¹ Ki bei leik Yeso a Baitalami tong Judiya a sommoɗi Mai Hiridus, Biya ana mantu ki lahai bo jeni ndano Urushalima a anshe ta, ² "Ta si woi le'yako Mai Yahudaku ye? Mu moyanko janjanik bo jeni mu ndano mu jome domni mu ini lakɗu." ³ Ɗo Mai Hiridus kolko ka'ai damtini, shaf ki ma elik Urushalima. ⁴ Mai Hiridus daheno nakshik ana ruta Ndeyi ki ana tureshi shafsu, nami dol zuni, "Le'yan ko kiristi a tiya?" ⁵ Zuni ani ta, "Tong Baitalami a Yahuda, ki ka woi ei Nabi tura, ⁶ Shi, me Baitalami, so tong eli Yahuda, shi mama'i bu tong manakshi yahudiya, ki hawoshi a mene hetetu yo deita biyano Israila."' ⁷ Nami mHiridus wonde ana mantus a tong bunko ɗo dol ki jajim so janjas heteno. ⁸ Si sar nzuni Baitalami, ta, "Nda ngu jagdeno la kolgui zina na ngu weno si ngu mokino enini, ɗo ne'e ken gojome domni in , lakde si." ⁹ Ɗo nzuni kolong ko Mai, ngaf billensu, ke janjas so nzui moyanko lahai bo jeni a marshe domsu kaba go eri be'is kulgui a wonɗe. ¹⁰ Nzuni moyanko janjas 'e nzuni" 'yanko kuyu ki hetrek tili yam. ¹¹ Nzuni ranko tong banos moishe lai 'e ki noni Maryamu. Nzuni jome lakɗe si. Nzuni ohanko tong kareisu ini onom ki dinar, mor atursa ki mur. ¹² Ndeyi Nzaka kumasnsu tong suna, ta kada nzu ni medi gya Hiridus bu, ki ka'a nzuni gosu banansuk laha billai yo'oto. ¹³ Ki bei marshensu, taktaka Ndeyi hetetu gyem Yusufu tong suna nami ani ta, "Hinɗi nam lai mamai 'e ki noni nami gunatkuEli Masar. Ɗeya wonɗi kaba nan ankukika Hiridus a gyala lai woi ye'e ɗo dugini." ¹⁴ A tong beɗi woi Yusufu hinɗa ki lai ye'e ki noni go su tong masar. ¹⁵ Si deiko wonɗi kaba ɗo Hiridus matko. Woi ngamtu ei Bomu a bano anko bo nabi "Ki tong Masar, Ne wundenola no." ¹⁶ Do Hiridus moiko ta ana mantu yautanko si, tilini yabtito yam. Si sar,na duktikmilla goraji tong baitalami ki lardi shaf ana sani bolo, godi sani modi, tinki jejum yo ana mantui Kabtankoi 'e. ¹⁷ Ka'ai halanishida nabi Irimiya anko. ¹⁸ "Koangko dolya tong Rama, bele ki unuk tili yam, Rahila a bele ka millanto, te ku'uko habra kika mattansu." ¹⁹ Ɗo Hiridus matko, kaba lak laka ndeyi hata tong sunak Yusufu tong Masar a anshe ta, ²⁰ "Hinɗi ko nam lai 'e ki noni nami goelik Israila, kika biyai ana gala zau ki lai matansu." ²¹ Yusufu hinɗa, nam lai 'e ki noni metu tong elik Israila. ²² Me ɗo si kolko ta la mai Arkiyus a mene ka Yahidiya namko kusa bobi Hiridus, inni zubak meshe wonɗi. Bei yo Ndeyi Nza Kumani tong suna hinɗa go laha elik Galili ²³ nami go ɗeyitong gyabanisu a wunda te Nazaret. Woi ngamtaei anankok bo nabaku ta, a wunda si ta Banazare.