¹ Yagenenno, ei tong tilino ki ɗonshuno ygem Ndeyi kauso, ka zuni we waggu. ² Neme shaidikko ka zuni anandi geɗo ka ɗaha Ndeyi, me kika tim ki mantusubu. ³ Kika zuni mananko billa wena tili moɗi yo Ndeyi bu, zuni barta ɗo ramte yosu, zuni kuɗankok ɗaha billa tili moɗi yo Ndeyi. ⁴ Kika si kristi si ngamtuk sharyak tili moɗi aka le ngoiyiya na oko jire kanni. ⁵ Me Musa iko tureshi ka tili moɗi adishe ki be'i sharya:" ngoi na an tili moɗi sharya a ɗeino tong tilini moɗi." ⁶ Me tili moɗi yo dino kika ona jire ako woiye'e," ko ani tong tilinkobu, ta ngoiyiya ɗena ɓaɓa?' (ta, urtetu kristi eli). ⁷ Do ko anita,'a ura elii lo? (ta haftetu ki tong ana mato.) ⁸ Me ako ta miya? "Dunya nem ki nguni, a tong boku ki tilinku."eni ona jire, yo mu shutanta. ⁹ Me nako ki boko ko ako ta Yeso boti ki ona jire yo tong tilinko ta Ndeyi habtini ki tong ana mato, ko wena waggu. ¹⁰ Kika na tili ngo onshetik jire aka tili moɗi, ke na boni anshe a we waggu. ¹¹ Eni Ndeyi ako ta," le ngoiyiya na oko jire kanno akola kawabu." ¹² Kika andi tikubu tintil Yahudaku ki biyai yahudaku bu. Ndeyi moɗi boti le ngoi yiya a tim ki onom me'e ki nogi na ɗonsha si. ¹³ Mele ngoiyiya na iko ɗoshu a tong sun boti a wena waggu. ¹⁴ Me ki billai yiya mu ina ɗoshu ka biyaiyo onako jire kannibu? me ki billai yiya mu ona jire ka biyaiyo ɗamɓako kolshe bu? ki billai yiya zuni kolai? na anandi a shutasubu? ¹⁵ Ki billai yiya zuni a ina shutu na sarnako zuni bu?- Kit shida yo turako, "a ina lolo a mok ana shuta eni Ndeyi!" Me shafsu bu yo kolako eni Ndeyi. Ishaya ako ta, boti, onakok jire ka sarnikko?" ¹⁷ ona jire ɗishe ki be'i kolshe, kolshe me ki be'i eni masihu. ¹⁸ Me nen anshe ta, "zuni kolakobu ɗo?" ka'a, zuni kolakobu. ɗoyansu ngamtikko tong dunya, eni sume duto har boh ernok dunya." ¹⁹ Har kauso, ne anshe, "Isra'ila zuni mananko buɗo?" abotono Musa ako ta, ni zoha nguni shima yo tong dunya bu.ni zoha nguni tili ." ²⁰ Ishaya heteno ki geɗok zugo ako ta, biyai yo zuni bartako ne'e bu zuni wano. ni heteno ga biyaiyo damɓako barta ne'e bu. ²¹ Me ka eni Isra'ila ako ta," soboɗi tim ni sarano ka biyaiyo ɗafshe uhebu ki ana hafta hakali."