¹ Ki ka'a ngu anandi billa bu, koi ngo, koi kolo yo ko sheryanta biya.kikashonya sok ishek ma atoi ko ngokshe katko, ² munidei mu managkoti sheryak N deyi's live jajum yo urtu ka ana shida ruta maye'e. ³ koi ngo, ko moishe lehi k ana ina ka'a, ko me ko ishenti, ko ansheta ko giti k gunegko ki bo sheryak Ndeyi. ⁴ koi ko bokshenti k saunsinni so vushe, ki bei habruni so ishe ? Komanbu do tili madini makkoitubu ye? ⁵ kika hokoki tiligko yo andi tububu ko zug ella yabtu tili ndeyi katko a hoti yabtenok tilini.Hoti urshe sheryak tili modi ⁶ Ndeyi onak lei ngoi yiya jajum rutaniy si iko. ⁷ biyai yo kola gonita ki namtaka ki ɗeino zoha kasu ki bai ruta 'ya zina, a ramtesu ki be'e zei yo a tekebu. ⁸ Biyai yo ana dala tili, ki ana ɗaha nzire, ki biyai yo andi zigyayi, tamsu ruta kibatu. ⁹ Nddeyi a onsu bone kiana ruta keta yo nzuni a namshe 'yani sinkau ki ana yahudku moɗi, ki ana Romaku. ¹⁰ Me a ana dara, ki kunnaka, ki ɗeino lahiya ditu ki ko ngoi yiya yo rutai nzina, ki moɗi yo yahudaku,meke ki mila Ndeyi. ¹¹ kika Ndeyi a onshe yarabu. ¹² namtanko kanni biyai andi nzunhubu ayakla mantanu nzuni a lalatensu andi seryabu. yakna biyai yo andi zunhu a serya a tamsu bone ki billak serya. ¹³ kika ka'ane ki bei serya moɗabi goi a wena 'yai yo dalo ki gema ndeyibu, me dai ana rutanta, zunine a wemna ¹⁴ Na biya yo nzuni andi sheryabu, zugonsu tama nzuni ka'yaai sherya ka nzuni andi sherya kana.? ¹⁵ Rutansu tamko, tama 'yai yo sheyasu ngafko tuenoni tong tilinsu, nzugonsu a tamshensuti, ɗibshinsu a onshensuti ta ngadar, Moishe me a takanni ¹⁶ A hotik woiye Ndeyi a ena sherya biyani aka 'yai yo tong 'yali ki yam Yeso cristi aka 'yanik zire yo anshe. ¹⁷ Nako anko tama koi ko yahudakune tama ko eshe zire ki sherya me anshe ki Ndeyi ¹⁸ Ko manoti 'yai yo dalo, ki ka ko karaantiko sherya, ko manoti tika yak tintil anna mene. ¹⁹ Koiye lafkoɗo tama ko ella makumce, hetre ki bi 'yai yo atong unu. ²⁰ Ana una bone ana asum, ana shuta ana ngasya shiri kika atong sherya ko andi mantuk zire. ²¹ Koi, ko, shutak moɗi, me ko shuta kakkobu? koi a ona zire tama 'ya siribu, koi, koi me'e ko eshebuɗo? ²² Koi anshe tamu 'ya mamalibu, koiye koiye ko eshebuɗo? Koi yo tilinko ka gorajibu ko namshe 'yai bi gorajibude? ²³ Ko eshe asse ki sherya, kana ko tamshe bonek Ndeyi ka sherya? ²⁴ Atong sun ndeyi, "akakune biyai tim a biska bilak Ndeyi." ²⁵ Kana ena ɓato andi uskani, nako ngafsshe sherya, me na koi a kuɗa sherya ne, ena ɓatoko shafsu bo sarai. ²⁶ Name ngoi andi ɓatobu a dibshentik eni yo anani, yaklu ɓatoni mantito kit a ɓato? ²⁷ Ke a ɗeya moɗi yo an ɓatbu sherya, banasi ngamtitko uhe? Wusi kika ko an eni ɓato yak ɗaha uhe! ²⁸ Kika ma yahudaku yo jire ngoi yahudaku yo nzugoni koribu, ɓato yo jire hetenoni a koribu a juk dishbu. ²⁹ Ngo yo yahudaku tong tili, sine, la yahudaku. ɓato yo jire me ai aɗaishe, tong tili, te yo jire kelui, te yo jire bu, shida ngoi woiye Ndeyi ne a kunnani, biya ngobu.