¹ Dakarak badi, ana rutai ban Ndeyi shafki manakshi biya gomtanko, bon su ka Yeso ɗo dugini. ² Nzuni oklanko si, hoɗini hena, onsi Bilatus ma'i. ³ Jajum yo Yahuza, onko si, moiko ta ɓatankon sharya mato ki Yeso, si tubinni matetik, oyui si biska, ki ma'i ki manakshin'e. ⁴ Si ta, ne itko zunhu ona ngoi an dom laihi, bu, "nzuni ta, woi'ei miya gamu? woi moinot ko." ⁵ Nami si hiresutik oyui a ban Ndeyi, si ngartik giyani ki zori. ⁶ Na'akok ma'i a nam oyui si yaktai, si anita, "suba mu zob oyu woi, tong za'i bu ki ka oyu ka dom." ⁷ Nzuni ananko ta suba mu kajadi hiliyo mu malidi ngerhahi. ⁸ Kika ka, ''A hili a esha si ta hili yo dom" har kute'e, ⁹ Woi anonni ki bo Irimiya nabi ngaminni, ta nzuni namanko dinar bi, kunu yo ma is fa ila bataroko, ¹⁰ me zuni kajanko hili a sala gabi kit yak bomu abano tamni." ¹¹ Yeso hinda bo tonok a mene a mene a dolsi ko ɗo ma'i Yahudaku? Yeso lafni " kityok anko" ¹² Me mokanko arani a menei na,ako ki koknaku, labsu lei miya bu. ¹³ Kaba Bilatus ani ta " ko kolshe 'ya tosan ko koi a kanni bu ɗo?" ¹⁴ Me si labko lei eni moɗi bu, kika ka, a amenei iko nakkok monmoni. ¹⁵ To a tong bikisu bo todosu a mene a wuse moɗi ki tong ana rono yo algi zabanko. ¹⁶ A tong jajim, ye'e andi ngoi yo'oto a kolshe ngo bu tong rono suni Barabbas. ¹⁷ Dahansu shafsu, Bilatus ansu " yiya ngu ndalanko ne hoɗikku si? Barnabbas, ɗo Yeso yo ngu esha si kristi. ¹⁸ Si manoti ta mokini Yeso gani kika kuda. ¹⁹ A ɗeino tong kujerak sharya, man'i sarneno ani ta, " i ya bu ki ngoi woi a lehibu, kika ne kolko yam kute,e a tong suna yo andi ki leheni" ²⁰ To nakkok a mene ki koknaku nzukok hankalik algi ɗo dol Barnabbas me duktik kristi, ²¹ A menei dolko nzuni, "A tong bolo yiya ngu dalanko ne ɗeiku si?" zuni ta "Barnabbas." ²² Bilatus ansu ta "Ne ina lolo ki Yeso yongu esha si Kiristi?" shafsu lahanko ta, "A lonkini." ²³ Na mi si ta " kika miya an 'ya isi iko bu? " me nzuni hafte ɗilyonsu ɓaɓa ta "Lonkani" ²⁴ Jajum, yo Bilatus moiko an ei gita bu ei , kika algihakali hindi to, si namko ham a bu'utik saranni a dom algi si ta, "Ne andi lehibu aka dom ngoi an leihibu. yamonmoni." ²⁵ shafki biya lahi ta " Dom ni ɗeiyi kammu ki milla mu." ²⁶ Nami hoɗisu Barnabbas, me si hubla Yeso Nami on si ɗo lonkini. ²⁷ ana kesi ki ana mene namanko Yeso a tong ban mene dahanko ana kesi. ²⁸ Hoɗa niti subani nami oln; subai dei kanni. ²⁹ Nzuni boidanko Kobsik hara nami zani kanni, nami of Zimshi a genga saranis tina nzuni kube domni, a huflesi ta "Use ma'i Yahudaku!" ³⁰ Nzuni tuf lei kani, Nzuni namanko zawa gopdi kani. ³¹ Jajum nzuni ɓokanko si, a matenitik yobi, moishe mokani a lonkasi. ³² nzu ni hatano kori, nzuni wanko ngoi Bakurani suni simon, nzu ni zohanko si gok nzuniɗo si nam shoho lonka yeso. ³³ Nzuni ndano beis a esha te ta Golgota, watau, bei osok ka ngu.'' ³⁴ Nzuni oni 'yak seshi. Me ɗo si damɓa, si ku'u ko seshe. ³⁵ Ɗo nzu ni lonkanko si,nzu ni tikanko subani yanko hurɗi kato, ³⁶ Nzuni ɗeyi su moishe si. ³⁷ A kaninzuni zadi lelhi ni ta, "Woi Yeso, mai Yahudaku." ³⁸ Lonkanko ana shiri bolok si, moɗi ka sara tina moɗi ke ka sara geɗe. ³⁹ Ana geɗe hubla si anshe ta, ⁴⁰ ko ta, "Kolaktiti ban ɗonshu ke k salti tong sommod̄i kunu wangltikatko! Na ko lah Ndeyi , urti kik ka shohoi!" ⁴¹ A billa moɗi a nakkok mai a ruta ban Ndeyi a zoliyanta si ki ana tureshi ki koknaku me ta. ⁴² Walta madɗi me git ko walta kanni bu. mai urshelima. si urtu kika shoho nami mu oni jire. ⁴³ Si yarda ki Ndeyi, Ndeyis a walte si kai so na si dalo kika si ta, ne en lah Ndeyi. ⁴⁴ Me a shiri yo lonkanko ki si iko eni kit yo nzuni ananko. ⁴⁵ A tong jajum yo bashimoɗi bei unu ndino tong shaf ki eli kaba jajum yo ɓonum. ⁴⁶ Atong jajum yo ɓonum, Yeso iko bele ki nakkok ɗolya ta, "Ndeyi, Ndeyi ki ka miya ko yaktino? ⁴⁷ Jajim yo maɗɗinsu a erno ko lanko, zum ta "A esha Iliya." ⁴⁸ kalou kalou moishe yo moɗi gunak jijo namno juli Ngamta tek Hami yo shomshom. moishe Longki bo zawa moishe oni sa. ⁴⁹ Ki nensu anan ko ta, "Di 'iya si moɗabi mu moyi bai Iliya a ndattu walti ni." ⁵⁰ Yeso lula yam moishe nko keluni. ⁵¹ Moishe iyak hena bodumbi tarinni bo bolo ki diri kaba bo herni. eli iko didide ki goshaku laktansi kasha-kasha. ⁵² Moishe burare ahato ko moishe zuk yo matno me'a mosom moishe hinɗansu. ⁵³ Hatanok tong bures ki bei hinɗani moishe gunanko tong gybanis buno a tamshe kasu ki biya. ⁵⁴ Kauso ana suɓa ma'l, ki biyai yo moishe Yeso, moishe dide dunya ki e hala moishe shaftsu a nzuba, moishe ananko ta, "Jire woi lah ndayi." ⁵⁵ Monde tim yo ɗabshe Yeso tinki Galili ki moya lahiyani nzuni wonɗe a moishe ki gyra. ⁵⁶ A tintisu andi Maryamu Magdalene, ki Maryamu nonti Yakubu ki Yusufu, ki nonti lah Zabadi. ⁵⁷ Ki bo zoni MOISHE ngoi moɗi a dara ndinok Armati suni Yusufu si me shaf moɗik tong majiraku Yeso. ⁵⁸ Moishe duko gum pilate moishe donshasi ki zuk Yeso, moishe pilate Oni tik zuk Yeso. ⁵⁹ Yusuf namko zuk Yeso, boidini tong suɓai zina, ⁶⁰ Names si sunte yeso a tong bures hoyo so Ohoko gyen-gna gosho si tuhidi goshos nako a bo bures e. Ki dishen ni. ⁶¹ Maryamu Magdalene ki Maryamu ma'ato shaf a wonɗi a deino gan-nga bure se. ⁶² Dakara baɗi, badi so shiri ma'ik ana ruta ban ndei ki Farasaku dahansu zuk zehe shafki Pilate. ⁶³ Moishe anan ko ta, "Ngoi youtu woi do anni Zauni ankota bei somaɗi kunu ne hinɗino ki Zau.' ⁶⁴ Ki ka a zohatik bures tong ido moisno yam so somoɗi kunu. na ka'a bu majirakuni shirin hante anshek biyo, ta hinɗinik mato. ki bo ka'a youtu yo kauso a wallitik yotono yam." ⁶⁵ Nami pilate ansu ta nama a suɓa ma'l a ze ido yam a kan ni. ⁶⁶ Moishe danko zohanko ido yam a ka bures se zanga gosjos ki a suɓa ma'l.