¹ Yesu nu nɔ wó be ,lé nyawó tótó mé ŋlé nunuwɔ nɔn mi bé mia domé tɔ ȡéwo ŋdá ku gbɔxoé akpɔ Mawu fiɔ ȡu xoé kudo yo ŋsɛn. ² Lé ŋkeke amadɛn yo ŋgbo domea,Yesu kplɔ Piyɛ,Ejan kudo Jaki yí to kɔkɔ ȡéka dji.Yí yo nɔnnɔn mé trɔ lé wo ŋmé. ³ Yoó ŋmé klin,yí yo wu lé zo dawɔ.mé ȡé kpíkpí ŋda tɛn ŋun nya awu yí ya klin nin nin. ⁴ Eliya kudo Moyisi zé dúí yí wo xo nuxo kúí. ⁵ Piyɛ to ní bé:na miá wa gbádɔ amétɔn:ȡéka la nyí tɔwo,ȡéka la nyí Eliya tɔ yi ȡéka la nyí Moyizi tɔ. ⁶ Piyɛ ŋdé gbé nyá é nyɔn tí í la gbé to yí nukplanvi kpɛ tɛ wo djika so wo. ⁷ Lilikpo tsɔn wo dji yí wo sé gbé ȡé bé:Mé yɛ yí nyí vinyé tsí gbɔ nyé ŋdé lɔn nɔn nu leo mi sé yo gbé. ⁸ Tsi wo kɔ ŋmé yí dji lɔ,Yesu ȡéka kpo wo kpɔ. ⁹ Tsí wo lé ȡiȡi ɔ lé toɔ djiá,é to no wo bé wogbé to enyɔ ȡékpíkpí nɔn ameȡé sɔ ŋtí wo kpɔ ŋtí vá ȡo gatsí mé amégbetɔ vilɔ lá fɔn só amé kuku wo domé. ¹⁰ Wo lé enyɔn xɔn ȡɔ susu mé yí wó lé wó nɔn nɔn wó biɔ sé bé afɔn só amé kuku dómé gɔnmé ȡé? ¹¹ wó biɔɛ sé bé :ŋdé ŋtí omaŋlɔntɔwo tonɔn bé Eliya ȡó lá vá tutugbɔn? ¹² Eȡó ŋtí nowó bé:Eliya ȡó lá vá tutugbɔn á vá djra enu wó kékeŋ ȡo.ŋdé ŋtí wó ŋlɔn bé ame gbetɔ vilɔ lá kpé fun sugbɔ lé metsí wó lá lí funwo shimé? ¹³ Vɔ ŋtúí nɔn mí bé Eliya vá vɔ yí wó wá ŋtí drówó kúí,shí gbé lé tsí wó ŋlúí dá ȡɛ nɛnnɛn. ¹⁴ Tsí wó gbɔ vá fítsi enukplánví kpɛtɛwó le lɔ', wo kpɔ amɛ sugbɔwó vá trɔ' dówó yí womáŋlɔtɔwó le enyɔn henkɔ kudówó. ¹⁵ Tsi amɛhawó kpɔ' Yésu lɔ' edjidjɔwó yí wó sídu váyi kpí kudó yayá. ¹⁶ E biɔ yó nukplánvíwó se bé: "ŋdé ŋtsí mi le enyɔn hɛnwɔ só?" ¹⁷ Amɛɖeká le amɛhá lɔwó dome xɔ enyɔn lɔ ' bé:" Enukplánmɛtɔ, ŋ hɛn eví nyɛ va nɔ' wo;gbɔngbɔn vɔn ɖé le mɛ tsilénɔ' aɖe ní, yí dé xonɔn nuxú o, ¹⁸ ésɔnɛ xlánɔn ɖɛ' yí devílɔ' ɖunɔn aɖuklí. ŋ biɔ' nukplánví tɔwowó bé wo nɛ nya gbɔngbɔn vuín lɔ' tó le emɛ vɔ wo ŋdé kpéŋtsi ó . ¹⁹ Yésu ɖóŋtsí nɔ wó bé :" djidjimɛ maxɔsetɔwó , gaxoxo nɛní na wa kudó mi o? Va sɛnɖó ga ŋdé mɛ na hɛn mio? Mi kplɔɛ va nu'ŋ. ²⁰ wó kplɔ ȡéviɛ va ní.Tsí gbɔngbɔn vɔn lɔ kpɔ Yesu á,é huan nyán ȡévilɔ ku ŋsɛn.É dján nyí djé anyígban yí ádé kɔ lé numé ní. ²¹ Yesu biɔ étɔlɔ bé:só gá ŋdémé yí í lé nɔnnɔn mé yɛ mé? Etɔlɔ ȡó ŋtí ní bé,só yo ȡévi mé. ²² É kɔkɔ nyí ga ȡéwo mé dó nɔn ézo ku shí mé,ku susu bé yá glé domé ní. Kpɔ nu blányúí nɔ mí yí na kpé ȡó miá ŋtí. ²³ Yesu ȡo ŋtí bé:Né o lá tɛnŋ!Nu shiá nu lé bobɔɛ né mé tsi xɔsé. ²⁴ Zé ȡéká ȡéviɛ tɔlɔ do axua yí í bé:ŋ xɔɛsé,sɔ axun djimaxɔsé sɔ kéŋ. ²⁵ Tsí Yesu kpɔ améháwo gbɔn nɔn wo gbɔ lɔ,é kán ŋmé né gbɔngbɔn vɔnlɔ yí í to ní bé:Ŋȡé gbé nɔn bé na to lé ȡéviɛ mé yí ŋgbé trɔvá kéo. ²⁶ É do axuá sínsín ȡéká,éyá ȡévíɛ ȡo anyigban yí í to lé mé.É wa shí gbé ȡévíɛ ku xá néné káká améha lɔ lé toto ɔ bé:É ku. ²⁷ Vɔ Yesu lé alɔ ní,yí ȡévíɛ tsíté. ²⁸ Tsí Yesu yí axuɛ mé lɔ,yó nukplanviwo biɔ lé wláwlá bé:ŋdé ŋtí yí mí ŋdé tɛnŋ nyá gbɔngbɔn xɔn ȡo? ²⁹ E ȡo ŋti nowo bé:to gbédodoȡá mé kpo o lá tɛnŋ nyá gbɔngbɔn xɔn wo lé. ³⁰ Wo djó lé xɔn yi wo to Galelíya.Yesu ŋdé djí bé amowo ná nyá fí tsí yé wo léo. ³¹ Ðo ŋtí ŋtí lɔ é lé nu fiáɔ yó nukplanviwo.E to nowo bé:O lá sɔ amégbétɔ vilɔ sɔ do alɔmé nɔn amɔnwo yí wo lá wúí.Né wo wúí vɔ lɔ,E lá fɔn lé ŋkeke tɔn gɔn lɔ gbé. ³² Vɔ wo ŋdé sé ényɔn xɔn gɔnméo yí wo ŋdé biɔɛ tsan. ³³ Wo vɛ ȡo (kapɛnaxum).Tsí wo lé axuɛ mé lɔ,ébiɔ yó nukplanviwo sé bé:É nyɔn ŋdé towo mi le lé molɔ djí? ³⁴ Wo bɔnu,ȡo wo lé djídjíkɔ lá nyán bé mé ȡé lá nyí amégan lé yé wo domé. ³⁵ E nɔn anyi yí í yɔ amé wúívé wo ȡo dju,é to nɔn wó bé:Mé tsí dji bé ya nyí amé tutugbɔn tɔ lɔ né nyí amé kpɛtɛ yí yá sɔ dɔ nɔn amɔnwo kékéŋ. ³⁶ E sɔ ȡévi ȡéka yí í sɔ dáȡó wo dodo mé.Yí í to nɔn wo bé: ³⁷ Mé tsí xɔ ȡéviȡé shigbé ȡévi tsɛ néné lé axun ŋkɔ mélɔ,xɔ nyé tsan;yí me tsí xom lɔ,ŋdé nyé ȡéka yí í xɔ,vɔ éxɔ mé tsí dɔm ȡoȡá tsán. ³⁸ Ejan to ní bé:Mikpɔ améȡé tsí í lé gbɔngbɔn vɔn nya ɔ lé axo ŋkɔ mé yí mí gbé gbɔ ní ȡó ŋdé lé mia doméo. ³⁹ Vɔ yesu bé:mi ŋgbé xé mo nío ȡo amé ȡé kpíkpí ŋda tɛnŋ áwá édɔ nyúí xɔn yí í lá gbé to ényɔn báȡa so ŋtí nyéo. ⁴⁰ Mé tsí ŋdé tité ȡó mia ŋtío lɔ é lé miadji. ⁴¹ Mé tsí la na mí éshi kɔpo ȡéka ȡó Kristo ŋti lɔ,ŋlé túítúí ɔ nɔn mi bé é lá xɔ fɛntu. ⁴² Mɛtsi yí lanyí afɔklinu nɔ mi amɛtsiwó xɔ djí nyɛ se lɔ é la nyɔ ní wu bé wó asɔ yebesítukpé asɔ ku kɔ ní yí wó asɔ daŋkpɛn ȡó axumɛ. ⁴³ Nɛ axó alɔ látu mɔ dó wo lɔ sui ; ⁴⁴ ȡó nutsi ŋtsí lɔ élányɔ nɔ wo bé nayi Mawu fiɔȡuxoé mɛ kudó alɔ ȡéká sɔwu bé nayi zomavɔ mɛ kudó alɔ amɛve. ⁴⁵ Nɛ axó afɔ átu mɔ nɔ wo ló sui. ⁴⁶ Ðó nutsi ŋtí lɔ elá nyɔ nɔ wo bé na yi agbe mavɔ mɛ kudó afɔ ȡeka sɔwu bé náyi zomavɔmɛ kudó alɔ amɛve. ⁴⁷ Nɛ axó ŋkuví átu mɔ nɔ wo lɔ hun i . Ðó nutsi ŋtí lɔ enyɔ nɔ wo bé nayi Mawu fiɔȡuxoé lɔ mɛ kudó ŋkuví ȡéká sɔwu bé nayi zomavɔ mɛ kudó ŋkuví amɛve , ⁴⁸ fítsi eŋɔví kudó ezo ŋdé tsínɔ le o. ⁴⁹ Ðó nutsi ŋtí lɔ wo ásɔ zo ásɔ dó dje amɛshiamɛ. ⁵⁰ Edje nyɔ vɔ nɛ ébu yó vívísese lɔ ȡé wó latɛŋ gbe sɔɛ ní a? Edje nɛ mia mɛ , yí nɔ ŋtífáfá mɛ kudó mia nɔnɔwo.