¹ Kika ka'a ni ɗonsha nguni, yaganakuno, kika tim ki jikyayi Ndeyi, ona zugonku sadkai bu'uno, biskeno ngem Ndeyi. kika woi et nafshenku yo jire. ² Me ngu daf dunya bu ke ɗe ya'dik tili disa. ya' ka'a ngu mantitik ei zina,biskeno,ke ɗimno ngem Ndeyi. ³ Ni anshe ka'a, kika tili moɗi yo onano,le ngoi yiya a hotokku a tunge tim ta si wallikko shaeni tungai me ngu tunge tim bu. wallikko, ngu tunge ki asum, kit shida yo Ndeyi ankok le ngoiyiya yo a tintil ana ona jire. ⁴ Kika mu anandi biya tim a tong zugo moɗi mele ngoi yiya an rutani. ⁵ A bilai yo'to me,le kammu tim me muzugo moɗi zuk kristi, mele ngoi yiya tuɓaɓik zaf'i. ⁶ Mu anandi shida onom yo tili moɗi yo onankok le ngoiyiya. na yoko yo moinok gera, to irutanko ka moinok gera ki ona jire. ⁷ Na yoko yo ɗafshe, i ɗafshi. mena yo'to onomni yo shutu,shutii. ⁸ Mena yo'to anom ni hafta har gauɗo ɗo si hafte. na yoko yo onomme ko oni tim ki tili moɗi, na yoko yo ella algi ko esi ki geɗo mena yoko yo jikyayi,ko esi ki hankali. ⁹ Meɗo ndatumu ɗeyi yo jire, mu e jana ei disa mu ndalte ei zina. ¹⁰ Aka ndaltume mu ndalte mu ndalte yagenemu,an geɗok kabu, aka ona nakkome, le ngoiyiya on menek zaf'i. ¹¹ Ngu ɗeyi ana mure nginhubo me ngu ɗeyi ana zoha tili yam ngu e retek Ndeyi. ¹² zoha tilinku woiye zohinku kuyu. ngara tilinku aka bone. ¹³ sikhai onak biyai ndalanko ana ona jire. barta bille tim yo ngu tama ndaltu a ngerhahi. ¹⁴ Zoha barkak ana onshenku bone; zohasu barkak ngu kunze zunibu. ¹⁵ shata ana kuyu ki kuyu; ana bele ki bele. ¹⁶ Ya' ɗeino lahiya ki zehe. me ngu e tungu haɓta kakkubu, me biska biyaiyo a elelitku. ngu ɗeyi ana asum kakkubu. ¹⁷ Ngu tuhe disa ki disabu. ya' ei zina adom algi. ¹⁸ Na a itinni, gemanku na rereibu, ngu e ɗeno lahiya ki algi. ¹⁹ Ngu tuhe guda kakkubu, biyano, me ona bille Ndeyi tuheku, kika tureno,"ta tuheshi yono, a tuhei ne'e ankoi bomu abano." ²⁰ Mena a kuɗaɗinko kolshe kizi, oni toi. me na a kolshe kizi ham oni se. namu ya'ko ka'a, mu kasheni ru'ya yesi kanni." ²¹ me ei disa gere geɗomubu, me mu geɗatik geɗok disa ki zina.