¹ Nen anshe jire tong masihu.Ni ishe rereibu einen ndalo ngu onjirek ne'e a tong kelui bu'uno, ² tama nen an unuk tili yam ki bones so a tekebu a tong tilino. ³ Kika ne 'e gudakanno nen iko kunzino ki gyam masihu kika biyanoi ma'to shida ki bomu. ⁴ zuni ma isra'ilaku, anan gado, nama kah, ki ngra eni ki onom sharyak, kunnuk Ndeyi ki ngra eni. ⁵ Zuni dikentii yo masihu dinok shidansu dino tong zuk ngo kunnu deyik Ndeyi le tomiya.Amina. ⁶ Me kika ta eni Ndeyi ankobu.Kika shafki shida Isra'ilaiye Israi'lai jirebu. ⁷ kika me shafsu milla Ibrahim bu, me a wunda zuni zuryani ki ygam Ishaku. ⁸ Me ɗeino millai tong zugo ɗeiko milla Ndeyi bu.Me milla ngra eni zuni milla Ibrahim. ⁹ woi eni ngarya: " a jajum woiye ni ɗitu, a ona lahlamba a Saratu." ¹⁰ Woi moɗabibu,Rikatu iko hawo ki ngoi yo'to, boti Ishaku- ¹¹ To me le ya'ko millabu bare ɗo mu'e ei zina naɗo ei disa, kika ei bo tili Ndeyi, aka rutabu, kika si wunda- ¹² Ananto ta,"eiyo a ɗahai mama'i." ¹³ Yak Kit shida yo turanko ta:"Yakubu yo ni ndalo, me Isuwa yo ni kukko." ¹⁴ Me muni ana ta miya? Ndeyi iko mure tili moɗi? a'a damɓabu. ¹⁵ Si ankok Musa, " Ni kola jikyayi ngoi yo koishe jikyayi, ni tama jikyayinno ka ngoi yo tamshe jikyayi." ¹⁶ Kana, a ɗeishe ka ruta ngobu, me aka Ndeyi a tama jikyayi. ¹⁸ Kika a tamshe jikyayinni aka ngoiyo ndalo,ki ngoiyo ndalo, me ke a hoi'ta tili ngoiyo ndalo. ¹⁹ Na ndabu ko ani ta,"Me kika miya harsauso a moishe leihi? ngoiyiya gitik shana ki eiyo si a ina? ²⁰ Ki ɓei ka'a, ngo, koikolo gokko ina shana ki Ndeyi? kana eiyo salanko a anak ngoiyo salkosi ta, "kika miya ko iko ne'e ka'a?" ²¹ Kana a sali ngabi a ina mene ka yanɗi a sal yo'to karutai zina,ngabi yo'to me a ruta kisi le to miya? ²² Lolo na Ndeyi, gonni tama yabtuk tilini ki tama meneni, kabana ngarko tilini habra ki biyayo mananko a duɗinsu? ²³ eibo tilini ndalo tam tim ki dara namaka aka biyayyo kolko jikyayisu, zunii yo ramtasutik namaka? ²⁴ Lolo eiyo na si imu, siyo wundamuni ki hotok yahudaku,biyaiyo mananka jirebu? ²⁵ Kit yo anko tong tureshik Yusha'u "Ne wunda biyanoi yo ɗeyanko biyanobu, jo ana ndaltunto yo ana ndaltubu. ²⁶ Jo a anshesu ta nguni ngu biyanobu,' a be'iso a wunda zuni ta 'milla Ndeyi a zau.''' ²⁷ Ishaya bala habta ɗolyani aka isra'ila,na tim ki milla isra'ila kit yayai tong haushi,kika ka'a shim ki hotosu a wena wagu. ²⁸ Kika bomu abano a ɓata sharyani tong dunya, a takati bo moɗi. ²⁹ Kit shida yo Ishaya anko a onzi,"na bomu abano deiko zuryamubu, ka mu ɗeyimu konta sodoma, a waglimu konta Gwomara. ³⁰ mu ana tamiya kauso? woisi biyaiyo manan ko jirebu, zuni bartanko tili moɗi Ndeyi bu,zuni wanko tili moɗi ki be'i ona jire. ³¹ Me isra'ilai yo zuni damtansu ki barta tili moɗi, zuni wankobu. ³² Kika miya? kika zuni bartanko te ki billa ona jirebu, me kika ruta.moishe zuni 'yanko batimo ki gosho batimo, ³³ Kit shida yo turako, "Moyai, ne zakkok gosho batimo a sihiyona, ngoi na oko jire a kola kawabu."