¹ moɗis gybe, nem ki bola ernok sommoɗi babilo, maryamu magdalene ki mary so'oto ndano ki maryamu a bo bure. kolshe gyrim ki didok eli moishe taktaka urnok ɓaɓa moishe nza'ata gosho a gyanga moishe ɗeyito kato. ³ Moishe subani a talku hetre kit Tantuliyo. ⁴ Ngoi a deita be'isse moishe nzuba wani manni kit matinni. ⁵ Moishe taktaka anko mondei ta ngu 'e nzubabu, ki bon monoti ngu gaza yeso yo bankosi ka shoho. ⁶ Moishe ansuta a wonɗebu hinɗinni kit yesi angok ndating moi be gyendangosi ⁷ Ḍa kalau -kalau ngu anik majirakuni hinɗinik mato moyai isko a domku bile galili ngu go moyasi kit yo anku." ⁸ Moishe monde kalau-kalau diya no bures ki nzuba ki hetrek hawo moishe gunang anshek majirakuni. ⁹ Yeso gomkok zuni moishe mondei namanko shekeni jomanko ngahanko kanni. ¹⁰ Moishe si ansuta, kada ngu 'yen zubabu ndan go anik ba enku a ngab marshe galili a wonɗi nzuni a moya ne'e." ¹¹ monde aka marshe ana ronoi ma'ato ndansu gaɓani moishe hante anshek ma nekshi yo ruta ban Ndeyi eyo hala shafni. ¹² Moishe a nauko bi Ndeyi aknanko bonsu ki koknaku shei some eni ka 'yaye'e ke nzuni moishe onako dokdo Tim ki a karei ma'i, ¹³ a ansu ta anak algita majirakuni danok ɓeɗi shiranko zugoni da mu monsom. ¹⁴ Na somo wonsese taɗa a nakoi, mu ella si do nama damto kat kubu. a suba ma'i namko dokdoi 'y moishe iko kit yo anani. somo wonsese nataɗa a nakoi, mu ella si ɗo wena damto katkubu. ¹⁵ mOoishe a karei ma'i namko dokdoie moishe iko kit yo anani. somo wonsese ruto lei a tiya hotok yahudaku kaba kute'e. ¹⁶ Me majirakuni bimmat ki moɗi ndansu gaili ka diri kit yo yeso ansu. ¹⁷ Ki moya si mato namanko kanni mato me'e 'yan'nko zobshuk tili. ¹⁸ Yeso dino ansu ta, "Shafki menei ɓaɓa onano ti shafki yo tong dunya. ¹⁹ Ndei kauso ngu shu tante shafki algi dunya ngu isu Baftisma a tong sun Boti ki Lah ni ki Kelui bano. ²⁰ Shuta su, nzuni daf shafki eyon ansu moyai ne ganku le tamiya kaba bo 'yarno dunya.''