¹ A tong sommoɗi Yahaya a baptisma deno wa'azu tong riyak Yahudiya ta, ² "Waklai ki ka menei baba inni nem." ³ Ki ka woi sine ei anankok bo Nabi Ishaya, a anshe ta, "Ɗolya so'oto wundu tong riya, 'Ramta billa Ndeyi deyi, ramta billani wara ngolɗu.'" ⁴ Yahaya olshe suɓa som digmo ki ɗishi ngara jeni. Wo'oto ni me shalli ki muntos riya. ⁵ Biyai Urushalima, shaf ki biyai Yahudiya ki lahai lardi genga Haushik Urdun hatano gyemani ⁶ 'I su baptisma tong haushik urdun ɗo waklank tong zunhunsu. ⁷ Me ɗo si moiko afarisiku ki sadukiyaku isano gyemani isu baptisma, si ansu ta, "Nguni milla sammakui disa, nza kumanku lo ngu e jijok bo yabta tilis isno? ⁸ hodati milla yo tama waklin ku. ⁹ kada ngu dibita ngu anandi Ibrahim bomu abano, Kika neanshenku Ndeyi gitik ho'otu milla Ki Ibrahim kitong gosho ¹⁰ Lei kaiso zankok dala zug ro a elelik ro. Ki ka ka'a shaf roi na leiko ei zina bu a da'akiti a ol ti tong Yesi. ¹¹ Ne ishenku baptismak ham yo waklu, me ngoi a dutu beino na'ako wallano ne gita nam lei tahonni bu. Si a iku baptismak Kelui Bu'uno ki yesi. ¹² Woka buyuni a tong sarani a damatik bei bodishini shapni a galatik elai zina tong karanfeni, me si boktik rubi ki yesia mashebu. ¹³ Nami Yeso ndutuk Galili godi Haushik Urdun ɗo Yahaya ini baptisma, ¹⁴ Me Yahaya nda ngesheni ti a anni ta, "Nenda ko ino baptisma kome dutu gyamano?" ¹⁵ Yeso lafni nami ani ta, "Wuisi hele ka'akauso , ki ka inni zina ne ngamte ei Ndeyi ndalo." Nami Yahaya wossi. ¹⁶ Ɗo 'yi ni baptisma, Do Yeso hetenok tong ham, moishe ɓaɓa ahani, si moiko Kelu Ndeyi urno kit suba korkodi. ¹⁷ urno kanni Kaba dolya hetenok ɓaɓa a ansheta, "Woi Lano yon ndalo ne kuyuk si."