¹ Ne ashe ta, Ndeyi kushetik biyani ɗo? a'a a inabu. kika ne guda kanno nen a Isra,ila, zuryak Ibrahim, shida Bilyaminu. ² Ndeyi kushe biyanibu, kika si zaɓa zuni tunki onzi. nguni ngu manan ko buɗo eiyo eni Ndeyi ako aka Iliya, kit shida yo moko beleni ga Ndeyi aka isra'ila? ³ "Bomu a bano zuni dugankok nabakuko, zuni rukzitik bahgadi, kinai ne'e moɗano, zuni barta zauno ɗo dugino." ⁴ Me Ndeyi lafniti ta? "ni tikikkok mano goraji dalmak bi-babilo zuni daɓako joma dom gorobu." ⁵ ka a ke'e a tong zaman andi kine biyaiyo. zaɓako zuni aka tili modi. ⁶ Me na aka tili modi, kada ɗeyi ka rutabu. na ka abu kana tili modi tili modi bu ⁷ Kausoi lolo? kana eiyo Isra'ila barta, zuni wakobuɗo, kinei me zuni kuɗako. ⁸ Kit shida yo turako: "Ndeyi osu kelu me yo mantubu, ido me yo moinobu,ki kumome yo kolshebu, hotis kute'e." ⁹ Dauda ako ta, me kola zeisu ɗeyinni ɗokan su, sine billa ngetensu, ɗo disa gorosu me kasu. ¹⁰ Eriɗo idansu ɗeyinni unu kada zuni moyibu. eriɗo ko kumbitik beisu." ¹¹ Ne'e anshe, "ngeteshi yo zuni ngatako ngatasu ke'e?um-um leshim. ngete shisu ɗeyinni bille wena waggu algi,ɗo a zofzuni shima. ¹² Me ngete shinsui ki bo dara dunya, na ma murensu dara biyai Mayahudakubu, ngam yasui na a koto ɗeya lolo? ¹³ Kauso ni eni ki algi. kika ne'en a ruta Ndeyi ngem algi. ni ishe ya'ye ki rutano. ¹⁴ Le tomiya ni zofshe biya shima har ni wagga ma'to. ¹⁵ Ɗo me na mokano ɗeno lahiya tong dunya, me na biskasume a ina zau ki tong ana mato? ¹⁶ Mena ramtu botonoi ɗeyinni zina, ki nei ke ka'a, ke na shorii zena, mah roi ke ka'a. ¹⁷ Me harna ɓabtakok bo mah roh ma'to kome ko bo mah ro zetun yo riya, ɓatako ki hotosu, kome na ko ishe ki zuni ko shori zetun ki roh ni ¹⁸ ko e asse aka bo mah robu, kika na ko iko asse kanni,me ko ko manoti ko andi mene ka shori bu,shorii me andi mene kakko. ¹⁹ Na ndabu ko ana ta, "da'kakko bo mah roh woiye ndelanko tub di ki ne'e. ²⁰ Ka ai jire. kika mure ona jire suiye a ɓashensu, kome kika ona jirenko beno. me ko tunge tim ko shafte kakko bu, me kokol zuba. ²¹ Me na Ndeyi daka bo mah roi zenenbu koke dakinko. ²² Moi, shida ,tili moɗi ki ɓenem Ndeyi. a haggal yo'to, ɓenem tilini a ɗeishe ka yahudakui yo ngatanko. me a haggal yo'to me, jikyayi Ndeyi ɗeya gymako, na ko tuko dam kijikyayinni. na ka a bu koke dakinko. ²³ Har kauso na zuni ɗeyanko ka ona geɗo ka mure ona jirebu, a ngarin su zuk zehe.kika Ndeyi andi menei yo a matosu har kauso. ²⁴ Ɗo na koiyo ɓatano koi kizuk roh zetun zina yo riya, ke shorikko ɗeyinni zetun yo zina.le ma yahudaku mamaye, zuni bo mah roi yo zinen, ɓatano zuni amoktu zuni zuk yosu roh zetun ye'e? ²⁵ Nen nda bu ngu ɗeyi tong mure manto, yagennano ka shida geɗo kah, me ngu nami ta nguni a na mantu aka shida eiyo ngu tungan. shida geɗo kah woiye a nasabu zofko Isra'ila,har tim ki ana mure ɗafshei sauwango. ²⁶ Kika ka'a shafki Isra'ila a wena waggu,kit shida kit yo turonko: a wagu ɗitu ki sihiyona. a roktik mure ɗaha Ndeyi ki tong shida yakubu. ²⁷ A ɗeya et ngamta ngra eni gemsu, nani namsutik zunhusu." ²⁸ Ki lehei yo'to me aka shuta eni Ndeyi, zuni a kushe aka rutanku. ki lehei yo'to me agko yo tili Ndeyi,me zuni ana ndaltu kika dikenti dikemu. ²⁹ Kika onom ki eshi Ndeyi a safyabu. ³⁰ Tinki onzi ngu da hagkok uhe Ndeyi, me kauso mu biska jikyayi aka daha uhesu. ³¹ Ki bille moɗi me yahudaku dahakok uhe. kit shida yo kolanko jikyayikku zuni ke a kola yosu. ³² Ndeyi zakko le ngoi yiya a ting ana daha uhe, ɗo tam jikyayinni aka le ngoiyiya. ³³ Aiba, tim ki asum Ndeyi ki mantuni, tama sharyani wallikkok dolya billani me wallikko geɗo ɗaha ³⁴ Ngoi yiya manoti tong tili boti abano? ɗo ngoiyiya damɓikkok onsheni shawari. ³⁵ Ɗo ngoi yiya iko onom tintilni ki Ndeyi botono ɗotono, har ɗo ta a tuhe si? ³⁶ Ki ngemani, ki hawunni ki si,shfki ya' namaka Ndeyi har abadina. Amina.