¹ To, ta dolinko be yahudaku? tama jisik kasiya? ² Ai andi me'e tim'le ki billak siya. zalsheni dai yahudaku nzuni unako jire ki 'yani Ndeyi. Kauso miyani makto tonko amana woiye, tina amanasu safko wadi Ndeyi. ³ Ko shim ai dai jire Ngdeyi? Ko yiya ko ngoi yo a lerai? ⁴ Shida yo turenoni tama '' tama rutanko tamko jireko,ko me'e na moyanko rutanko. ⁵ tama yaklu tama jire mune Ndeyi a tamshemu a hena, mu anatamiya? na Ndeyi tanmu bone, iko yaklu jire kenan? (shidani ne eshe kawai.) ⁶ A,a ko nem! To, na ka'ane, ki bilai siya Ndeyi a ena sherya dunya? ⁷ A bo shantati jire Ndeyi te sawiko hete, moishe zallankota namta kanni, to'a bo miya har kauso tamano bone tama ne andi zunhu? ⁸ Na ka'a me mu jina, sida yo lansu eshemu shiri, "Tama ka'a mu anshe, bone yo a tamshe mamaye jire ɗo. ⁹ Kit lololo? Muni yahudaku walanko ma;ato ɗo? A'a ko shim. Kama mu walanko Yahudaku ki biya laihi, tama shafsu zunhu. ¹⁰ A ruta ki nzuni shida yo turenoni tama ''Andi a zirebu, andibu ko moɗi. ¹¹ Andi a tamabu andi a barta Ndeyibu. ¹² Shafsu tambansu, ɗayansu andi rutansubu ko moɗi. ¹³ Goraji delenobu ket bure 'yanisu yo ɗoktune ''an yam ki bone ¹⁴ Tim ki hubli-hubli ki ana 'yanik disa gemansu. ¹⁵ An soku ka domsune. ¹⁶ Ki tiya nzuni ɗahanko kaba barta yabtu tili. ¹⁷ Nzuni me manankoti bilai ɗaino lahiyabu. ¹⁸ Andi zubak Ndeyibu atong ɗainosubu.'' ¹⁹ To manakoti ki 'yai yo sherya anko, shaf ko ki biyai yo a elelitone. Kika a ela hanka lilelo, shaf dunya me manankoti a elel ki dokak Ndeyi. ²⁰ Andi ngoi yo a wena wangu sheryane ngoi a moishe lehinni. ²¹ 21 Kauso, andibu gema ki sheryabu, tamanko bils yo'oto jire Ndeyi, yo lalauna yo nabaku jire. ²² Jire yo Ndeyi, yo a wesheni ki bei ana ona jire yeso cristi, yo ana una jire ne shafni, andi tikinibu. ²³ Biya shaf manaakoyi ena nzunhu, nzuni me kinansu ki namaka Ndeyi. ²⁴ Moishe moɗi tili yo Ndeyi esu onom kasu hata lahiya ki bei mato cristi yeso eko. ²⁵ Ndeyi me zabikko yeso cristi ɗeyi una yahewa, ki bei ona jire ki domni. Ndeyi me eko kika da tama jire, kika brinine disanko zunhu yo tmanko. ²⁶ Kika dalanko tama jireni azazum w oiye, dalanko tamasi guda kani a jirene, a biska a ona jire kisi ki yeso me'e. ²⁷ To ta a sinmu ruko? ki rtale. Ki biles siya nama nkote ki rutak lada? A'a kaba kibilek jire. ²⁸ Kika mu lahanko, tama ki jire ngoi dalo, ki ɗaha ruta sheryabu. ²⁹ Wato Ndeyi, Ndeyi yahudaku moɗabi? kana yo biyabu me'e ? hakika yo biyamu. ³⁰ Dayinima Ndeyi moɗi, a biska ana ɓato ki bei ana jire, biyai yo anandi ɓatobuma ki be'e jire. ³¹ Kana mu elanko sherya woiye ki bei jire. a'a ko shim; moishe mu onanko ngeɗo ki te.