¹ Miya me mu ana ka Ibrahim diketi dikemu? ² Kika Ibrahim na kanni hata lahiya ki be'i rutani yo lada, kana me, kana me andi 'yai ena asse kenan me a dom Ndeyibu. ³ Moya 'yai nassin anko? "Ibrahim onko jire ki Ndeyi ona jire me masanko te ki zuyayi a gemani.'' ⁴ Ngoi yo a eshe rutak lada, ladani yo saraibu, andi boh ladak rutani. ⁵ Ngoi yo a eshe rutak ladabu, me onshe geɗoni ka ndeyi. yo ana biska ana laihi, a moishe ona jirene yo tili moɗi. ⁶ Ka'a me Dauda iko 'yanik barka ang ko ta ngoi yo Ndeyi ngafshe sik moɗik tili gemani kika rutak ladanibu. ⁷ Kana angkota, "Barka ɗeyinni ka ngoi yo yahansuti zunhusu. ⁸ Barka ɗeyini ka biya a yo a mamsa zunhusubu." ⁹ To woiye barkak ndeyi ana ɓato moɗabi a ishe, ɗo har biyai yo anandi ɓatobuma? Gema 'ai yomu anhe sine, "Moishe a moɗik tili a gemani.'' ¹⁰ To atang sida hali siya mamankoti? Ki bei yo ana ɓato, ɗo na ankobu. ¹¹ Yo ani tamyani, kika tamyani shaidani yo wena maɗik tili, barkak oana jire yisi andi tung andi batobu.woiye me, ɗo dai ɓato ana ona jirene, kika a woi a moishe nzuni atong ana moɗik tili kona 'yansu ɓatobu ¹² Ka'a me ɗeyini boti ana ɓaato biyai yo ɓato moɗabi nzuni anandi, sida yo nzuni a onshe jire ki bila dekemu Ibrahim, yosi ɗafko, tung 'yani ɓatob. ¹³ Ngara 'yani woiye yo angurkok Ibrahim ki zuriyani, tama a ɗeyai gado dunya, ki be,i sherya onanibu, kika ka'a Ndeyi biskasi a moɗi. ¹⁴ Na ana ɗaha sherya zunine gado, kana ona jire ɗeyini sarai me'e, ngara 'yani woiye ɗeyini bo sarai ¹⁵ Kika sherya a ella 'yabtuk tili Ndeyi. a be'e yo andi sheryabu, andi latra dokabu. ¹⁶ Kika ka'a kuyuk ɗeyi ka ana ona jire, kika ɗeyika moɗi tili, kika yarda ki moɗik tili woiye ki shaf zuriyak Ibrahim, ki ana ona sherya moɗasu a hawosubu, har me ki biyai anandi ona jire sida yo Ibrahim siyo boti lelo, ¹⁷ kit sida yo turenoni tama, ne zobko boti biyai tim'' sime bomu muni adom Ndeyi, woiye yo angkok jire, siyo a hafta ana mato, sine me'e a ishe biyai yo andi ɗeinobu me andi. ¹⁸ Ibrahim me'e koda andi tili dala 'yabu gemani, moishe zalko kolshensu, moishe ongko jire tama si a ɗaya boti biya tim, kit sida yo ananitama, "Ka'a zuriya ko ɗeyai." ¹⁹ Ona jire me didantabu, moiko to'yok nzugonibu kika andi sani mokko dalma zazumye, kika saratu walikko geɗok te le'e. ²⁰ Me andi ona jire yo zobko si ɗaha ngara 'yani ki geɗok ona jireni,kaba namtaka Ndeyi. ²¹ Si a hakka kewe, tama Ndeyi andi geɗo ina 'yai yo si kanta ²² Moishe masanko ona jireni tili moɗi a gemani. ²³ To, mamsano 'yai yo turanko, kika Ibrahim moɗabibu turaye. ²⁴ Har ma ki muni, a mamsamu wato muni yomu ongshe jire ki waiye yo habtanko yeso Ndeyimu kibo mato. ²⁵ Yo anako tama dugani ka lehinmu yo haftankosi, kika mu we ɓato ngoi yo Ndeyimu.