¹ Eri ɗo le kelui yiya eshana ki ana sharyabu, kika andi mene bu kafa ki gem Ndeyi, ana tuta sharyai zaɓa zunii Ndeyi. ² Kika ka'a ngoi na iko shana ki ana sharya iko ki uhe Ndeyi; ana shanai me a isu bone kanni. ³ Kika ana sharya et zubabu gem ana jire, me ana ruta ei disa. zuni zubak ana sharya? i ei zina, ko wena kunnu ki gemani. ⁴ Kika si ngaruk Ndeyi gemanko ei zina. Me na ko ishe ei disa, i zuba; kika a ngafshe dirɓonii a saraibu. kika si ngruk Ndeyi yo a tuhek ngoi disa ki tilii disa. ⁵ Kika ak'a ngu ɗahe le aka zuba tilibu, me aka ei a ɓata kakko. ⁶ Kika ka'a ngu tuhe ngalana shaf, ki ana sharya ki ana ruta Ndeyi, yo bo tilinku zuni me a ishe ruta le tomiya. ⁷ Ona hakki le ngoi yiya. onani ngalananni; ona oyu hogshi ana hogshi; tuha ana tuhe; ona nako manekshi. ⁸ Hakkik ngo ɗeyi gi'yankobu. me kaba yo ndaltu yaganaku. kika na ko ndalta ngoi genganko ko ngamtikkok sharya. ⁹ Me, ko ina molebu,ko dugibu, ko e shiribu, ki ne uhei shaf dahansu be'i moɗi , ko ndalta yagenenko konto kakko." ¹⁰ Ndaltuiyo a woɗa yagenenkobu,kika ka'a, ndaltu a ngamta uhe. ¹¹ Kika woiye ngu manakoti jajum, yo ngu hinɗa ki monsomɗo. kauso me waggu nem ki muni kika mu onankok jire. ¹² Me beɗi duto ngera babaɗi ito nem ki wuye. eri ɗo mu laktitik rutai mu ramte tilimu mu e rutai zina. ¹³ 'Yamu marshes zina, kit ki hoti, a tong washi domana a tong seshi bu. Ke mu 'e marshe tong bille aza bu domana mure ngaha ka, ke deino tong dasa bu. ¹⁴ Me ngaf Yeso Kiristi, ko on billek zugo bu, kika siy bo'yo.