¹ Wo va ɖó tɔlɔ gódó le Gadalati tɔwó nyigban dji. ² Etsine Yesu tó le tɔdjihúnlɔ me lɔ, ŋsuɖé tsi me gbɔngbɔnvɔn lea dógoe. E tó le amekúkúdowó me. ³ ŋsu yɛ nɔnɔ agbe le amekúkúdowó me. Ame ɖekpokpui ŋde ɖunɔdjio kúdó awlɔga ŋtɔtsán. Wo dónɔ awlɔga kúdó gakpo afɔwó ni xóxó. ⁴ E sonɔ awlɔgawó yí ȡenɔ gakpoawó. Ame ɖekpokpui ŋdé ɖo ŋsɛn laɖu djíó. ⁵ Azán ku kédé, nusuɔ nɔnɔ yɔdowó me kúdó etówó djí, é le axua dówɔ sɛnsɛnȡé yi sɔ kpéwó le afɔku dówɔ yeȡeki. ⁶ Tsi ekpɔ Yesu ȡáá lɔ, eshidu yi gbɔ yi edjeklo ȡó yio kɔnmɛ, ⁷ é dó axuá sɛnsɛnȡe bé:"Yesu, ŋdé yi ŋ wa nɔn, Mawu wó ví tsi le edjí bóó? ŋ ȡekúkú nɔ le mawu wó nyíkɔ me be ŋgbe ȡefun nuŋo. ⁸ Yesu tó ni be:"gbɔngbɔn makɔmakɔ, tó lé ŋsu yɛ me." ⁹ Yesu biɛ bé,"axó nyikɔ ȡé?" é ȡóŋtsi bé,"axin nyikɔ yi nyi Legion, tsi gɔme yi nyi bé mí sugbɔ." ¹⁰ Ke gbɔngbɔnvɔn tsiwóé le ŋsu yɛ me wó kpɔtɔ le kuikuiwɔ ni bé ŋgbe nya yewó tó le nútoɔ meo. ¹¹ Le gaxoxo xɔn tútú melɔ, ehan wó hásoso ȡéká le enuȡuwɔ le tɔgɔme, ¹² tsi ele nenelɔ gbɔngbɔnvɔnwó ȡekúkú nɔ Yesu bé "namɔmi nemiaȡó ehanyɛwó me". ¹³ Yesu ȡemɔ nɔwó wa ȡó wómɛ. Le xɔnlɔ, gbɔngbɔnwó tó le ŋsuɔ me vɛ ȡó ehanlɔwó me, ehan tsi wó xlinxlinme le shigbe kavetákpo texué ewui lɔ wó lɔdu ȡó etɔme yi wó kútɔkú. ¹⁴ Ame tsiwó le eháwó dji kpɔwɔ lɔ, wó yi duɔmɛ kúdó edu tsi trɔduilɔ yí vɛ nu enú tsiwó keŋkeŋ djɔ nɔwó yi ame sugbɔwó va kpɔ enúɔ texué. ¹⁵ Wó va Yesu gbɔ yí kpɔ bé ame tsi me gbɔngbɔnvɔn le sánlɔ dó awu le nɔnɔmɛ nyuitɔ mɛ yi vɔnvɔn ȡówó. ¹⁶ Ame tsiwóé kpɔ nútsi djɔ ȡó gbɔngbɔnvɔntɔlɔ djílɔ, wónú enú tsi wókpɔ kúdó enú tsi djɔ ȡó ehanwótsán djí ne amɔwó. ¹⁷ Yí wó ȡekúkú nɔn Yesu be ne ya djó le wó nuto me. ¹⁸ Tsi Yesu ȡó tɔdjíhúnmɛ be yea djólɔ, ame tsi ggbɔngbɔnvɔn kplɔ sán lɔ tó nɔ Yesu be:"ȡemɔ núŋ ne ma kplɔ wódó"! ¹⁹ Vɔ Yesu ŋde lɔn ni be yayi kudó yeo. É tóni be,"yi axó xómɛ le tɔwowó gbɔ ne nató nutsiwó Mawu wa nɔ kudó letsi Mawu gnɔdɔmɛ ȡo ŋtsiwólɔ nɔwó. ²⁰ Yí ameɛ djó yi amɔwó domɛ le nutoawómɛ. É nú nutsiwó keŋkeŋ Yesu waniwó. Ame tsiwóe se enyɔn tsi núwɔ elea wó tsaka. ²¹ Etsi Yesu va ȡó etɔlɔ wó akpá eve gɔn lɔ dji le ehun me lɔ, ²² ameha gánȡé trɔdui yi elete le tɔlɔtó. Xúxóxúédji kpɔtɔ ȡéká tsi wó yɔnɔ bé Jairus va kpɔ Yesu, ²³ yí djeklo ȡo Yesu gbɔ yi ²⁴ eȡekúkú ni bé:"Evinyɛn nyɔnuvi léȡɔ yi djakú! Ne édjɔdji nɔwo lɔ, va axin xóme ne na da alɔ ȡodjí. Dadɔ ni ne ya nɔ agbe!" Ke Yesu kúdó yio núklpánvio yi kui, ameha gánȡe kplɔwódó yi wóle Yesu tutuwɔ. ²⁵ Fifiɛ, nyɔnu ȡé le tsi ehun le kɔkɔwɔ leŋtsi kaka shi exué wúíeve nene. ²⁶ É kpéfun sugbɔ le yio dɔdada ŋtsi le ȡɔkita vovowo wó lɔmɛ. E zán yio gawó kéŋkéŋ ȡó edɔdada ŋtsi, vɔ yio dɔ ŋdé vɔ kpɔ, bohún egbe nɔnɔ nyranyawɔ ȡodjí gashiagamɛ. ²⁷ É sé Yesu wó ŋtsinya, yí eva gbɔ tó yio ŋgbedeme gatsime Yesu le zɔnzɔnwɔ tó amɔwó domea,yi etɔ alɔ Yésu wó wulɔ. ²⁸ É nu bé:"ne ŋtɛn talɔ yio awu lɔ, nakpɔ lanmesɛn. ²⁹ Etsi etalɔɛ lɔ, ehun kɔk ɔlɔ so zedeka yi ekpɔ le yio lanme bé ye kpɔ dɔdada. ³⁰ Yesu nya zedéká bé ŋsɛnȡé tó le yeŋtsi, yí trɔdó amehawó ŋtsi biɔɛ se bé:"Ameŋdé yi tɔalɔ awu nye? ³¹ Nukplanviwó nú ní bé:" wo kpɔ ameha gbógbóyɛ wó le tututuwɔ yi wobé:"ameȡé tɔalɔ yea?" ³² Vɔ Yesu kpɔ yio xadji bé yeakpɔ ametsi wa nene. ³³ Nyɔnuɔ nya enútsi djɔ le yio gbeme, yí va kúdó vɔnvɔn gáné yi va djeklo ȡó Yesu wó afɔ nu yi nú nyɔlɔwó kéŋkéŋ ni. ³⁴ É nú ni bé:"evinyɛn nyɔnuvi, axó xɔsé ȡéo. Yi le ŋtsifáfá me na kpɔ dɔdada, wó ȡegawo só axó dɔléléwó shímɛ. ³⁶ Vɔ etsi ese enyɔ tsi núwɔ wóle lɔ, Yesu nu nɔ xúxóxúédjikpɔtɔ bé:"ŋgbe vɔn, xɔɛsé kpo". ³⁷ ŋde ȡemɔ nɔ amehálɔ bé ne kplɔ yedó, sɔ tóvo nɔ piyɛ, Jaki kúdó Eján, Jaki wó nɔvi wó. ³⁸ Wó ȡó xúxóxúédjikpɔtɔlɔ wó xómɛ yí Yesu kpɔ amɛ sugbɔ tsi wóé le tukádá wawɔ, le avi fanwɔ kúdó ekui fanwɔ le axúá dówɔ wó. ³⁹ Tsi wó ȡó axúɛ mɛ lɔ, é nú nɔwó bé:"ŋde ŋtsi mile axúá dówɔ yi le avi fanwɔ? Ðéviɛ ŋdekpɔ kúó, alɔn yi edɔn." ⁴⁰ Wó tɔɛ koko, yĩ eȡe wó kéŋkéŋ tó.É kplɔ evitɔ kú evinɔ kúdó ametsi wóé bɔȡóŋtsiwó ȡó ŋtsí yi wó dó exɔ tsimɛ ȡéviɛ le. ⁴¹ É kɔkɔ ȡéviɛ ȡó alɔmɛ yi tó ni bé "Talithakumi", tsi gɔme nyí bé ⁴² "Nyɔnuvi ŋle tótówɔ nɔ bé shiíté". Ðeviɛ shíté zéȡéká yí zɔn, ȡólɔ eȡó xué wuíve. É tó ameɛwó ŋtsi djó yi wa yaa nɔwó. ⁴³ É dósé nɔwó vévéȡé bé wó ŋgbe kankan enyɔ lɔ, yí tó nɔwó bé wó ne na nuȡuȡu ȡéviɛ ne ya ȡu.