¹ Nami kelu mok Yeso tong riya sinkau kabtasi . ² Ɗo iko kizi golik hoti bi hoɗo, kizi ngahini. ³ A kafftu dino ani ta, "Na koi ko lah Ndeyi anik gosho wi wonses 'e wangle sinakir." ⁴ Meyeso lahita, "Tureno ta, 'Ngo ina zau ki sinakir moɗa to bu, mek shida eni hetenok bo Ndeyi.'" ⁵ Nami jo sinkau mok si tong gyabanis bu'uno azesi ɓaɓaka salik ban Ndeyi, ⁶ ani jo ta, "Na ko lah Ndeyi duriti eli, ki ka tureno, si onak taktaka niwalte, 'koi nzuni hafta ko ɓaɓa tong sara, su kadang gof shekenko zuk gosho.'" ⁷ Yeso ani ta, "Ka'a ke 'e tureno, 'Kadak kabte Ndeyi Bomu a bano bu.'" ⁸ Jo, sinkau ye mok si ɓaɓak qosho nami tamni menei dunya shaf ki ei zignen yo howonto, ⁹ si ani ta, "Mamaye shaf ne oninkoti, na ko joma domno." ¹⁰ nami Yeso ani ta, "Zaɗik wonɗegyama no sinkau! Ki ka tureno, 'Ko jomak Ndeyi boko a bano, ko ina nginhuk si moɗa bi.'''' ¹¹ sinkau tikak si wus si' kaba moishe taktakaku Ndeyi ndano ishe ni nama kanni. ¹² Kausoi ɗo Yeso kolko ta, ngahankok Yahaya, si hindinni gonni tong elik Galili. ¹³ Si wusko Nazaret gonni deyi ni Kafarnahum, so gyenga haushe Galili, tong lardi Zebalun ki Naftali. ¹⁴ Woi hala ɗon gamte ei nabi Ishaya anko, ¹⁵ "Elik Zebaluna ki elik Naftali, so ki bo haushik, Urdum, Galili so biyai yahudaku bu! ¹⁶ Biyai a deino tong tutudu moyankotalku mamayei a deino tong laha kelu mato, talku urno kasu." ¹⁷ Ki sommoɗi wom, Yeso zalko wa'azu a anshen su ta, "Waklai ki ka menei ɓaɓa dinni nem." ¹⁸ Ɗo si marshe laha haushi Galili, si moiko yagyanani bolo, Saminu so a wunda ta Bitrus, ki Andarawus be yagyanani, kashe 'yak ngaha kerwo tong haushi ki kanzuni ana ngaha kerwo. ¹⁹ Yeso ansu ta "Ndati, ɗahati ne'e, nen metinku ana ngaha biya." ²⁰ An eni bu wusanko 'yak rutansu ɗafsi. ²¹ Ɗo Yeso gonnik wonɗi si moiko yagyanani bolo, Yakubu la Zabadi ki benoni Yahaya. Nzuni tong gyere ki Zabadi bosu a ramta, 'yak ngaha kerwosu. Si wunda nzuni, ²² An naso bu wusanko bosu ki gyerei nzuni daf si. ²³ Yeso kokranta lei lahai yeyak Galili, a shutntansu tong banɗonshunsu,a wa'azuk eni mene Ndeyi , ke daranta lei shida gollai yiyatong algi. ²⁴ Sommonni n duto lei tiyatong elik Suriya shafto a moksheni ana golla ki ana bone yam ki ana maito, ki ana sinkau ki ana mu'yur, ki sureshi darantansu. ²⁵ Dahik algi shei ɗahanasik tong Galili, Dikafolus,Urushalima, ɗo Yahudfiya har godi durahaushi Urdun.