¹ Yeso hata hena ki ban Ndeyia dafshe billani. Majirakuni ndano gyemani ɗo a tamni salik ban Ndeyi 'e. ² Me si lafko nami ansu ta, "Ngu moyanko shaf eimamayebuɗo? Jire anshenku an goshoi ka moɗi bu yo de'eteka zafto so yakto te bu." ³ Ɗo si ɗeiko a ka goshok Zaitu, majirakuni ndano gyemani tong bunko nami anita, "Amu, tamiya ei mamaye a hele? Mesheko ki teke dunya a ɗeya kit lolo?" ⁴ Yeso lafko ansu ta, "'Ya danum ɗo kadan ngo yo'oto bo'ote nguni bu. ⁵ Ki ka biya tim a ndutu a tong suno a ana ta, Ne'en Kiristi, a boititi biya shei. ⁶ Ngu kola eni kesi ki somok kesi. Ngu damte bu, ki ka kaba ei mamaye hala, me bo tekteke dino bu. ⁷ Ki ka jukta bei a hele tintil eli ki eli, ki hoto mene ki mene. Kizi ki ehe eli bei shei. ⁸ Me shaf ei mamaye shida bonek yo hele bo tono. ⁹ Nzuni me a tomku bone nami dugin ku. Biya shaf a kuɗa nguni ki ka suno. ¹⁰ Biya shei a nget'e, yo'oto a ona shaensu maiato a ku tik shasu. ¹¹ Nabaku rerei tim hetetu a boititi biya tim. ¹² Ki ka rutan disa itinni shei, ndalta biya shei a samɗito. ¹³ Me na ngo iko habri a watik wangu. ¹⁴ Eni mene ɓaɓa a ina wa'azunto lei tiya tong dunya kit 'yaktamya gyam dunya shaf to . Ke bo teke ndutu. ¹⁵ Ki ka ka'a, na ngu moyanko rutak bukdo yo nabi daniyel anko a erno beis bu'uno bu (bok karatu mante) ¹⁶ biya Yahudiya a gosu ka gosho, ¹⁷ ngoi yo ka ɗolyo bano ke ur tu nama karei ni bu, ¹⁸ ke jo ngoi to tong kori ke metu na ma godo ni bu. ¹⁹ Me titikut biyai anan milla ki mamaye ana ona yeɗik kolgu! ²⁰ Ɗonsha Ndeyi kada jujot ku ɗeyi tong huzobu nama hoti subdu. ²¹ Ki kaa ina bone yam , yo 'yanko bu tum ki zalshe dunya ndi di kutei'eke jo a 'idi bu. ²² kaba na siktanko sommoɗi mamaye, na ka'a bu an ngoi wena wangu bu. Me ki ka biyai zaɓan su, a sikti ti sommoɗi mamaye. ²³ Lei lo na anko ta,moyi, woi Yeso wonɗe ɗo ma wonɗi ke nju on jirebu. ²⁴ Ki ka kiristi ki Nabaku ngadar shei ndutu ke a tama ruta dobo ki monmoni, kit yo a boiti ti biyai ya'akangko ko na a ito. ²⁵ Moi, ne ankuti tin ki marei. ²⁶ Ki ka ka'a, na nzuni ananku ta, 'moya kiristi tong riya,' ngu heten go riyai bu. Ɗo ma, moi, si tong bi na'ako, ngu onjirebu. ²⁷ Ki ka kit yo talku hetnok bo jeni gonni bo zoni, ka'a ke meshe lah ngo ɗeya. ²⁸ Beis an dabba matko wonɗi gyedabsho daha. ²⁹ Me nasko bu bei bone yo sommoɗi mamaye hoti ito unu, ke tere a ona talku bu, janjaku ngetetuk ɓaɓa, ke jo gyedos ɓaɓasoma dedide. ³⁰ Kaba 'yak toma suba lah ngo heteno ɓaɓa, shaf shida biyai dunya ina bele ki nuzba. Nzu moya lah ngo meshe ka keɓe ɓaɓake geɗo ki nama ka. ³¹ Si sara taktaka kuni ki ɗolya sherewa na'ako, nzuni dahetushaf ki biya si ya'aka laha dunya hoɗoi ye, ki lei laha woi godi wonse. ³² Ngaza mantu gyem ro gudbi. Na ngu moyan ko te ho'oshe kumoi hoyo, ngu mantiti huzo dinto. ³³ Ka'a ke, na ngu moyako ei mamaye hele, ngu matiti ta meshe ni ndito, si bo duɓano. ³⁴ Ne anshen ku jire,zaman wese a geɗe bu, shaf ki ei woi na hala. ³⁵ Ɓaɓak eli geɗato, me enino a geɗe bu. ³⁶ Me eni hoti wonse'e ki jejum ni an ncoi man bu, lei taktaka, kaba Boti. ³⁷ Kit yo hala sommoɗi Nuhu, ka'a ke meshe lah ngo ɗeya. ³⁸ Kit yo sommoɗi mamaye kabui urshe ham nzuni tishe ki sheshi, a kaibono ke onshe kaibono kaba hoti'i Nuhu ruko tong gere, ³⁹ nzuni mananko 'yabu kaba moi ham worko nzuni shaf su - meshe lah ngo ke ɗeya ka'a. ⁴⁰ Goraji bolo abeyi kori- a namti moɗi wus ti moɗi. ⁴¹ Monde bolo ka eso ka goshobei moɗi a nama moɗi, a dei di moɗi. ⁴² Ki ka ka'a era ka shekenku, ki ka ngu mananko hoti boku a bano metu bu. ⁴³ Me manta ti woi'e,na a boti bano manoti jejum a shiri ndutu, ka a erinni ka shekenni a deya ashiri re bano ni bu. ⁴⁴ Ka'a ke kaba ngu ramtiti zugonku, ki bo lah ngo metu jejum ngu zohanko tili bu. ⁴⁵ Ngarui yinya ,yo an ona jire ke an mantu, yo boni a bano zasi ka banoni, ɗo si onsu wo'oton su jejunni? ⁴⁶ Ngaru woi an barka, yo bobi a bano metu bolsi ishe ka'a na meno. ⁴⁷ Ne anshen ku jireta boti a bano ngaru woi zena si deyi ka shaf ki darani. ⁴⁸ Me na ngarui disa anko tong tilini ta, 'Bono a bano meno kalau bu,' ⁴⁹ nami someina jibok sha'eni ngaraku, ke tishik seshe ki ana seshek hete tong hankali, ⁵⁰ boti a bano ngarui metu hoti'i ngarui za tili bu,jejum si manbu. ⁵¹ Boti a bano ngarui tikinik zoha tilini a oni boyobi ki ana ngadar, wonɗe an bele ki ata udo.