¹ Ɗo Yeso moiko dahik algi shei si ɗeiko ka gosho, ɗo ɗeiko, majirakuni ndanogyamani. ² Si aha boni shutesu, ansu ta, Ana barka ana mure tong kelu, ³ "Ana barka ana mure tong kelu, mene ɓaɓai yosu. ⁴ Ana barka biyai ana Yaba a zeku sara zugonku. ⁵ Ana barka ana gyedanta ka nzunia gyada dunya. ⁶ Ana barka ana Kizi Ki Ndaltu, Kibo a Kawantinsu. ⁷ Anabarka ana kola jigyayi, nzuni ke a kola jigyayi su. ⁸ Ana barka ana bu'unoktili, kibo zuni moya Ndeyi. ⁹ Ana barka ana samɗanta bei, a wunda nzuni milla Ndeyi. ¹⁰ Ana barka biyai maitanko nzunik ka ina 'yei Ndeyi n dalo, mene Ndeyi ɓaɓa yosu. ¹¹ Nguni ana barka jejum yo algihunko nguni, ke maita nguni, a anshe lei shida disa siya ki ngadar ki bo ne'e. ¹² 'ya kuyu ki hetrek tili ki ka boyoku shei ɓaɓa. ki ka woi shida ei algi maitanko nabakui ndano. ¹³ Nguni ngu mandas ka eli. Me na manda 'yakla zai to a ramta te lolo? Kaba yar ɓe te ka bille dadaintek sheke. ¹⁴ Ngunin talku dunya. Gyabanis zanko te ka diri a bunka bu. ¹⁵ Ɗo algi rumba hitilla a kurbeto waka bu, kabe zete ka 'yak zeshento ki ka te on talkunto ki lei ngoi yiya tong bano. ¹⁶ Dei talkuko dom algi ɗo nzu moi rutaku zina nzu nami ka boku yo tong ɓaɓa. ¹⁷ Kadan dibi tan dinolakta uhe nama nabaku. Ne ndino laktanta nzuni bu , me ngamta nzuni. ¹⁸ Ki ka ne anshenku jire, ne ansheku ki ɓaɓak eli na wuya lei ei modi Yo Zina wuyek tong uhu bu kaba na shaf kilei miyana hala. ¹⁹ Ki ka ka'a, leilo na dafko shim ki tong uhe maye'e do nama shutank magef 'e a wunda si mama'i tong mene ɓaɓa. Ka'a leilo na dsfko eni modi shim ki tong uhe mamaye a wunda si na'ako tong menei 'e ²⁰ Nen anshenku, ta deinok rutan yo jire na walla rutai biya ana tureshi, ki Farisaku, bu an billai ngu rina mene ɓaɓa bu. ²¹ Ngu kolong ko ei anansu onzi, kadang duk zau bu, to, leilo na duko zau a ɗeya tong sharyas yam. ²² Men anshenku, ta lei ngoi yiya na yafta tili ki yagyenani a deya tong yam ki sherya. Me na ngoi shafa anko ki yagyanani ngoi beside a tong yam ki erno Dom bisherya jo leilo na ankota, koi ko yakna'' a tong yam ki rishi tong yesik Ndeyi. ²³ Ki ka ka'a na ngu onom dom Ndeyi nako dibko ta bei yagyananko an koi tong tilini, ²⁴ wus onomkos a dom Ndeyi, namiko ngaf billa Ko go gya lah yagyananko dongo ngu yahe zehe namik metu ko on onom koi 'e. ²⁵ Deyik ngoi a tosa koi ngu ramte katku marei ka bille marshe gya ana mene, na ka'a bui si oninko a sherya ki ana sherya a oninko anakonsu, nami olinko tong rono. ²⁶ Ki jire anshenku, Ko hetetu wondibu kaba nak tuha lei shim ki gudu dogdoi a dafshi koi. ²⁷ Ngu kollanko ei ananko, 'Koda ko ei azabu.' ²⁸ Men anshenku ta lei ngoi yiya na moiko manduk ido so azai kit iko azak tetong tilini. ²⁹ Ke jo, na idankoi tina zohinko lelhi hoɗinik hirani gelko modiktong zugonko bokinni ka ki ol shaf ki zugonko tong yesi. ³⁰ Jo ke na saratko tina mokin ko tong Lehi batik yaktiti Nzuni ki bo shaf ki zugonko oli tong ban yesi. ³¹ Ana nko ta, 'Na ngo rokko manɗi, so onto lalauna dugya babno.' ³² Me ne'en anshenku, ta ngo na wusko manɗi, na a ka leihik bu, aza, matinto an aza. Ke lei ngoi yiya na kate bei matok babno tei 'e a azak te. ³³ Jo ngu kolangko ei ananko biya onzi, 'Kadang to ana so ngadar bu, me ta anatku gya Ndeyi.' ³⁴ Me nen anshenku, kadang to anabu, lei ki sun ɓaɓa, ki ka bei ɗeinok Ndeyi; ³⁵ Namak eli, ki ka bei zena shekenn ɗo mana Urushalima, kika te gyabanik Mai na'ako. ³⁶ Nama ani ta ngu ei katku ngu vita mass somyo katKo hetre ko unu bu. ³⁷ Me nen anshenku, eri eninku deya ta, Wo'o nama a'a .Lei miya na wallitiko woi, hetenok gyam a disa 'e. ³⁸ Ngu kolangko ananko ta, 'Ido a bo ido, ke udo a bo udo.' ³⁹ Men anshenku, kadang kuɗngoi disa bu, ki bo ka'ai, na ngo mara koi jigyan ko yo tina, wanglenidi yo'oto ke'e. ⁴⁰ Na ngoi nda moka nguni dom sherya do biskitik suɓanku, oniti shaf ki godotku. ⁴¹ Ke na ngoi zofko ko go mel moɗik si mok si mel bolo. ⁴² Onik ngoi na dolko nguni, kada ngek ngoi gyaza guduk gyemakobu. ⁴³ Ngu kollanko ta, 'Ko dalte about dubnakko, namik kud a kuɗa koi.' ⁴⁴ men anshenku, dalti a kuɗakoi ko 'e ɗonshuk ka ana mai ta nguni, ⁴⁵ ka'a ngu deya milla boku a tong ɓaɓa. Ki ka si a ho'oshe hoti ni ka ana ruta disa ki ana ruta zina, jo kashe ham ka ana jire ki ana ngadar. ⁴⁶ Na ngu ndalta ana daltun kui ngu yank miya? Ki ka lei ana biska ngalana ke ishe ka'a. ⁴⁷ Me na ngu lakɗa yagyanaku moɗasu, ngu 'yanko miyayo walla mageb? Ka'a ke biya Yahudakubu ishe bu do? ⁴⁸ Ki ka ka'a ngu deyi ngamno kit shida yo boku yo Ɓaɓa ngamno.