¹ Nguni yagena ku manankobu ɗo sherya te andi ngeɗo ki mato, na ku ɗeino kurum? ki bi 'yai yo manangkoti shrya ishe. ² Tamshe, mudin ngarangko kaibonobu, sherya ngarkote koi mijito mudin na andi zauni te ina kaibonobu kabana mijintomatini. ³ Te ɓatito ki tong zori kaibononi. Kika ka,a na mizinto an molai. me na mijinto matini, te ɓatito ki tong ziri kaibono, le nate ka 'yoto te an moleibu. ⁴ K'a yaganano, ku ɗeyiku ana mato gema sherya be, i zugok Kiristi. Kika ku ɗeyankou malakar 'yoto wato ngoi haftankosi kibo mato, kika mu 'ya ruta Ndeyi. ⁵ Ai name mu ɗeino tili zugo, disa daltu yo ngeteni sherya a zobsshesi ina, tene a ruta tong tuɓaɓinmu, ki be'i barta mato. ⁶ Me kauso ɓatanmu ki bosherya, har mu geshenti namtaka Ndeyi ki hoyok zau ki kelu, ki masnik turesik uhebu. ⁷ To, mu anata miya? Sherya zunhu? A'a ko shim. Me ko ki ka'a kika na sheryabu kana man zunhubu, kana sherya angkota ko kol hausibu. ⁸ Me, zunhu wako be'i ɗeino ki billa uhe, moishe eleno keta bambam atong tilino. gema kana sherya bu ka zunhu andi darja. ⁹ Kana zazum yong man heryabu, kenan andi andi zauno, me manoto uhe, moishe zunhu ɗeyini ne;i me manoti. ¹⁰ Uhe woiye me, yo ɗibsini a gemano zaune'moishe ellenoti mato. ¹¹ Kika zunhu wa bila ki be'i uhe, moishe ɗoktangko ne'i ki geemani me dugino. ¹² Kika ka'a sherya guda kato buɗnoni, uhe me babnonine, ka'a a ona jirene. ¹³ Wato, 'ya woiye yo tong gabani te elleno mato? A'a ko shim zunhu elleno, kika tamko ɗeinok zunhu, gema ki be;i 'yai uhe woiye tamko disani. ¹⁴ Muni mu manakoti sherya 'yane yo tong zugo, me a tili yo biya zunhu yo ishe. ¹⁵ Ne gena 'yai yong ishebu. kika andi 'yai yone eko ne 'en ishebu sine ishe. ¹⁶ To na 'yan yo namko kanobu sine ishe, ne yardino si 'yai jina. ¹⁷ Kana ne she si,zunhu ɗeyinizugono. ¹⁸ Kika 'yai jirebu yo ɗeyini, wato a zugonno, zobko kanno ka ruta 'yak jire. Ne ante moishe geɗok ɗaitanine andibu. ¹⁹ ellimu 'yai zobko ka imu, me ishesibu, bobi yai disa yo iko niya ishebu sine rutano. ²⁰ To na 'yai zobko ka ina me, mu eshabu sine ishe, ishe ne'ebu na ritani woiye, zunhu ɗeyini. ²¹ Me moiko, kana, ɗeinoto uhe, nada ishe 'yai yo jire moishe moya keta ngenoti. ²² Neme atong tilino, ne yardino ki sherya Ndeyi. ²³ Me moishe sida uhe so'oto bam a bo tuɓaɓino, yote a washik uhe ki hankalino namko, har te an mayono ngaruto uhe yo zunhu yo a ɗeeino bo tuɓaɓino. ²⁴ Ne hoko barkano; lo a biskane'e ki tong woiye, yo goni moka ne'e mato? ²⁵ Kunani ɗeeyito ngoi Ndeyi andi a gema yeso cristi Ndeyinmu; kana ne namshe ka sherya Ndeyi, me zugono anamshe uhe zunhu ne namta kanni.