¹ Ki gema bulus ngaru Yeso Kiristi a surni yo watko k 'eni jire yo Ndeyi. ² Me Ndeyi tulkok tong lalauna so bukuno. ³ 'Yani woi aka Lani yo le-yaglo tong turbak Dauda yo bukuno. ⁴ Ki bei hinɗa ana mato yo moɗi, ki gedok laNdeyi ki kelui bu'uno yo Yeso Masihu Ndeyinno. ⁵ Ki gemani mu biskangko tili modik bei 'enini ki ana ɗahasi ka zina tong lardi, kika suni. ⁶ Atong lardi , shaf ki nguni ana ɗaha Yeso Masihu ⁷ Tureli woiye ki gema biyai Roma a wunda nzuni ta biyai zugunsu bu'uno , me tili Moɗi ɗeyik Nguni , ki ɗainok lahiya ki gema bomu ki Ndeyi Yeso Masihu ⁸ Yo, tonong kunnak Ndeyinno ki gema Yeso Kiristi kika shafku , kika eri ona tirefkuso anshe le tiya tong dunya. ⁹ Kika Ndeyi anshe ta ne , n ngaruni yo kelui bu'uno yo ana moka 'enik Lani, ne ditske nguni lei tamiya aton don shunno. ¹⁰ Le ta miya ne ɗonshu tong donshuno yon wa kauso ki barkak Ndeyi ne nitu gemanku. ¹¹ Gemaro ne zufshe tili moi ngunu iku 'ya zuni unce onom so kelui lou'uno , kika ne zodku gedok tili . ¹² Kika ka,a , ne, zofshe tilin we gedoktili hototku ki bei ona jire mmu ki sonosoku. ¹³ Kauson ndalong yakle mantu lu, yagenaku, kashei ne zofshe tilin nditu gemanku. Me har kausai ka ai hala bu ne ndalon e' ka ai kika ne we milla kelui bu'uno hawotku, kit shida yo tong ana mure jire. ¹⁴ A ndi jire Heleniyaku ki biyai elis bu, ki ana asum kiyo nzuni andi asumbu shafsu tong kanno . ¹⁵ Kika ka'a abo yono andi zaha tili moka 'eni Ndeyi nguni ma Roma. ¹⁶ Ne'en kolshe kawk 'enik Ndeyibu, kika te geɗok Ndeyi te moka muni tong 'enik jire ki yahudaku yotono ki bei Helenako ¹⁷ kika a hawoto tili motik theyi hetemo ki bei ona jire godi ona jire, kit yo turanko tama, ''ngoi tilini modi wena sau ki bei ona jire'' ¹⁸ yabtu tili Ndeyi urnok ɓaɓa kika ana kuɗa ɗ́aha Ndeyi ki ruta rutamu yo tong zugo yomu n jekanti 'eni jire , ki rutamu yo disa. ¹⁹ 'Ezoit koma manta ka Ndeyi tamnonni hili gemansu kika Ndeyi tamsuti . ²⁰ Me ting ki zena dunya rutani tamnonni tili, agishentik manta nzunik bei ei si iko ei maye me, ruta gedonm kidanonni yo ndeyi. kibo woi alginage anan bille hete bu. ²¹ Eizotkoi, lei nzuni tamni kunani, a to kaa, deyansu yaknaku tong ditnasu. Tilinsui an ditnai kui 'yansu uumi. ²² Nzuni namangko kasu tama nzuni anamanta 'ya, me, Moshe ɗayansu yaknaku. ²³ Nzuni sabyongko namaka Ndeyi yo andi bo ernonm bu ki ei a wuyenni, kit ngo, ki rayinshe, ki 'ei tong riya ana sheke hodo, kiyo nzuni ella hawosu 'yali. ²⁴ Kika ka'a Ndeyi oninsuk ka unuk tilinsu, nzuni naite zugonsuk zehe. ²⁵ Kika nzuni sabyangkok jirek Ndeyi ki rerei, jo nzuni kubeshi kekube dom ei anan zaua ato ndeyi, si yo, yak namaka an bonto bu anima. ²⁶ Kika ka'a Ndeyi wusko nzuni bei nda-ndatunsu go bune ki maitosu, harmondensu sabyangkok sunok manduk gorzo, Moishe mondensu ki 'yabtankoti gargajiyansu yo wanko billai zire, ki bilai jinabu. ²⁷ Ka'a ke goraji sabyangkok sunok manduk gorzo ki gorzok gorzo a rutautabune, goraji sunce goraji a ruta nla bune.a zugonto biskw bo hawok rutansui disa. ²⁸ Kika ka'a nzuni kuɗagko k ana jire k Ndeyi, Ndeyi di'iko nzuni ka billai n sui boino nzuni rutaute ei disa maye'e. ²⁹ nzuni ana ruta yai yo nzinabu kasu tim,tili tolo, ki ana n dalt tili, a disak tili ki ana jukta be'i yerno, ki anaduga be'i, ki ana kola be'i, ki ana haitu, ki ana hali yesik rubi. ³⁰ ki ana bata ngarda, ki biyai a adafshe ana leinsu bu. ³¹ siya a manta 'yabu ki ana bide emy ngarno ana mure ndaltu, ki biyai anandi jigyayibu. ³² Mamaye me' nzuni manankoti k sherya k ndeyi, tama ana ina shida ei woiye nzuni subagko k mato, shaf ki ka'a a rutanta 'ei woi moɗabibu, me nzuni heshe sara bei ana ruta nta.