¹ Kika ka'a a ksuso, andi kine yarba biyai yo zuni yo Kiristi Yesobu. ² Woiye yo kellu a ona zau yo Kiristi Yeso biska ne'e ki bo uhe zunhu ki yo mato. ³ 'Yai yo a ishebu ki sherya te iko kika te kinato kika gomta ka biya yo ndeyi iko zuni, wato kabta zunhu atong zugo, yo sarneno leihi,kika da rokkshenti zunhu. ⁴ Woiye me dolanko ngamta leihi -leihisherya, a gemanmu, muni yo mu ishe ɗeinok zugobu, me kaba yo kellui bu'uno. ⁵ Ana ɗeinotili zugo ana ɗeino bubno kelu me rutan keki bobno kele. ⁶ Azobshe tili ge rutak zugo bo ernonsu mato, zoha tiliko ge rutak rutak bobno kelu moɗabi ku wati ɗeino lahiya. ⁷ Nako za ka 'yai tong zugo ko ishe tili ki Ndeyi, kika ko sobtinko bila sherya, me ko getabu. ⁸ Ana ɗeino tong zugo andi bila yo zuni a namta ka Ndeyibu. ⁹ Me nguni kam, ku ana ɗeino tong kelu, ne dei kelu Ndeyi a ɗeino tong tilinku shaf ngoi yo andi kelu cristibu siyo masihubu. ¹⁰ Ne me cristi atong tilinku damta zugonku ki zunhubu me;e, kelu me zau a kika ku wanko moɗik tili Ndeyi. ¹¹ Na me Kelu woiye yo hafta cristi yesoki bo mato har kauso a wanɗe tong tilimu, kana haftanko cristi yeso ki bo mato a ɗeitiki zugo woiye yoku ki bo mato ki be'i Keluni yo a ɗeino atong tilinku. ¹² Kika sha'eno, tilinmu yo tong zugo andi kene haki kamubu yo mu ina ɗeinoni. ¹³ Ku ɗeinok tili tong zugo, ku matiku kene, mena ani gedok Kelu, naku dugankok ruta woiye yo tong zugo me ku rayiku. ¹⁴ Shaf ngoi yo kelu Neyi a marshe ki zuni, zuni mila Ndeyi. ¹⁵ Ai, kelui yo ku wanko yo narabu har ku meto ɗeino ngaha ka a'a yo ɗeino mila, har mu esha tama, "Abba, Bomu!'' ¹⁶ Kelu guda kani, ki yomu kelu zuni a ishe ssheida tama muni milla Ndeyi. ¹⁷ Nama mu ang gado me ki Kiristi, nadeimu shense bone kisi, me a namta kanmu kisi. ¹⁸ Ki a bo moinoni bone yo mu shesesi a zazumwoiye, te mana a kabtetebu ki namtaka yo a manshe mubu. ¹⁹ Kisi shaf halita te a kodoyimoya tama ka mila Ndeyi. ²⁰ Boitonko 'yei yo angko bo ɗeino sarai ki tili yotobu, me ki ngoi yo boti kote shaf ki ka'a angdi zoha tili. Kana a ina ɓata biyai yo iko guda kato, ki bei woi bisku woi, yo namtaka lo Ndeyi. ²¹ Kana a ina ɓata biyai yo iko guda kato, ki be'i namta 'yai yo dibno ki kato woi biskuwoi, yo namtaka ia Ndeyi. ²² Muni mu manankoti halita te a hokshe ngartane sa bone shida yo mandu an le'i har kauso. ²³ Banda woiye, har muni guda kanmu muni yomu wanko Kelu bukno, yo sine muni kelui, atong 'yai yo gomu weshe, muka ngarti, atong tilingmu. ²⁴ Muka koɗoyi ɗeinomu yo mila Ndeyi , a'a biska zugokmu woiye, zazum yo biskangmuni mu 'yaingko zoha tili, e zoha tilibulo a zobshe tili ki 'yai yo wangko woi zoha tilibu? ²⁵ Lo a zobshe tili ki 'yai yo wankobu, ki habri mu geshe si. ²⁶ Ka'a Kelu a sata muni aka yomu, kaka mu mananko mananko 'yai yo subu mu ɗanshebu me Kelu guda kani a ishemu ɗonshu ki hoɗa nunfaciyo kina hete ²⁷ Me a tama tong tilinmu si manoti 'yai yo Ndeyi ne Kelu a ishe a biyai yo tilinsu moɗi ɗonshu. ²⁸ Muni mu mananoti 'yai shafni yo rutanta ki marshe moɗi tili ki ngoi yo da Ndeyi, ki biyai yo mana koti 'yai jire ka 'yai yoni. ²⁹ Biyai yo Ndeyi ishensu tung kelui, zuni ngarko nem suba lani kika si lai ɗeyi yo moɗi atong biya. ³⁰ 'Yai yo ngarko woiye, zuni ne si eshame, zunine ɓatko. Yai yo ɓatkomu zunine namtesu kasu. ³¹ To mu ana ta miya,aka ka'a?kika Ndeyi sarani be.inmu, le me a zauti tili ki muni? ³² Siyo nga lanibu, moishe ongko si kanmu shafmu, kana'a omu 'yai kisi tong sarani ehenobu? ³³ La azena lehi ka mila Ndeyi leihi? Ndeyi a biska. ³⁴ Zunhu goni kabta zuni? Kiristi yo matko ani ta ngoiyo hinɗa ki bo mato sine yo a ɗeino sara Ndeyi, sine ngoi yo a ɗonshu kanmu. ³⁵ Lo a zouti tika muni ki ɗeinok yo Kiristi a ishemu? Ɗo yaklu 'yai ko habri tekebu? ³⁶ Kit sida yo turenoni tama, kika kakone duganko muni kisi masanko muni kit temkaku yo kere.'' ³⁷ Saf ka;a me'e atong hali shafni, ke bei woi yo daltamuni. ³⁸ Kika ne ongko jire, le zau la maleka, le 'yai yo goni ditu, le ana geɗo. ³⁹ Le dati, le gera, le sida siya me, ku geta tika muni ki dal.