¹ Ngu sharante bu ke kada a sharate ku bu. ² Ke sharya son sharyantanko ki te a sharyante ku, ki gyerwalei ngu kabtanko, a kabteku ki si. ³ Ki bo miya ngu moishe gudu yo tong ida yagyenanku, mek moishe gudui na'ako yo a idanko bu? ⁴ Bo miya ko anshek yagyenanko ta gotko shafte ni gudui tong idani, me tong idanko andi? ⁵ Kok ngoi disa! ndala ko zal hoda gudu ki tong idanko nami ko moyi zina kit ko gitik hora Santa ki ida yagyananko. ⁶ Kada ngu on ei bu'uno ki ada bu, kadan yakte lu'ulu'u na ka'a bu a dada'et tong shekensu a wangle tu a Takrinku. ⁷ Dolai a onku, bazai ngu wati. rosai a eheku ti. ⁸ Bo lei ngo yiya dolko a biska ki ka lei ngo yiya baza a wati shaf ngoi yiya rosa a eheniti. ⁹ A ndalatku ngoi yiya na lah ni na dolko si sinakir a oni gosho? ¹⁰ ko dol ko kerwo a oni samma.? ¹¹ Nguni yong biyai disa. ngu mananko tik ona ei zinak millanku ka mono boku yo ɓaɓa a onshe ei zinak biyai dolanko si? ¹² Ki bo ka'a shaf eyong dollanko algi iku, nguni ken isu , woi uhe nabaku. ¹³ Rak bo duɓanok mam'i ki bong rinak so na'ako, so na'akos bille bone me andi biya tim kato. ¹⁴ Ki bo duɓanos mama'i billen to yam me billento an zau, biya shim kato. ¹⁵ Mata hankal ki zubak nabaku ana rerei yo a dutu gyema n ku ki suba temkaku me nzuni ei Rita ana bana. ¹⁶ Ngu mantinsu ki zuk le'isu . Biya a robshe inabi ki zug hara ɗo gudbi kiting bareni? ¹⁷ A ka 'ya moɗi lei roi zinai yiya a onshe le'is zina, roi zinabu si ke onshe le'is zinabu. ¹⁸ Ro zina a damɓa ona le'is disabu ke yo disa a ona le'is zina bu. ¹⁹ Shaf ki roi onko le'is zinabu a dakini a olini tong yesi. ²⁰ Ki ka'a ngu manta nzuni gyem le'insu. ²¹ Shaf ki ngo iyiya bu a esha bomu a Bano, Bomu a Bano a rina ban Ndeyi bu kaba woi yo rutanta ruta bono yo ɓaɓa. ²² A hoti wonses shei a ana ta Bomu a Bano- Bomu a Bano mu"yanko eni ei hele dom ki sunko bu do, a tong sunkomu hodanko sinkau bu do, a tong sunko my 'yanko ruta tim bu do. ²³ Si lafsu ta, ne man nguni bu n datkuk gyemano an rutai disa. ²⁴ Bo ka'a shaf ki ngoi kolkok eni no jo me kolshe eni no rutanta a kabta si ki ngoi an mantu yo salko banoni ka gosho. ²⁵ Na ham worno godo, ki hibla hindeno gobko banos e' me ngeta bu ki ka salanko te ka gosho. ²⁶ Jo lei ngoi yiya kolko eni no me ɗabko bu, aɗeya kit yakna yo salko banoni ka yaya. ²⁷ Ham uorno godo ndino, ki gedo, ki hibla gafko banos , a rukziti iko laktito iko disa." ²⁸ Ɗo Yeso taka eni woi algi 'yanko monmoni ki shutai'e. ²⁹ Si shutesu ki gyedok moɗi ana tureshi su.