¹ Sa simɓotku kada rutanku zina gya Ndeyi hete hili dom algi moi nguni, na ka'a ɗong wena 'yak gya bokui ɓaɓa bu. ² ki ka ka'a na ngu gotku ina onom kadang bui bolu kit ana disa a ishe ban ɗonshu ki ka bille, ɗo moi nzuni woe nama ka, jire ne anshenkun biskankok bo yosu. ³ Me na ngu ina onom, kadang wus saritku geɗe amnte ei saras tina ishebu, ⁴ Me onoku ɗeyi tong bunko. Ka'a Bokui a moishe tong bunkoi a onku bo yoku. ⁵ Jo na otku ɗonshu, kadang deyi kit ana disa goro bu, ki ka n zuni a donshu a ershe erno tong ɗonshunsu ki gyenga bille ɗo algi moi nzuni. Ki jiren anshenku, n zuni biskankok bo yosu. ⁶ Me nguni , nang ɗonshu, ratku gebe tong bi hatik bo dumɓi, namin ɗonshe Boku yo tong bunko. Boku yo a moishe tong bukoi a onku bo yoku. ⁷ Na gotku ɗonshu, kadang mamate eninku ka bolo bu kit shida yo biyai Yahudakubu ishe ki ka a dibnasu a koltik nzuni kika shei ki enin su. ⁸ Ki ka ka'a kadang ɗeyi kit nzuni bu, ki ka boku manoti damtotku kabui ngu dolsi. ⁹ Ɗonsha ka'a: 'Bomu yo tong Ɓaɓa eri, sunko e bu'uno. ¹⁰ Eri menenko ndutu, eri ei ko ndalo e ka eli kit ei a ishe tong ɓaɓa. ¹¹ Ommu kutei wo'oto golii lei ta miya. ¹² Yahe mu lellhimu, kit shida yo muni yaha ana ishe mu lellhi. ¹³ Me kadak moktu muni tong kaftubu, me hod munik tong ei disa, ¹⁴ Ki ka na ngu yahanko biya lelhisu , boku yo Ɓaɓa ke yahekuti. ¹⁵ Me na ngu yahankok biya leihisu bu boku yo Ɓaɓa ke a yahe ku bu. ¹⁶ Ka'a me e, na golik goli kizi, kadang ngar idan ku bu shida yo ana disa goro ishe. Ki ka nzuni ngarshetik idansu ɗotamik algi ta nzuni golik kizi. Ki jiren anshenku nzuni biskanko bo yosu. ¹⁷ Nguni me na ngu golik kizi goma mor katku namin buɗ idanku. ¹⁸ Kika kada biya mante ta ngu tong goli kizi bu, me kaba Boku yo tong bunko, ke bokui a moishe ki tong bunkoi on kutik bo yoku. ¹⁹ Kadang ngu dahe daranku a tong dunya bu, be'is tatara ki gegado yaɓtiti, ke jo be'is ana shiri wati shirti. ²⁰ Ki bo ka'ai, za daranku tong ɓaɓa be'is lei tatara nama gegado yabta bu. ki be'is, ana shiridaha nami ei shiribu. ²¹ Ki ka be'is daranko a wondi tilinko ke wondi. ²² Idoi te ne hitillak talsku zugo, ki ka ka'ai na idanko zina, shafki zugonko ngamnok talku. ²³ Me na idan ko disa zugonko shafni ngaminik tutuɗu! ²⁴ Kika an ngoi a gita 'ye ruta a boti bolo bu. Kaba dei si kud moɗi ndalte moɗi, nama si ina nginhuk moɗi kud yo'oto. Ngu gitta e rutak ndeyi ki darabu. ²⁵ Ki ka ka'a ne anshenku, kadang damte ka zauku bu, ka ei yon tina nama ei yon sena ɗo ka zugunku, ei yong olai, ki ka zau gyedak wo'oto bu, do zugo gyedak karei bu? ²⁶ Moya rayinshe ɓaɓa. Nzuni kahi, nama zunko bu, ke daha tong dogoji bu, me boku ɓaɓa su'ushe nzuni. Ngunin wallanko nzuni daraja bu do? ²⁷ Ngoi yiya ki ndalatku ki ka ndaltuni a gitik sauwa sommoɗi zauni? ²⁸ Mek ka miya ngu damto ka karei? Miya bi'ilte tong riya ba, yo a aye, a ruta bu ke nzuni a sa'a karei bu. ²⁹ Men anshenku lei Suleimanu shaf ki nama kanni iko ommonni kit modi ki tong maye bu. ³⁰ Na Ndeyi ikok santai riya, ommo yo kute 'e a wonde ɗoshi hirati tong Yesi, ta alama so iku, nguni ana mimi'ik onajire? ³¹ Kika ka'a kadang e damto bu ngu anshe ta, 'Ei mu tina?' Na, 'Maei mu sena?' ɗo, Sutrai mu zohai?' ³² Ki ka biya Yahudaku bui gyazankoei mamaye'e. Boku yo ɓaɓa manoti ta ngu ndalanko nzuni. ³³ Me ngu gyala meneni yo tono ki rutanta zina shaf ei maye a onkuti. ³⁴ Ka'a, kadang e damto ka ɗoshi bu, ki ka ɗoshi a ina damto kato guda kato. lei baɗis siya an shei ki bone to.