¹ Kika ka'a muni mu ɓatanmu ki gema ana ona jire mu anandi ɗeino lahiya a gema Ndeyi, ki gema Ndeyinmu Yeso Kiristi. ² Ki gema woiye mu wangko rina tili, moɗi woiye yomu hawoni, ki be;e ona jiremu, mu ishe assi ki nzoha tili ki wena namaka woiye yo Ndeyimu. ³ Banda woiye, har mu ishe ki sena bonemu, kika mu manankoti sena bone a zobshe habri. ⁴ Jimri me a zobshe moɗi tili, moɗi tili, me a zobshe zoha tili. ⁵ Te zoha tili woiye a shirshebu, kika N deyi sauwa dolingkani a tong tinmu, ki gema kelui bu'uno yo onamu. ⁶ Tung mu kasanko me, moishe matko a zazum biya ana ɗaha Ndeyi. ⁷ Ki ker a wena ngoi yo a ona nzuni, kika ka'a ngoi a moɗik tili, ko ka'a wato kila ngoi andi jimre ki moɗima moishe ongkok zauni. ⁸ Kika ka'a me Ndeyi a tamshemu dolinkani, wato muni ana zunhu, moishe matinko ki kanm. ⁹ To, kika ka,a kauso biskanko muni ki gema domni ashe me, ki gemani watitik wena teke ki gema bak 'yabtu tili Ndeyi kenan. ¹⁰ Name tung mu ona laik ngoi Ndeyi kenan rangko tintilmu ki be'i mato lani, to kika ka'a ransu tintilmu, kana me, a waliti a tekeni ki be,i ɗainonmu woiye. ¹¹ Ka'abu me, har me ishe ki Ndeyi ki gema Ndeyi ki gema Ndeyimu yeso cristi yo ki gemanine mu wangko ramtu woiye a koiso. ¹² Ki gemani zunhu rino zunhu ki gema ngoi moɗi, zunhu me eleno mato kika ka'a mato ɗeyini gado ki lelo kika lelo ekok zunhu. ¹³ Lellefa zunhu a wanɗe a dunya tung zazumyo andi sheryabu a moishe zunhubu. ¹⁴ Shaf ki ka'a me'e mato ngafko ting ki ka Adamu mokika musa, harma ka biyai yo 'yangko zunhu yo iatranko doka sida yo adamu ikobu, yo sine 'yak tamshik ngoi goni ditu. ¹⁵ Mefa ngaru woiye gergede bam ki laihi woiye, ai, na leihin ngo moɗi woiye elleno tim shei mato, ashema, moɗi tili Ndeyi, yeso cristi moishe eni tim ki ona dumbin tim walikok ka'a tim. ¹⁶ Ngaru woiye me;e te bambam jire ki leihik zunhu ngoi moɗi woiye, kika ɓata yo angko ka leihi ngoi moɗi woiye, si elleno ngara 'yini yo duga be'e tim, te a zubshe ɓataka ge Ndeyi ¹⁷ Na ka'a me aka leihi ngo moɗi woiye,e mato dino ki gemani kana, me biyai yo awushe moɗik tili woiye yo moɗik tili Ndeyi, ɗo zuni malikoti waliko ka'a tim atong zau ki be'i henɗa, wato Yeso Kiristi. ¹⁸ Ko kit yo leihik ngoi moɗi woiye elleno leihik biya shafsu, ka'a me rutak jina ne ngoi moɗi woiye ɗeyini ka baya shafsu dalilin wena zau. ¹⁹ Kit sida ''yai shei ɗeyanko ona zunhu ki be;i kuɗa jire ngoi, ka'a me ki be,i ona jire ngoi moɗi a matesu tim ki hawoni. ²⁰ Sherya, mokanoti, kika leihi ini tim. me kika zunhu ina sheida, moɗik tili Ndeyi me walinko shi tim ki jire. ²¹ Kit sida yo malakar matone, ka;a kado Ndeyi ki be;i moɗi tili ,yo te moishe muni zau boh ernotobu ki gema yeso cristi Ndeyinmu.