gbogbo tsio le to ɖowɔ lɔ kpɔ ŋdjedje. wole wonɔnɔewo biwɔse be fiɖe kpɔʋ nunya kudo ŋsɛn xɔn so sɔle nukunu xɔnwo wawɔ. ³ Wo le nunuwɔ be: Atsi kpatɔ yi enyi mi djeshi kodo yio Home! Mi djeshi enɔ lɔ Mariya! Mi djeshi nɔviɛwo, Jaki, Yosi, Judi, Shimɔn kudo nɔviɛ nyɔnuviwo tsiwoé le miagbɔ le fiɛ woa. Yi wonyi tó. ⁴ Yesu nu nɔwo be: Nyawo enyi be nyɔnudaɖɛtɔ ɖekpokpui ŋde dokpo asi xɔxɔ le afiɖe kpokpui negbe le yiŋtɔ wo dume kpo! ⁵ ŋtɔtsan mia djilawo, kudo ame yiwɔ le axome kudo mi wo ŋde donɔ bubu ŋtinyeo. Eyɛ ŋtsi ŋde kpeŋtsi wɔnɔ nukunuɖeo. ⁶ Yí tsáká ȡó wó djimaxɔse ŋtsi. E yi kɔxuiwome yi fianu amɔwó. ⁷ Gbeɖeka, eyɔ yio nukplanvi wuievɛwo yi ɖo wó eve eve, be woayi fianu le txue vovowo.Yi nawo ŋsɛn woanya gbɔgbɔn baɖawo le amɔwo me, ⁸ yi nu be woa do fɔkpa kudo mɔzɔntsikplɛ, é tó nɔwó be wó ŋgbe hɛn nuɖuɖu alo kpɛtɛ alo ega asɔ zɔn mɔlɔ, ⁹ vɔ bé wó né dó fɔkpa, wó ŋgbe sɔ nudódó ameveo. ¹⁰ Egbe nu nɔwo be, ne miɖo duame zeɖeka yi ameɖe kpemi va yio xomea, mi yi gbɔ. Mi ɖu nu adɔalɔn le yio xome vayisɛn gbeyigne mila djo le duamea. ¹¹ Nevɛme be wo ŋde xɔmi le texueɖeo lɔ yi wo ŋde ɖotó mio lɔ, mi hunhun afɔkɔ miatɔ ɖo texue hɔn adjó. Nuwana xɔn la nyi djeshi be woɖeɖɔ tɔ mi. ¹² Yinɛ wovɛ ɖo texue vovawo, wo ɖegbefan ne amɔwo kuɖo nuvɔn wotɔwo ŋtsi be ne woa sɔ gbeta atrɔ djime, ne Mawu ne sɔ wó nuvɔnwo kewo. ¹³ Wó nya gbɔngbɔn baɖawo tole amewo me yio shiami nɔwo yi dadɔ nɔ dɔnɔwo. ¹⁴ Fifiɛa, efiɔ Herodi Antipa se enyɔ so Yesu ŋtsi, enuyiŋtsia, amesugbɔ wole nyɔ towɔ soŋtsi. Ameɖewo be elanyi Ejan shidotanametɔ yí fɔn so amekukuwo gbɔ, enuxɔŋtsi yi eɖoŋsɛn tɛn wanɔ nukunuwó. Amebúwó be;Yesu yi nyi tɔgbuixoxo nyɔtoɖɛtɔ Eliya yineo ŋgbe Mawu do be ele vava lɔ. ¹⁵ Amebuwo gbetó be yi nyi nyɔtóɖɛtɔ shigbe nyɔtóɖɛtɔ kpɛtɛwó nene yi woto ŋkɔ ni. ¹⁶ eyi mɛ yi se nyɔtsi amewo le nunuwɔ lɔ, Efiɔ Herodi Antipa to le eɖokui me be: ¹⁷ Ameyi le nukunu tsɛwo wɔwɔa, latɛn nyi Ejanawoa? Yinɛ ŋɖe mɔ ne axin sɔdjawo be woaso ta le enu awoa? Vɔ efɔn so amekukuwó gbɔ. Game yi do ŋkɔ nɔ enuyɛErodi ɖe nyɔ nu Eridia, togbɔ be enyi nyɔnu nɔvia Philipo srɔn. ¹⁸ Ejan ŋde gbondjɛn enyɔyɛ toto nɔn Eridio "Mawunyɔ ŋde ɖemɔ be naxɔ nɔvio shi yinɛ ekpɔtɔ le agbeo. ¹⁹ Vɔ tsi egni be Herodi le etutuwɔ, be yaɛo Ejan do gakpame, Herodi ŋtɔ dɔ sɔdjawo ɖaɖa Ejan gbɔ, yi wole Ejan so do gakpame. ²⁰ Vɔ enu yi ŋtsi Erodia dji be yea wanyɔ kudo Ejan lɔ,ehian ameɖe be ya ɖotoe vɔ ŋb de kpeŋtsio. Enuyita gatsime Ejan le gakpamea Herodi na be enɔ djidjixoe le nyɔnuɔ ŋtsi. Herodi wa nene, ɖolɔ ele Ejan vɔ enya be nyi amedjɔdjɔ yi sɔ etɔku na Mawu. Efiɔ tsaka le yio nyɔ ŋtsi, ŋde gbanya letsi elawɔɛo, vɔ elɔn ni be yea ɖotoe. ²¹ Zeɖeka ŋkekeɖe va kpata be woa ɖu Herodi yio djigbezan.Eyɔ amegan tsiwoe le yio fiɔsa me, sɔdjaganwo, tsami tsiwoe kpɔnɔ Galileya be wone va ɖu azanlɔ kudo ye. ²² Le enuɔɖuɖu gamea, Erodi viɛ nyɔnuvi, ɖo xɔme, ɖuwe ne fiɔ kudo amekpekpeɛwo. E djɔdji ne Herodi kudo yio mekpkpeɛwo. Enunyɔ ni be: Biɔŋ nutsiwo kpata djɔnɔdjinɔ, ne masɔwo naɔ. ²³ E gbe nui ke be: "nutsiwo kpata djɔnɔdjinɔ, biɔŋ ne masɔwo na, ne egbe nyi axin fiaɖuxoe wo mamame enyi tsan". ²⁴ Zeɖeka, nyɔnuviɛ djo le xɔmɛ yi nɔlɔ gbɔ. E to enyo tsiwo kpata efiɔ nu ni kudo nutsi ebiɔ lɔ ni. ²⁵ E to ne enɔlɔ be: ŋdexa natɛn biɔɛ? Enɔa ɖoŋti ni be: "Ejan Baptisi yio ta". Nyɔnuviɛ gbeɖo xɔlɔ me yi fia gbɔ yi toni be, ŋdji be nadɔn ameɖe ne yaso Ejan yio ta daɖo agbangbɛdjɛ dji va nuŋ. ²⁶ Efiɔ tsi nushishi me yinɛ ese nubiɔbiɔ enuyi ŋtsi enui be Ejan nyi amedjɔdjɔɛ. ²⁷ Vɔ ŋde kpɛntsia gbe yio nu biɔbiɔlɔ le eyi me edo ŋgbe ni be yelasɔ nutsiwo kpata ebiɔ sɔni, vevetɔa le etsi me yió mekpekpeɛwo se yió ŋgbedodoa lɔ. Efiɔ ɖegbe ne ameɖe be neyi so Ejan yio ta va nɔn nyɔnuviɛ. Amɛ yi gakpame yi ɖe ta le kɔnu ne Ejan. ²⁸ E sɔɛ daɖoagbangbɛdjɛ dji, yi sɔɛyi na nyunuviɛ.Yitsan sɔyi na enɔlɔ. ²⁹ Yinɛ Ejan yio nukplanvio se nutsi va djɔ, wo va yi dji Ejan yio ŋtsilan kukua yi woɖi. ³⁰ Apɔstolo wuivɛwo trɔyi Yesu gbɔ so afitsi wo so. Wo ɖogbe ne Yesu kuɖo wo dowɔwɔ kudo wo nufiafiawó ŋtsi. ³¹ E to nɔ wo be miyi afitsi ameɖekpokpui ŋde leo ne mia ɖiɖome viɖe, ɖoa ame gbogboɖeo vanɔ wogbɔ yio ŋde kpɛntsi ɖunɔnuo. ³² Wo ɖo tɔd jihun djoyiɖo afitsi ameɖe ŋde leo. ³³ Ganke amegbógbóɖeó kpɔ djódjóme nɔwó. Wo gbe do djeshi be Yesu kudo yio nukplanvio yi yio kanɖo afitsi wole yiyiwɔ dji. Wo dje ŋkɔ nɔwo ne Yesu ku yio nusrɔnviwo tuta. ³⁴ Wo vɛ ɖó djeŋkɔ nɔ nukplanviɛwo. Tsi Yesu ku yio nukplanvio le ɖiɖiwɔ le todjihume lɔ,Yesu kpɔ ame gbogboɖe. Yio dɔme trɔ ɖo ameɛwo ŋtsi, nutsi ŋtsia wole shigbe alingbɔ yiwe ŋde ɖo tɔ nene.Yi fiawo enu sugbɔ. ³⁵ Tsi wetrɔme ɖo lɔ, nukplanviɛwo va egbɔ toni be, "tehue yi milea, ameɖe ŋde le tehuɛlɔ vɔ game djo le yiyiwɔɛ. ³⁶ Nyawo ne wayiɖo edu yiwo sɔfiɛ gbɔ ne woadji nuɖe aɖu. ³⁷ Yi Yesu gbenyɔ nɔwo be:"Miɔŋtɔwo midji nuɖuɖu ne woaɖu. Wo ɖoŋtsi ni be: "mi ŋde kpɛntsi axle bolo be ame gbogbo yɛwo ne ɖu, alo ɖe miayi xle bolo kawo nɔ meyɛwo ne woaɖua?" ³⁸ Yesu ɖoŋtsi nɔwo be:"bolo kankin nene yi le miashi.Mivɛ kpɔɖa,woyi vɛ dji yi ɖoŋtsi ni be, mikpɔ bolo amatɔn kudo kpavi mɛmɛ ameve. ³⁹ E to nɔ nukplanviɛwo be wone na ameɛwo ne nanyi ɖo egbewo dji. ⁴⁰ Ameɛwo bɔbɔ nɔanyi ɖo hasosowo me, ɖewo katsiwó, ɖewo kavetakpo. ⁴¹ Yesu so bolo amatɔn kudo kpavi ameveɛ, kpɔ djiŋkushi yi do akpe ne Mawu ɖo wota yi ŋin wome trɔ sɔ na nukplanviɛwo be wone ma nɔ mɛlɔwó. ⁴² Ameshame ɖu yio nu kaka ɖɔ xodo. ⁴³ Nukplanvio tsan nuɖuɖu kpɛtɛwo. ⁴⁴ Amɛlɔ wo gbɔsusume le shigbe xlinxlime kavetakpo texue amatɔn (5000) nene yi nu bolo le etsi me wo ŋde hlin nyɔnu kudo deviwo. ⁴⁵ Le eyɛ wo ŋgbedemea, Yesu tonɔ yio nukplanvio be wone sɔ tɔdjihun djeŋkɔ nɔ ye yi Betɛsaida yine le Galileya xuta yi enya amehawo. ⁴⁶ Tsine enya amehawo vɔlɔ, E djo yi to dji be yea dogbeɖa. ⁴⁷ Woetrɔme ɖo, yi nukplanviɛwó le tɔdjihun me le axuɔ dodome, yi Yesu ɖeka tsi ago. ⁴⁸ Wo kpɔ be aya le nuxó dowɔ ne tɔdjihúnlɔ, yi wó le funkpewɔ. E te gógówó le ŋdékányán yi me xixeme ŋdekpɔ kɔ yi le tɔ djí zɔnwɔ le djídjíwɔ be yea dje ŋkɔ nɔwo. ⁴⁹ Vɔ tsi wó kpɔɛ ele eshidji zɔnwɔlɔ, wo bubé ŋɔli yɔ, ⁵⁰ yi é tó bé midjeme, vɔvɔn ŋgbe ɖó mio, eyne yɔ. ⁵² Eɖo tɔdjihúnlɔ me yi nɔ anyi kúdó wó yi ayaxoxolɔ tɔté, wo kɛŋkɛŋ tsáká le núwana xɔn ŋtsi. ⁵¹ Tógbɔ be wo kpɔ Yesu yi dji bolo kú kpaví ɖó djixɔse yio ŋsɛn mea, wo ŋdé tɛŋ se nuawó gɔmeo. ⁵³ Eyi wo va djeagolɔ, wodjo yiɖo Genezaret wo doka tɔdjihunlɔ ɖo texoe hɔn. ⁵⁴ Yi wotó le tɔdjihunmea amɔwo do djeshi Yesu. ⁵⁵ Wo dó axúá tó edua me be Yesu vaɖo, yi wo kɔ dɔnɔwo ɖó agbawó djí le afiɖékpokpui tsi wó sé be Yesu lea.