¹ To mu ana timiya? mu tina dom ki ruta zunhu kika moɗik tili Ndeyi shei? ² A'a, ko sim' muni yo manankoti zunhu, kit lololo mu tina doom ki ɗaino a hawoto har kauso? ³ Kana, ku manakobu tong zazum yo angko baftima ki criti yeso atong matoni 'yamu baftisma? ⁴ Kika ka'a malanko muni kisi, ki be'i baftiama atong matoni,kika sida yo haftang ko Kiristi ki bo maato ki be'i namak Ndeyi, ka'a muni mu 'yako ɗaeinok jina. ⁵ Tung mu ɗetanmu modi kisi ki be'i tama matonni, kana me gommu ɗeishemu moɗi be'i hedani. ⁶ Kika, mumanangkoti longkankongni ka leihinmu kisi kika duganko geɗonimu yo zunhu, kada mu saudi namtaka zunhubu. ⁷ Ngoi na sawikko sida 'ya woiye mato me a biskini ki gema zunhu. ⁸ Namu matanko ki Kiristi mu onako jire zuk mu rayanmu kisi me'e. ⁹ Mu manankoti tama zuk tongko cristi yeso ki mato, a sawidi mashebu. Mato te andi geɗobu kanmu. ¹⁰ Mato woiye yo iko, maatko sheke modi yak andi kine sawibu kika ka'a yahanmuti zunhumu me ɗeino yo a ishe ɗeino Ndeyi. ¹¹ Ke me ɗo ku mamsanti kakku kit ku matangko tong zunhu, me ku 'yai ɗeino ki Ndeyi ki Kiristi Yeso. ¹² Kika ka;a ona jireki zunhu goi zugonkubu woiye yo mafsheni har sida 'yanini ¹³ Ku onangko jire ki ona bo tuɓaɓingkubu ɗeyini 'yak ruta 'yai zinabu, ina zunhu ana ona kakku ge Ndeyi, kit sida yo zuktankosi kibe'i mato, zala ona bo tuɓaḅingku ki Ndeyi ku zalruta tili moɗi. ¹⁴ Kika zunhu a ɗeya gemankubu. Tung andi sheryabu yo a geɗok ngunibu moɗik tili Ndeyi. ¹⁵ To kit lololo? Wato mu 'ya zunhu kika sherya andi geɗo ki munibukaba moɗik tili Ndeyi? A'a ko shim. ¹⁶ Ku mana siya ku onshe kakku a gemani ina ɗaha 'ya? Ko ina geɗo ki zunhu yo ernoni matobu, ko namtaka ngoi yo bo ernoni tili moɗi? ¹⁷ Kunani ɗeyini ka Ndeyi! Kika ka'a nguni ku ngaruk zunhu a kauso ku ɗafshe 'yani ki tili moɗi ki sida 'yai yo ngazanku. ¹⁸ Sida yo biskanko nguni ki gema namtaka ki tili moɗi. ¹⁹ 'ya 'yani kit ngo sida yo kute'e ki ɗoshi kika jigjigangtangko hankalinku kit sida yo ne'e onko bo tuɓaɓingku ki disa tama ka kelui bukno ki ruta disa ka ruta disa, ka'a me a kauso ona bo tuɓaɓinku bo ruta moɗi tili kika ruta kelui ɓukno ruta. ²⁰ Zazum yoku ngaru zunhu, damtsngunibu ki ruta moɗik tili. ²¹ sida 'yaksiya ku wangko zazumni, a gema ki rutak yo kauso kolshe kawa kauso? lele bo irno sida ruta wioye mayone. ²² Me a kauso biskanko nguni ki be'i namta ka zunhu, ku ɗeyanku ngaru Ndeyi, barkakku sine buɗbushe. Andi bo ernoto me zau yo a tekebu. ²³ Barkak zunhu yo andi boh ernotobu atong Kiristi Yeso Ndeyinmu.